Yeremi 17:3 - ALA KA KUMA

³ ni kongo kɔnɔ kuluw kan. Zuda mara mɔgɔw, ne bena aw ka nafolo n'aw bololafɛnw bɛɛ, ani aw ka sɔnnikɛyɔrɔw don benkannikɛlaw bolo. Aw ye kojugu minw kɛ aw ka jamana bɛɛ kɔnɔ, olu sara lo.

Jula NT of Côte d’Ivoire

³ ani kuruyɔrɔw ra, ani kongokɔnɔyɔrɔw ra. Aw borofɛnw, ani aw ta naforow bɛɛ, ne bɛna a to mɔgɔw ye o bɛɛ cɛ, hali aw ta sɔnnikɛyɔrɔw! Ne bɛ o kɛ aw ta jurumun le kosɔn, aw ka jurumun minw kɛ aw ta jamana yɔrɔ bɛɛ ra.

Yeremi 17:3 Iomraidhean Croise

Mas 2nan 24:13

Ka kɛɲɛ ni Masaba ka kuma ye, nafolo min bɛɛ tun be Masaba ka soo kɔnɔ, ni masacɛ ka soo kɔnɔ, Babilɔni masacɛ y'o bɛɛ cɛ ka bɔ n'a ye. Isirayɛli jamana masacɛ Solomani tun ye minan minw bɛɛ dilan ni sanu ye Masaba ka soo kama, a ye olu bɛɛ ci.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Ezayi 27:9

A kɛra ten, Isirayɛlidenw ka kojugu bɛɛ bena yafa u ma. U ka hakɛw yafako bena na ni fɛɛn min ye, o filɛ: U bena sɔnnikɛyɔrɔw kabakuruw bɛɛ mugumugu i ko u be bɔgɔgwɛ kɛ cogo min na. *Asera jaa si tutunin tena ye tugu, wusulan jɛniyɔrɔ si tena to yen.

Yeremi 12:12

Cɛnnikɛlaw bena bɔ kongokolon kuluw bɛɛ kan ka girin ka na. Bari ne Masaba ka murujan bena fagali kɛ k'a ta jamana faan kelen na, ka ta'a bila faan dɔ la. Mɔgɔ si tena to hɛrɛ la.

Yeremi 15:13

Ne ben'a to u b'i ka nafolo bɛɛ cɛ. O bena kɛ i ka kojugu bɛɛ sara ye, i ye minw kɛ jamana kɔnɔ.

Yeremi 20:5

Dugu nin nafolo bɛɛ, a ka sɔrɔ bɛɛ, fɛɛn minw bɛɛ koo ka gwɛlɛ a ma, ani Zuda mara masacɛw ka nafolow bɛɛ, ne bena olu bɛɛ don u juguw bolo, u be ben u kan k'u bɛɛ cɛ ka taga n'u ye Babilɔni.

Yeremi 21:13

Zeruzalɛmu, a be ne ni e le cɛ sisan, ele min be fara kan, kɔkɛnɛ sanfɛ. Aw minw b'a fɔra ko: Jɔn le bena jigi anw kama, ka don fɔɔ an sigiyɔrɔ la? Ne Masaba ko ten.

Yeremi 26:18

«Mise ka bɔ Moresɛti tun be kiraya kɛ Zuda mara masacɛ Ezekiyasi ka tile la k'a fɔ Zuda mara mɔgɔw bɛɛ ye ko Masaba, Setigi ko: ‹*Siyɔn bena sɛnɛ i ko foro, Zeruzalɛmu bena kɛ tomo ye, Alabatoso kulu bena kɛ tufin ye.›

Kasikan 1:10

Fɛɛn minw bɛɛ koo tun ka gwɛlɛ u ma, juguw bolo sera o bɛɛ ma. Tiɲɛ na, u ye siya wɛrɛw dontɔ ye u ka Ala ka sigiyɔrɔ la. I ko minw man kan ka ye i ka jama ka lajɛnyɔrɔ la.

Ezekiyɛli 16:39

O kɔ, ne bena i don i kanubaga nunu bolo, olu bena i ka kakalayakɛyɔrɔw ci k'i ka batolikɛyɔrɔw cɛn. U bena i ka faniw bɔ k'i ka masirifɛn ɲanamanw cɛ k'i fari lakolon to.

Ezekiyɛli 23:46

«Ayiwa, ne Matigi, Masaba ko: Aw ka jamaba kɔnɔnasu k'a bila u la. A k'u jaa tigɛ k'u bololafɛnw cɛ.

Ezekiyɛli 6:3

ko: Isirayɛli kuluw, aw k'aw tulo malɔ Matigi, Masaba kumakan na. Matigi, Masaba ko aw kuluw ma, ni tintinw, ni kulu furancɛw, ani kɔkɛnɛw ma ko: Ne bena murujan bila ka na aw fɛ k'aw ka sɔnnikɛyɔrɔw halaki.

Sarakalasebagaw 26:30

Ne bena aw ka sɔnnikɛyɔrɔw cɛn k'aw ka wusulan sarakabɔyɔrɔw halaki, k'aw suuw lala aw ka joo cɛnninw kan. Aw koo bena goya ne ye.

Mise 3:12

O le y'a to Siyɔn dugu bena sɛnɛ i ko foro, Zeruzalɛmu bena kɛ tomo ye aw sababu la. Alabatoso be kulu min kan, o bena kɛ tuba le ye.

Sofoni 1:13

Ayiwa, u ka nafolow bena bɔsi u la, u ka soow bena ci. U bena soow lɔ, nga u tena sigi u kɔnɔ, u bena *ɛrɛzɛnforow bɔ, nga u tena o duvɛn min.