Yeremi 22:3 - ALA KA KUMA

³ Masaba ko: ‹Aw ka tilenninya kɛ sɔbɛ la. Aw ka mɔgɔ tɔɲɔninw bɔ u tɔɲɔbagaw bolo. Aw kana lonan, ni falatɔ ani firayamusow tɔɔrɔ. Aw kana sɛgɛn la u kan. Aw kana jalakibali faga yan yɔrɔ la.

Jula NT of Côte d’Ivoire

³ Matigi Ala ko: Aw ye can ni terenninya sira tagama. Aw ye mɔgɔ tɔɲɔninw bɔsi ka bɔ o tɔɲɔbagaw boro, aw kana lonanw, ani feritaw, ani muso cɛ saninw minako juguya, aw kana jusukungbɛlɛyako kɛ o ra, aw kana mɔgɔ jarakibari faga nin jamana ra yan.

Yeremi 22:3 Iomraidhean Croise

Sam 2nan 23:3

Isirayɛli ka Ala kumana, Isirayɛli dogokabakuru y'a fɔ ne ye ko: ‹Mɔgɔ min b'a ka kuntigiya kɛ ni tilenninya ye, mɔgɔ min b'a ka kuntigiya kɛ ni Alaɲasiran ye,

Mas 2nan 24:4

Manase tun ye mɔgɔw faga gwansan ka Zeruzalɛmu dugu kɔnɔ bɛɛ fa kojugu la fɔɔ Masaba ma sɔn k'o yafa.

Ayuba 22:9

E tun be to ka ban ka firiyamusow sɔn, e tun be to ka falatɔw barika ban.

Ayuba 24:9

U be falatɔ minɛ fanga na, u be fɛɛn minɛ sigɛnbagatɔ fɛ ka sɔrɔ ka juru don a la.

Zaburu 68:5

Aw ka dɔnkili la Ala ye, aw k'a tanu. Aw k'o kɛ ka sankaba kan sigibaga kunbɛn. A tɔgɔ ko Masaba, aw ka nisɔndiyapɛrɛnkan bɔ a ɲakɔrɔ.

Zaburu 82:4

Aw ka fantanw ni dɛsɛbagatɔw hɔrɔnya. Aw k'u bɔsi mɔgɔjuguw bolo.

Zaburu 94:21

U be bɛn ka mɔgɔtilennin le kɛlɛ, u be mɔgɔ jalakibali le jalaki.

Zaburu 94:6

U be firiyamuso faga, ni lonan, u be falatɔ fana faga.

Bɔri 22:21

«Aw kana firiyamuso, walima falatɔ tɔɲɔ.

Bɔri 22:22

N'aw y'u tɔɲɔ, n'u kasira ne nɔɔ fɛ, ne bena u kasikan mɛn.

Zanaw 23:10

U tun ye kabakuru minw bila fɔlɔfɔlɔ ka foro daan bɔ, kana u yɛlɛma. Kana sɛnɛ kɛ ka don falatɔ ta la.

Zanaw 6:17

yɛrɛboɲa ni galontigɛ, mɔgɔ jalakibali fagali,

Ezayi 1:23

Aw ka dugu ɲamɔgɔw kɛra mɔgɔmurutininw ye, benkannikɛlaw dɛmɛbagaw lo. Bonyafɛn le ka di u bɛɛ ye, u be boli daa sanfɛnw kɔ. U te falatɔ ka tiɲɛ d'a ma, firiyamuso ka koo te don u tulo la ka ye.

Ezayi 58:6

Sundoncogo min ka di ne ye, o filɛ: aw yɛrɛ b'o lɔn. Mɔgɔ minw minɛna ka siri tilenbaliya la, fanga tintinnin be minw kan, aw ka olu hɔrɔnya. U be minw tɔɔrɔ, aw ka olu labila. O kɔrɔ ko aw ka jɔnyako bɛɛ dabila.

Ezayi 58:7

Aw k'aw ka dumuni tilan ni kɔngɔtɔ ye, layɔrɔ te fantan minw fɛ, aw ka layɔrɔ di olu ma. Aw ka fani di fɛɛrɛtɔ ma, aw kana boli aw ka mɔgɔw ɲa.»

Yeremi 19:4

Bari u banna ne la, u ye yɔrɔ nin kɛ cogo dɔ la fɔɔ mɔgɔ be fili a ma. U ye siya wɛrɛw ka joow sɔn yen, olu n'u faaw ani Zuda mara masacɛw ma minw lɔn. U ye yɔrɔ nin fa ni mɔgɔ jalakibaliw joli ye.

Yeremi 21:12

A fɔ ko: «Dawuda ka somɔgɔw, Masaba ko: ‹Loon o loon, aw ka kiti tilennin kɛ. Aw ka mɔgɔ tɔɲɔninw bɔ u tɔɲɔbagaw bolo. N'o tɛ, n ka fariya bena wili aw kama i ko tasuma, mɔgɔ si tena sɔrɔ min b'a faga. O bena kɛ aw ka kojuguw le kosɔn.

Yeremi 22:17

Nga ele, yan i dusu sinnin te foyi ma fɔɔ i yɛrɛ nafa ɲiniko dama, ka jalakibaliw faga, ani ka tɔɲɔli ni benkannikow kɛ.»

Yeremi 26:16

O tuma na, ɲamɔgɔ nunu ni jama bɛɛ y'a fɔ sarakalasebagaw ni kiraw ye ko: «Cɛɛ nin man kan ka faga, bari a kumana an fɛ Masaba an ka Ala le tɔgɔ la.»

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Yeremi 7:23

Nga ne ye min ɲini u fɛ, o ye nin ye: N ko: ‹Aw ka mɛnni kɛ ne fɛ, o la, ne bena kɛ aw ka Ala ye, aw bena kɛ ne ka mɔgɔw ye. Ne ye sira min don aw seen kɔrɔ, aw k'o taama ka ɲa, aw bena hɛrɛ sɔrɔ.›

Yeremi 9:24

Masaba ko: «Loonw be na, mɔgɔ minw kɛnɛkɛnɛna farisogo la dama, n'u dusu ma yɛlɛma, ne bena olu bɛɛ ɲaa gwan:

Kasikan 3:36

tuma min na u be ɲɔgɔn tɔɲɔ kiti la, Matigi t'o yera wa?

Ezekiyɛli 18:12

a be dɛsɛbagatɔw ni fantanw tɔɲɔ. A be soɲali kɛ. A ye fɛɛn min minɛ ka sɔrɔ ka juru don, a t'o kɔsegi o tigi ma, a be dɛmɛ ɲini joow fɛ. A be kojuguw kɛ,

Ezekiyɛli 18:7

A te mɔgɔ si tɔɲɔ, a ye fɛɛn min minɛ ka sɔrɔ ka juru don, a b'o kɔsegi o tigi ma. A te soɲali kɛ, a be dumuni di kɔngɔtɔw ma, ka fani di dɛsɛbagatɔ ma.

Ezekiyɛli 22:7

Mɔgɔw b'u faaw n'u baaw dɔgɔya yen, ani ka ben lonanw kan, ka falatɔw ni firiyamusow tɔɲɔ.

Ezekiyɛli 45:9

Matigi, Masaba ko: «Isirayɛli ka ɲamɔgɔw, a daan tɛmɛna! Aw ka fariyako ni mɔgɔtɔɔrɔko dabila, ka kotilennin ni kobɛnnin kɛ. Aw kana ne ka mɔgɔw bololafɛnw bɔsi tugu. Ne Matigi, Masaba le ko ten.

Sarakalasebagaw 19:15

«Aw kana kiti tigɛ tilenbaliya la. Aw kana ben mɔgɔ wɛrɛ kan ka fantan dɛmɛ cogo bɛnbali la a ka fantanya kosɔn. Aw kana tiɲɛ di faama ma a ka faamaya kosɔn. Aw ka kiti tigɛ ni tilenninya ye.

Amɔsi 5:15

Aw kana kojugu koo diya aw yɛrɛ ye, nga, aw ka koɲuman le kanu. Tilenninya ka sɔrɔ aw ka kitikow la. N'a sɔrɔ Masaba, Setigi Ala bena makari Yusufu kɔmɔgɔw tɔɔ la.

Amɔsi 5:24

Nga, tiɲɛ ka se yɔrɔ bɛɛ i ko kɔji woyotɔ, tilenninya ka kɛ i ko baji min te ja!

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Mise 6:8

Adamaden, fɛɛn min ka ɲi, o fɔra i ye. Masaba be min ɲin'i fɛ, o ye tilenninya ye, ɲumanya ka diya i ye, i ka tugu i ka Ala kɔ ni yɛrɛmajigi ye.

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Matiyu 23:23

Bɔnɛ b'aw ye, aw sariya karamɔgɔw ni Fariziɲɛ namaramɔgɔw, aw be nanaye, ani nanfuraburu sifa bɛɛ jaka bɔ. Nga sariya koo minw ka gwɛlɛ, i n'a fɔ tilenninya, ni makari ani kantigiya, aw te olu bato. Aw tun ka kan ka olu le kɛ ka dɔ nunu fara o kan.

Sariya 10:18

A be falatɔw ni firiyamusow ka tiɲɛ fɔ. Lonanw koo ka d'a ye, a be dumuni ni faniw d'u ma.

Sariya 24:17

«Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Sariya 24:7

«Ni aw Isirayɛlidenw dɔ y'a balima dɔ minɛ k'a kɛ jɔɔn ye, walima k'a feere, o tigi ka kan ka faga. O la, aw bena kojugu bɔ aw cɛma.

Sariya 25:1

«Ni mɔgɔ fila bilara ɲɔgɔn na Isirayɛlidenw cɛma, u ka kan ka taga kititigɛlaw fɛ, mɔgɔ min ka kan ka jalaki, u k'ale jalaki, tiɲɛ be min fɛ, o tigi ka tiɲɛ sɔrɔ.

Sariya 27:19

‹Mɔgɔ min be lonan, walima falatɔ, walima firiyamuso ka kiti cɛn, o tigi danganin lo.› Jama bɛɛ ben'a laminɛ ko: ‹Amiina!›

Yakuba 1:27

Alasira taamacogo min tilennin be, ni fiɲɛ t'a la an Faa Ala ɲakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga diɲɛ koo nɔgɔninw bɛɛ ma.