Yeremi 2:3 - ALA KA KUMA

³ Isirayɛlidenw, aw tun kɛra ne Masaba ta ye, i ko sɛnɛfɛn deen fɔlɔw. Ni mɔgɔ o mɔgɔ tun y'o dumu, o tigi tun be jalaki, sɛgɛn tun be o tigilamɔgɔ sɔrɔ. Ne Masaba le ko ten.› »

Jula NT of Côte d’Ivoire

³ O wagati ra Izirayɛli tun blara danna Matigi Ala ye, i ko siman kun fɔlɔ bɛ bla Ala ye cogo min na. Ni mɔgɔ o mɔgɔ k’a domu, o hakɛ bɛ ben o tigi kan; kojugu bɛ ben a kan. Matigi Ala ko ten.› »

Yeremi 2:3 Iomraidhean Croise

Bɔri 22:29

Aw k'aw ka misiw n'aw ka sagaw ta di ne ma fana. U bena tile wolonwula kɛ u baa fɛ, a tile seeginan loon, aw k'o di ne ma.

Bɔri 23:16

«Aw ye fɛɛn minw sɛnɛ aw ka foro la, aw ka na ni olu deen fɔlɔw ye ka Sumantigɛ ɲanagwɛ kɛ. Aw ka Sumanladon ɲanagwɛ kɛ saan yɛlɛmatuma na, aw ka suman ladontuma na.

Ezayi 41:11

Minw bɛɛ dimina aw kɔrɔ, olu bena dɔgɔya sɔrɔ ka maloya. Aw kɛlɛbagaw bena jati fɛɛn gwansanw ye, ka halaki.

Ezayi 47:6

Ne tun dimina n ka jama kɔrɔ. Minw kɛra ne taw ye, ne tun y'u dɔgɔya, k'u don i bolo. Nga i ma makari u la fewu, i ye tɔɔrɔ la cɛkɔrɔbaw kan kosɔbɛ.

Yeremi 12:14

Masaba ko: «Ne ye niyɔrɔ min di n ka jama Isirayɛli ma, sigiɲɔgɔnjugu minw bɛɛ magara o la, n bena u wili ka bɔ u ka yɔrɔ la, n bena Zuda mara mɔgɔw fana wili ka bɔ u cɛma.

Yeremi 2:4

Yakuba ka somɔgɔw, aw ka mɛnni kɛ Masaba fɛ, Isirayɛli ka somɔgɔw bɛɛ.

Yeremi 30:16

Nga aw halakibagaw bɛɛ bena halaki. Aw juguw bɛɛ bena minɛ ka taga. Minw y'aw ka minanw bɔsi, olu fana ka minanw bena bɔsi. Minw tun benna aw kan, dɔw bena ben olu fana kan.

Yeremi 50:7

Mɔgɔ o mɔgɔ y'u sɔrɔ, o tigi tun b'u halaki. U juguw tun b'a fɔ ko: ‹An ma kojugu kɛ, bari u ye Masaba hakɛ ta, ale min ye tilenninya bɔyɔrɔ, ani u faaw ka jigilayɔrɔ ye.›

Yowɛli 1:3

Aw k'a lakali aw deenw ye, olu fana k'a lakali u deenw ye, olu fana k'a lakali u deenw ye.

Amɔsi 6:1

Aw minw siginin be hɛrɛ la *Siyɔn dugu kɔnɔ, bɔnɛ ye aw ta ye! Aw minw be lafiya la Samari kulu kan, bɔnɛ ye aw ta ye! Aw minw kɛra mɔgɔbabaw ye Isirayɛlidenw cɛma, minw ka yɔrɔ ɲɔgɔn tɛ, siya wɛrɛw cɛma, Isirayɛlidenw be to ka taga bɔ aw minw fɛ, bɔnɛ ye aw ta ye!

Habakuki 1:11

O kɔ, u be tɛmɛ u ka sira fɛ i ko fɔɲɔba. Fɛnjuguw lo, u ka fanga le y'u ka Ala ye.»

Jakariya 1:15

Nga, siya minw siginin be lafiya la, ne diminin be olu kɔrɔ kosɔbɛ. Ne tun dimina Isirayɛlidenw kɔrɔ dɔɔni, k'a sɔrɔ olu ye Isirayɛlidenw ka tɔɔrɔ juguya kosɔbɛ.›

Jakariya 2:8

A y'a fɔ a ye ko: «Boli ka ta'a fɔ kanbelen nin ye ko: ‹Kogo man kan ka Zeruzalɛmu lamini, bari a bena kɛ jamaba, ni begɛn caaman ka yɔrɔ ye.

Jateri 18:12

Sɛnɛfɛn deen fɔlɔ minw be di ne Masaba ma, ne be olu d'i ma. Tulu bɛɛ la ɲuman, ni duvɛnkɛnɛ bɛɛ la ɲuman, ani suman bɛɛ la ɲuman.

Rɔmukaw 11:16

Sumankun fɔlɔ min mɔna, n'o dira Ala ma, o b'a yira ko a tɔɔ bɛɛ be kɛ Ala ta ye. Ni yiri lili ka ɲi, yiri bolow ka ɲi.

Rɔmukaw 16:5

Krista ka jama min be lajɛn u ka soo, aw ka olu fo fana. Aw ka Epenɛti fo, ale min koo ka di ne ye, ale lo kɔnna ka la Krista la Azi mara la.

Ɛfɛsikaw 1:4

Bari, ale Krista le barika la Ala y'an woloma kabini diɲɛ ma dan fɔlɔ, waasa an ka kɛ mɔgɔɲumanw ye a ɲakɔrɔ, jalakiyɔrɔ te minw na kanuya barika la.

Sariya 14:2

bari aw ye siya ye min ye Masaba aw ka Ala ta ye. A y'aw woloma siya tɔw bɛɛ cɛma dugukolo kan, janko aw ka kɛ a yɛrɛ tɔgɔla jama ye.

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 7:6

Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Yakuba 1:18

A diyara Ala ye, a y'an dan a ka tiɲɛkuma barika la, waasa an ka kɛ a ka danfɛnw bɛɛ ɲamɔgɔw ye.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.