Yeremi 21:4 - ALA KA KUMA

⁴ Masaba, Isirayɛli ka Ala ko: ‹Kɛlɛkɛminan minw b'aw bolo, n'aw b'o kɛra ka Babilɔni masacɛ ni Babilɔnikaw kɛlɛ, minw b'aw ka dugu datugura dugu laminikogo kɔfɛ, ne bena o kɛlɛkɛminan nunu yɛlɛma ka sin aw ma, k'o lajɛn dugu kɔnɔ.

Jula NT of Côte d’Ivoire

⁴ ko Matigi Ala, Izirayɛli ta Ala ko: ‹A flɛ, kɛrɛkɛminan minw bɛ aw boro, aw bɛ Babilɔni masacɛ ni Babilɔnikaw kɛrɛra ni minw ye, sabu o ka aw ta dugu lamini, ayiwa, o kɛrɛkɛminanw ɲasinna aw ta dugu kɔfɛyɔrɔ ma, nka ne bɛna o yɛlɛma ka o ɲasin dugu yɛrɛ kɔnɔnɔyɔrɔ ma.

Yeremi 21:4 Iomraidhean Croise

Ezayi 10:4

Kɛta tena sɔrɔ, fɔɔ ka biri kasodenw cɛma, walima ka to suuw cɛma. O n'a ta bɛɛ, Masaba ka dimi ma ban, halibi, a bolo wilinin be sanfɛ.

Ezayi 13:4

Aw k'aw tulo malɔ mankan na kuluw kan, a bɔnin be jamaba mankan fɛ dɛ! A y'aw tulo malɔ masaw ka mɔgɔw mankan na, siyaw be ɲɔgɔn lajɛnna. Masaba, Setigi b'a ka kɛlɛdenw lajɛn na k'u filɛ, minw bena taga kɛlɛ la.

Ezayi 5:5

Ayiwa, ne bena min k'a la, ne bena o yira aw la. Ne bena jata bɔ a la, a bena cɛn. Ne ben'a kogo ci ka bɔ yen, u ben'a dɔndɔn.

Yeremi 20:4

Bari a b'a fɔra ko: ‹A ye, ne ben'a to e n'i teriw bɛɛ jaa be tigɛ. Olu juguw bena u faga ni murujanjanw ye i ɲana. Ne bena Zuda mara mɔgɔw bɛɛ fana don Babilɔni masacɛ bolo. A bena dɔw faga ni murujan ye, ka dɔw minɛ ka taga n'u ye Babilɔni.

Yeremi 21:3

Zeremi y'u jaabi ko: «Aw ye ta'a fɔ Sedesiyasi ye ko

Yeremi 32:24

«Yɛlɛyɔrɔ dɔw lalagara janko ka dugu minɛ. Murujan, ni kɔngɔ, ani fɔɲɔbana sababu la, dugu nin bena di Babilɔnikaw ma minw b'a kɛlɛla. I ye min fɔ, o le kɛra, i ɲaa b'a la.

Yeremi 32:3

Zuda mara masacɛ Sedesiyasi tun y'a datugu k'a fɔ a ye ko: «Mun na i be kiraya kɛ ko Masaba ko ale bena dugu nin don Babilɔni masacɛ bolo, ko a ben'a minɛ,

Yeremi 32:5

Ko a bena Sedesiyasi minɛ ka taga n'a ye Babilɔni. Ko a bena to yen fɔɔ ni ale Masaba nan'a ka koo filɛ. Ko hali n'u ye kɛlɛ kɛ ni Babilɔnikaw ye, u tena se u kɔrɔ. Ko Masaba le ko ten.»

Yeremi 33:5

ni Babilɔnikaw ye. Soo nunu bena fa suuw la, ne bena minw halaki dimikojugu fɛ. Ne bena n yɛrɛ dogo dugu nin na a ka juguya bɛɛ kama.

Yeremi 35:17

«O la, ne Masaba, Setigi Ala, Isirayɛli ka Ala ko: ‹Ne y'u ka bɔnɛ minw koo latigɛ ne ben'a kɛ o bɛɛ be se Zeruzalɛmukaw bɛɛ ni Zuda mara mɔgɔw ma. Bari, ne kumana u fɛ, u ma mɛnni kɛ, ne y'u wele, u ma n laminɛ.› »

Yeremi 39:3

Babilɔni masacɛ ka kɛlɛkuntigiw bɛɛ donna ka taga sigi dugu kɔnɔ forobayɔrɔ la. Nɛrigali Sarɛsɛri ka bɔ Samugari tun be yen, ni kuntigiba dɔ min tɔgɔ ko Nebo Saasekimu, ani Nɛrigali Sarɛsɛri, ale ye kɛlɛkuntigi dɔ ye fana. Masacɛ ka kɛlɛkuntigi tɔ nunu bɛɛ tun be yen.

Yeremi 52:18

U ye bugurigwɛ cɛfɛnw, ni pɛluw, ani fitinɛ juru tigɛminanw, ni jifilenw ta, ani u tun be to ka baara kɛ ni minan ziralaman minw bɛɛ ye Masaba ka soo kɔnɔ.

Kasikan 2:3

A ka dimikojugu fɛ, a ye Isirayɛli fanga nagasi. A m'a juguw natɔ bali. A ye tasuma mana Yakuba ka soo kɔnɔ, a be manana faan bɛɛ ka taga!

Kasikan 2:5

Matigi kɛra i ko an jugu. A ye Isirayɛli halaki, a y'a ka masasow bɛɛ halaki, a y'a ka yɔrɔ barikamanw halaki. A ye Zuda mara mɔgɔw ta kɛ hakiliɲagami ni dusukasi ye dɔrɔn.

Kasikan 2:7

Ale Matigi le bann'a ka sarakabɔyɔrɔ la, a sigiyɔrɔ koo goyar'a ye. A ye Siyɔn dugu n'a ka faamaluw don a juguw bolo. Mankan boɲana Masaba ka soo kɔnɔ, i ko ɲanagwɛ loon.

Ezekiyɛli 39:3

Ne bena i bugɔ, kala bena bɔ i numanbolo la ka ben, biɲɛ bena bɔ i kinibolo la ka ka ben.

Oze ta kitabu 9:12

Hali n'u ye deenw lamɔ, yanni o deenw ka kɔrɔbaya, ne bena u faran ɲɔgɔn na. Ni ne y'u bila, o ye bɔnɛ ye u ma!

Jakariya 14:2

Masaba ko: «Ne bena siyaw bɛɛ wele ka na lajɛn Zeruzalɛmu gɛrɛfɛ u k'a kɛlɛ. U bena dugu nin minɛ, ka sokɔnɔfɛnw cɛ, ka la ni musow ye fanga la. Dugu mɔgɔw tilan kelen bena minɛ ka taga. Nga tɔɔ nunu tena minɛ ka bɔ dugu kɔnɔ.»

Matiyu 22:7

Masacɛ dimina kosɔbɛ, a y'a ka sɔlidasiw ci ka taga o mɔgɔfagala nunu halaki ani ka u ka dugu jɛni.