Yeremi 2:12 - ALA KA KUMA

¹² O le kosɔn, sankolokɔnɔfɛnw ka kabakoya, ani ka muruku siranya bolo. Ne Masaba le ko ten.

Jula NT of Côte d’Ivoire

¹² Sankolokɔnɔfɛnw, aw ye kabakoya nin ko kosɔn! Aw kunmasi ye cɛ, fɔ ka aw baraka ban! Matigi Ala ko ten.

Yeremi 2:12 Iomraidhean Croise

Ezayi 1:2

Sankolo, i ka mɛnni kɛ! Dugukolo, e k'i tulo malɔ! Bari, Masaba be kumana. A ko: «Ne ye deenw kolo. Ne y'u lamɔ. Nga u murutira ne ma.

Ezayi 29:9

Aw ka kabakoya haali, fɔɔ aw dabari be ban. Aw ɲaa ka fiyɛn, aw kana yeli kɛ tugu. Aw ka dɔrɔtɔya kɛ, nga o kana kɛ duvɛn nɔɔ ye. Aw ka talontalon, nga o kana kɛ minnifɛn nɔɔ ye.

Yeremi 18:13

O kama, Masaba ko: «Aw ye taga ɲiningali kɛ siya wɛrɛw fɛ, jɔn ye nin ɲɔgɔn mɛn ka ye? Isirayɛlidenw ka kojugu juguyara fɔɔ k'a dama tɛmɛ!

Yeremi 22:29

Jamanadenw, aw ka Masaba ka kuma lamɛn!

Yeremi 4:23

Ne ye dugukolo filɛ, a labɛnnin tɛ, a lakolon lo. Ne ye sankolo filɛ, yeelen t'a la tugu.

Yeremi 6:19

Diɲɛ mɔgɔw bɛɛ k'a mɛn: Ne bena bɔnɛ lase siya nin ma u ka miirijuguw kosɔn. Bari u ma sɔn ka mɛnni kɛ ne ka kuma la, u banna ne ka sariya la.

Mise 6:2

Kuluw ka tulo malɔ Masaba ka jalakili la, dugukolo juu sigiyɔrɔ barikamanw ka tulo malɔ. Bari Masaba bena kiti daminɛ n'a ka mɔgɔw ye, a bena Isirayɛlidenw jalaki.

Matiyu 27:45

Tilegwangwanfɛ, dibi donna yɔrɔ bɛɛ la, fɔɔ ka taga se tile sumawaati ma.

Sariya 32:1

Sankolo, mɛnni kɛ, ne bena kuma. Dugukolo, i tulo malɔ ne dalakuma na.