Yeremi 2:7 - ALA KA KUMA

⁷ K'a sɔrɔ ne nana n'aw ye nɛɛma jamana kɔnɔ, waasa aw k'o yɔrɔ fɛnɲumanw diya bɔ. Nga aw dontɔ yen, aw ye ne ka jamana nɔgɔ. Ne be tigiya kɛ jamana min na, aw y'o kɛ yɔrɔ goman ye.

Jula NT of Côte d’Ivoire

⁷ Ne ka aw lana dugukolodiman le ra, janko aw ye o yɔrɔ simanw domu, k’a fɛnɲumanw sɔrɔ. Nka aw nana ka na ne ta jamana lanɔgɔ, ka ne ta yɔrɔ kɛ yɔrɔ haramunin ye.

Yeremi 2:7 Iomraidhean Croise

Nehemi 9:25

U sera ka dugu farimanw minɛ ani dugukoloɲumanw, ka soow minɛ, minw fanin be minan sifa bɛɛ la, ani kɔlɔnw, ni *ɛrɛzɛnforow, ani olivuforow ni yiri minw be deen caaman. U ye dumuni kɛ ka fa, ka boɲa. U tora ɲasuma na i ka ɲumanya kosɔn.

Nehemi 9:26

«O bɛɛ n'a ta, u wilila ka muruti i ma, i ye sariya min sigi u ye, u y'o bila kɔfɛ. U ye i ka kiraw faga, e tun ye minw ci janko olu k'u dɛmɛ u ka kɔsegi i ma. A kɛra ten, u ye kojuguba kɛ i la.

Ezayi 19:25

Masaba, Setigi ye min koo fɔ ko: «Hɛrɛ ka kɛ Ezipitikaw ye, ne ka mɔgɔw. Hɛrɛ ka kɛ Asirikaw ye, ne bulonɔ. Hɛrɛ ka kɛ Isirayɛlidenw ye, ne niyɔrɔ.»

Yeremi 16:18

Ne bena kɔn k'u ka hakɛw n'u ka kojuguw juru sara bɔ u la fɔɔ siɲɛ fila. Bari u ye ne ka jamana nɔgɔ n'u ka joow ye minw be i n'a fɔ suuw, ka ne ka yɔrɔ fa n'u ye.»

Yeremi 3:1

«Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Yeremi 3:2

Aw k'aw ɲaa kɔrɔta ka kulujanw filɛ, u jumɛn be yen n'aw ma kakalaya kɛ yen? Aw tun be sigi siradaw la k'aw ka kakalaɲɔgɔn kɔnɔ, i ko Arabu be sigi kongokolon kɔnɔ cogo min na. Aw ye jamana nɔgɔ n'aw ka tilenbaliya, n'aw ka kakalaya ye.

Yeremi 3:9

Isirayɛli mara mɔgɔw ye kakalaya kɛ ka kabakuru ni lɔgɔw sɔn joow ye, u yɛrɛ ma maloya, o sababu la, jamana nɔgɔra.

Yeremi 32:23

U nana o jamana nin minɛ ka kɛ u ta ye. Nga, u ma mɛnni kɛ i fɛ, u ma i ka sariya bato. E tun ye min fɔ k'u k'a kɛ, u banna o bɛɛ la. O le kama, i y'a to bɔnɛ nin bɛɛ sera u ma.

Yeremi 32:30

«Bari, Isirayɛli ni Zuda mara mɔgɔw b'a la ka kojugu dama le kɛ ne ɲakɔrɔ kabini u ka siya koo daminɛ na. Isirayɛlidenw ye ne dimi n'u bolola dilanfɛnw ye. Ne Masaba le ko ten.

Ezekiyɛli 20:24

bari u ma ne ka fɔtaw kɛ, u banna ne ka kolatigɛninw la ka ne ka lafiɲɛlonw cɛn. U bɛmaw ka joow y'u sama.

Ezekiyɛli 20:28

«Ne tun ye n daa di ko ne bena jamana min d'u ma, ne y'a kɛ u donna yen. Kabini u sera yen, u ye tintinjanw ni yiribabaw ye yɔrɔ o yɔrɔ, u y'u ka sarakaw bɔ yen k'u ka boɲafɛnw di ka ne dusu gwan, k'u ka wusulan kasadiman jɛni, k'u ka jii bɔn.

Ezekiyɛli 20:6

Ne y'a fɔ o loon na ko tiɲɛ na, ne bena u bɔ Ezipiti ka taga n'u ye jamana dɔ la, ne tun ye min woloma u ye, jamana diman, nɔnɔ ni lii ka ca kosɔbɛ min kɔnɔ. Jamanaw bɛɛ la ɲuman lo.

Ezekiyɛli 23:35

«Ne Matigi, Masaba ko: I ɲinɛna ne kɔ ka ban ne la minkɛ, o la, i ka kan ka lɔ n'i ka nigɛjugu n'i ka kakalaya kunko ye.»

Ezekiyɛli 36:17

«Adamaden, Isirayɛlidenw sigira u yɛrɛ ka jamana kɔnɔ tuma min na, u y'a nɔgɔ u taamacogo n'u ka kɛwaliw fɛ. U taamacogo tun be ne ɲana i n'a fɔ muso landatɔ ka nɔgɔ.

Oze ta kitabu 9:3

Aw tena to Masaba ka jamana kɔnɔ. Efarayimu kɔmɔgɔw bena kɔsegi Ezipiti jamana na. U bena u tana dumu Asiri jamana na.

Mise 2:10

Aw ye wili ka taga! Aw ka lafiɲɛ banna! Aw ka tilenbaliyakow kama, tɔɔrɔba bena aw sɔrɔ.

Jateri 13:27

U y'a fɔ Musa ye ko: «I y'an ci ka taga jamana min na, an tagara don yen. Tiɲɛ na, nɔnɔ ni lii ka ca a kɔnɔ kosɔbɛ! Jamana diman lo. Jamana nin kɔnɔ yiriden dɔw filɛ nin ye.

Sariya 21:23

a suu man kan ka si yen. Aw ka kan k'a suu don o loon kelen bɛɛ, bari mɔgɔ min dulonna yiri la, o tigi ye dangaden ye Ala fɛ. Masaba aw ka Ala be jamana min dira aw ma, aw kana o nɔgɔ.

Sariya 32:9

Bari Masaba ye Isirayɛlidenw mara a yɛrɛ ye, a ye Yakuba kɔmɔgɔw kɛ a yɛrɛ ta ye.

Sariya 6:18

Aw ka koɲuman ni tilenninyakow kɛ Masaba ɲakɔrɔ janko aw ka hɛrɛ sɔrɔ, ani Masaba ye jamanaɲuman min layidu ta aw bɛmaw ye, aw ka se ka don o kɔnɔ k'a minɛ,