Yeremi 2:11 - ALA KA KUMA

¹¹ Siya jumɛn b'a ka batofɛnw yɛlɛma? K'a sɔrɔ batofɛn ɲanamanw yɛrɛ tɛ. Nga ne ka mɔgɔw y'u kunkɔrɔtabaga falen ni fɛɛn fufafuw ye.

Jula NT of Côte d’Ivoire

¹¹ Yala siya bɛ yi min bɛ sɔn k’a ta alaw falen ala wɛrɛw ra wa, hali ni o ta alaw tɛ ala ɲanamanw ye? Ne ta mɔgɔw kɔni ka o ta bonyatigi Ala falen fɛn dɔ ra, nafa tɛ fɛn min na.

Yeremi 2:11 Iomraidhean Croise

Mas fɔlɔ 11:33

Ko ale bena o kɛ, bari u y'ale Masaba to yen ka taga Sidɔnkaw ka joo *Asitarite sɔn, ani mowabuw ka joo *Kemɔsi, ni amoniw ka joo *Milikɔmu, k'u ma sɔn ale ka fɔta ma ka baara tilennin kɛ ale ɲakɔrɔ, k'u ma sɔn k'ale ka sariya bato k'ale sago kɛ i n'a fɔ ale Solomani facɛ Dawuda.

Mas 2nan 1:3

Masaba ka mɛlɛkɛ y'a fɔ Tisibika Eli ye ko: «Wili ka taga Samari masacɛ ka cidenw kunbɛn k'a fɔ u ye ko: ‹Ala te Isirayɛli mara la wa, fɔɔ aw be taga Ekurɔnkaw ka batofɛn Baalizebubi ɲininga?›

Lok 2nan 13:9

Aw ma Masaba ka sarakalasebagaw, Arɔn deenw, ni Levi kɔmɔgɔ tɔw gwɛn wa? Aw ma sarakalasebaga dɔ wɛrɛw sigi aw yɛrɛ ma i n'a fɔ jamana tɔw siyaw wa? Mɔgɔ min mana na ni turamisɛn kelen ni sagajigi wolonwula ye ko a be kɛ sarakalasebaga ye, o tigi be don sarakalasebaara la. A be baara kɛ batofɛn minw ye, o te batofɛnsɔbɛw ye.

Zaburu 106:20

Ala min tun ye u ka boɲa ye, u y'a falen misi jaa la, binɲimifɛn.

Zaburu 115:4

Siya wɛrɛ nunu ka joow ye sanu ni warigwɛ ye. Mɔgɔw le y'u dilan.

Zaburu 3:3

Mɔgɔ caaman be ne koo fɔra ko: «Ala ten'a dɛmɛ.»

Ezayi 37:19

U y'u ka batofɛnw fili tasuma kɔnɔ k'u jɛni. Olu kɔni tun te batofɛnsɔbɛw ye, fɔɔ adamaden ka fɛɛn dilannin dama. U dɔw tun ye yiri ye, dɔw kabakuruw.

Yeremi 16:20

Mɔgɔ te se ka batofɛn dilan a yɛrɛ ye. A be min dilan, batofɛn halala tɛ.»

Yeremi 18:13

O kama, Masaba ko: «Aw ye taga ɲiningali kɛ siya wɛrɛw fɛ, jɔn ye nin ɲɔgɔn mɛn ka ye? Isirayɛlidenw ka kojugu juguyara fɔɔ k'a dama tɛmɛ!

Yeremi 2:5

Masaba ko: «Aw faaw ye jalakiyɔrɔ jumɛn ye ne la fɔɔ ka ban ne la, ka tugu fɛɛn fufafuw kɔ, fɔɔ olu yɛrɛ nana kɛ fɛɛn fufafuw ye?

Yeremi 2:8

Sarakalasebagaw ma u yɛrɛ ɲininga ko: ‹Masaba be min?› Sariya lɔnbagaw ma ne lɔn. Ɲamɔgɔw murutira ne ma. Kiraw kumana *Baali tɔgɔ la, u tugura fɛɛn fufafuw kɔ.

Yeremi 5:7

Zeruzalɛmu, ne bena yafa i ma ka la mun kan? I deenw banna ne la, ka to ka kali joow kan. Ne tun y'u makoyafɛnw bɛɛ d'u ma, O n'a ta bɛɛ, u be tila ka kakalaya kɛ. U fanin lo sungurubabaw ka soow kɔnɔ.

Ezekiyɛli 14:5

A kɛra ten, Isirayɛlidenw, minw bɛɛ faranna ne la u ka joow kosɔn, ne b'a fɛ k'a kɛ u be kɔsegi ne ma.

Ezekiyɛli 5:7

«O kama, ne Matigi, Masaba ko: Siya minw b'aw lamini na, aw ye ɲagamini kɛ ka tɛmɛ olu kan. Aw ma ne ka sariyaw bato, aw ma ne sagolakow kɛ. Aw murutira ka tɛmɛ aw lamini siya nunu kan.

Mise 4:5

Ka siya tɔw bɛɛ to u ka josɔn na, anw kɔni bena tugu Masaba an ka Ala kɔ tuma bɛɛ.

Rɔmukaw 1:23

Nɔɔrɔtigi Ala min te sa, u m'ale bato fɔɔ adamaden min be sa, ale jaa ni kɔnɔw, ni sennaanifɛnw ni fɛɛn minw be fofo duguma.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Galasikaw 4:8

Fɔlɔfɔlɔ, aw tun te Ala lɔn tuma min na, aw tun be fɛɛn wɛrɛw bato minw te Ala ye ka kɛ u ka jɔɔnw ye.

Sariya 32:16

Isirayɛlidenw ka josɔnko ye keliya bila Masaba la, u ka kɛwalikolonw y'a dusu gwan.

Sariya 32:21

U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Sariya 33:29

Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Piy fɔlɔ 1:18

Aw b'a lɔn ko aw kuun ma bɔ aw faaw ka koo fufafuw la ni wari ye, walima ni sanu ye min ye banta ye.

Sam fɔlɔ 4:21

A ye deen nin tɔgɔ la ko Ikabɔdi, o kɔrɔ ko nɔɔrɔ te yen tugu. A ko: «Ala ka nɔɔrɔ bɔra Isirayɛlidenw cɛma.» A y'o fɔ Ala ka layidu taamasiɲɛ kɛsu minɛko kama, n'a birancɛ n'a cɛɛ ka saya kama.