Yeremi 2:2 - ALA KA KUMA

² «Ta'a fɔ Zeruzalɛmukaw ye ko ne Masaba ko: ‹Kanuya min tun b'aw dusu la aw denmisɛn tuma na, ne hakili b'o la, tuma min na aw tun be ne kanu i ko muso min furula kura ye. Aw tun be ne kɔ kongokolon kɔnɔ, danni te se ka ɲa yɔrɔ min na.

Jula NT of Côte d’Ivoire

² «Taga pɛrɛn ka nin kuma fɔ Zeruzalɛmukaw toro kɔrɔ, ko Matigi Ala ko: ‹Aw denmisɛnman tun sirinin bɛ ne ra cogo min na, ne hakiri bɛ o ra, ani aw furuninkura tun bɛ ne fɛ cogo min na, wagati min aw tun tugura ne kɔ kongokolon kɔnɔ, o yɔrɔ lakolon na.

Yeremi 2:2 Iomraidhean Croise

Zaburu 129:1

Zeruzalɛmu taadɔnkili dɔ. U y'an tɔɔrɔ kosɔbɛ kabini an kanbelen tuma. Isirayɛlidenw k'a fɔ ko:

Bɔri 14:31

U y'a ye ko Masaba ye koo barikaman kɛ Ezipitikaw la tuma min na, u siranna a ɲa, ka la ale n'a ka baarakɛla Musa la.

Bɔri 16:8

Musa y'a fɔ tugu ko: «Aw bena Masaba ka nɔɔrɔ ye n'a ye sogo di aw ma bii wulafɛ, aw k'o ɲimi, ka dumuni di aw ma sɔgɔma fɔɔ aw be fa, bari a ye aw ŋunuŋunukan mɛn a koo la. Anw ye jɔn ye? Aw te ŋunuŋununa anw kama dɛ, aw be ŋunuŋununa Masaba le kama.»

Zanaw 1:20

Lɔnniya pɛrɛnkan be bɔra bɔlɔnw na. A kumakan be bɔra forobayɔrɔw la.

Dɔnkiriw 3:11

*Siyɔn sunguruw, aw ye bɔ ka masacɛ Solomani filɛ, ni masafugulan b'a kuun na, a bamuso ye min biri a kuun na a ka furu sirilon na. A ka nisɔn diyalon.

Dɔnkiriw 3:6

Ee! Jɔn le be wilila ka bɔ kongo la ten, i ko sisi? Mire kasa ni wusulan kasa, ani kasa diman bɛɛ b'a kan.

Ezayi 58:1

Masaba ko: «Kule kosɔbɛ, kana je! Buru fiyɛkan be cogo min na, i kaan bɔ ten. Ne ka jama Isirayɛli ye kojugu ni fili minw kɛ, i k'o fɔ u ye.

Yeremi 11:6

Masaba y'a fɔ ne ye ko: «Taga o kuma nunu bɛɛ wango la Zeruzalɛmu bɔlɔnw la ani Zuda mara duguw tɔw kɔnɔ ko: ‹Aw ye mɛnni kɛ ne Masaba ka bɛɛn la, k'a sira taama.

Yeremi 19:2

Donda min be wele ko Dagakolonda, i ka bɔ n'u ye o daa fɛ, ka taga Bɛninɔmu kɔkɛnɛ faan fɛ. Ne bena kuma min fɔ i ye, i k'o wango la yen.

Yeremi 2:1

Masaba y'a fɔ ne ye ko:

Yeremi 2:6

U ma u yɛrɛ ɲininga ko: ‹Masaba min y'an bɔ Ezipiti jamana la, ka bila an ɲa kongokolon kɔnɔ, jamana lakolon, dingɛkolon yɔrɔ nin, yɔrɔ janin, jamanajugu, mɔgɔ si te tɛmɛ yɔrɔ min na, mɔgɔ si siginin te yen, o Masaba nin be min?›

Yeremi 3:4

Nga sisan, aw te nin ye n'aw be kulera ne nɔɔ fɛ wa? K'a fɔ ko: ‹An Faa, an denmisɛn waati teri lo.

Yeremi 7:2

«Taga lɔ n ka soo daa la ka kuma nin wango la: ‹Aw Zuda mara mɔgɔ minw bɛɛ be don ni daa nunu ye ka Masaba bato, aw bɛɛ ka tulo malɔ ne ka kuma la.

Ezekiyɛli 16:22

K'i to i ka kokolonw n'i ka kakalaya la, i hakili ma to i ka denmisɛnya waati la, i fari lakolon tun lo tuma min na, n'i tun be firinfirinna joli la.›

Ezekiyɛli 16:60

Nga ne ye layidu min ta i ye i denmisɛn tuma na, ne hakili bena to o la, ne bena bɛn n'i ye, o min tena cɛn abada.

Ezekiyɛli 16:8

Ayiwa, waati wɛrɛ, ne tɛmɛna i gɛrɛfɛ, ne y'a ye ko i sera furu ma. Ne ye n ka fani biri i kan k'i farilakolon datugu. Ne ye n daa d'i ma ka bɛn n'i ye. O la, i kɛra ne ta ye.› Ne Matigi, Masaba le ko ten.

Ezekiyɛli 23:19

O bɛɛ n'a ta, a ka kakalaya juguyara ka taga ɲa. A hakili tor'a ka sunguruman waati la, a ye kakalaya kɛ Ezipiti tuma min na.

Ezekiyɛli 23:3

U ye kakalaya kɛ Ezipiti kabini u sunguruman. U siin benna cɛɛw bolo o yɔrɔ la. K'u to sunguruya la, u y'u disi mɔmɔ o yɔrɔ la.

Ezekiyɛli 23:8

A y'a daminɛ ka kakalaya min kɛ Ezipiti a sunguruman, a ma o dabila. Olu le y'a ka sunguruya sɔrɔ, ani k'a disi mɔmɔ, u ye kakalaya kɛ n'a ye kosɔbɛ.

Oze ta kitabu 11:1

Masaba y'a fɔ ko: «Isirayɛlidenw daminɛtuma na, u koo tun ka di ne ye. Ne ye n deenw wele ka bɔ Ezipiti jamana na.

Oze ta kitabu 2:15

A ye Baali sɔn yɔrɔ caaman na waati minw na, ka wusulanw jɛni a ye, ne ben'a tɔɔrɔ o kosɔn. A y'a yɛrɛ masiri n'a ka bololanigɛ ye, ni kannakɔnɔ ye, ka to ka boliboli a ɲamɔgɔcɛw kɔ, a ɲinɛna ne kɔ. Masaba le ko ten.

Oze ta kitabu 2:17

Ne ben'a ka *ɛrɛzɛnforow d'a ma o yɔrɔ la. Akɔri kɔkɛnɛ bena kɛ jigi tuguyɔrɔ ye. A sunguruman tun be ne kaan mɛn cogo min na, a bena mɛnni kɛ ne fɛ ten o yɔrɔ la, i ko a bɔwaati la Ezipiti jamana na.»

Oze ta kitabu 2:7

U bamuso ye kakalaya kɛ tigitigi! A ye maloyako kɛ k'u kɔnɔ ta. A y'a fɔ: ‹Ne kɔni be boli n ɲamɔgɔcɛw kɔ dɛ, olu le be dumuni di ne ma, ka jii, ni faniw, ni tulu ani dɔrɔ di ne ma.›

Oze ta kitabu 8:1

«Aw ka buru fiyɛ! Bari, bɔnɛ be nana ne Masaba ka soo kan, i ko sɛgɛn jigitɔ k'a ka dumuni ta! Bari, u ye ne ka bɛɛn cɛn n'u ye, u murutira ne ka ladiliw ma.

Oze ta kitabu 9:10

Masaba y'a fɔ ko: «Ne ye Isirayɛlidenw ye, u tun be i ko *ɛrɛzɛn mɔnin, kongokolon kɔnɔ. Ne y'aw faaw ye, u tun be i ko toro deen fɔlɔw. Nga u tagara se Baalipewɔri dɔrɔn, u y'u yɛrɛ kalifa o maloyafɛn nin ma. O la, u kɛra fɛnjuguw ye i ko fɛɛn min koo ka di u ye.

Yunusu 1:2

«Wili ka taga Ninivu, duguba nin kɔnɔ, ka sɔngɔ dugu mɔgɔw kunna k'u ka juguya nigɛ bɔra n na.»

Matiyu 11:15

Tulo be min fɛ, o ka mɛnni kɛ.

Luka 12:13

Cɛɛ dɔ y'a kaan to Yezu ma jama cɛma ko: «Karamɔgɔ, a fɔ n kɔrɔcɛ ye ko a k'a to an b'an faa cɛɛn tilan.»

Sariya 2:7

Bari ne Masaba aw ka Ala y'aw ta ɲa aw ka kokɛtaw bɛɛ la. Ne y'aw kɔlɔsi aw ka taama na kongokolonba nin kɔnɔ. A saan bi naani filɛ nin ye ni ne Masaba aw ka Ala be n'aw ye, aw ma dɛsɛ foyi si la.› »

Sariya 33:3

Isirayɛli jama koo ka di Masaba ye, a b'a ka mɔgɔw bɛɛ mara. U b'u kunbiri gwan a seen kɔrɔ, u be kalan sɔrɔ yen.

Sariya 8:2

Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Yirari 2:4

O n'a ta bɛɛ, ne b'aw jalaki. Bari aw tun be ne kanu cogo min na fɔlɔ la, aw te ne kanu ten tugu.