Yeremi 16:4 - ALA KA KUMA

⁴ «Banajuguw le bena u faga. U sanga tena kɛ, u suu yɛrɛ tena don, u bena kɛ i n'a fɔ nɔgɔ dugukolo kan. Murujan ni kɔngɔ bena u halaki. U suuw be kɛ kɔnɔw ni kongosogow ka dumuni ye.»

Jula NT of Côte d’Ivoire

⁴ ‹Bana dɔw bɛna o faga, mɔgɔ tɛna sɔrɔ ka o sanga kɛ, ka o sutara. O suw bɛna kɛ nɔgɔ le ye dugukolo kan. Kɛrɛkɛmuru ni kɔngɔ fana bɛna o halaki. O suw bɛna kɛ kɔnɔw ni kongowaraw ta domuni ye.› »

Yeremi 16:4 Iomraidhean Croise

Mas 2nan 9:10

Ko wuluw le bena Zezabɛli suu ɲimi Zizireyɛli kongo kɔnɔ. Mɔgɔ tena sɔrɔ min ben'a suu don.» O kɔ, kanbelen nin ye boon daa yɛlɛ ka bɔ ka boli.

Zaburu 78:64

A ka sarakalasebagaw fagara ni murujan ye, a ka firiyamusow ma kasi.

Zaburu 83:10

Ala, e tun ye madiyanw kɛ cogo min na, u kɛ ten. E tun ye Sizera ni Yabin kɛ cogo min na Sisɔn kɔɔ daa la, u kɛ ten.

Ezayi 18:6

O waati ben'a sɔrɔ kɛlɛdenw bɛɛ suuw be to kuluw kan kɔnɔw ye, o bena to yen kongosogow ye. Kɔnɔw bena na funteniwaati kɛ yen, kongosogow bɛɛ bena nɛnɛwaati kɛ yen.

Ezayi 5:25

O kama, Masaba dusu dimina a ka jama kɔrɔ, a y'a bolo kɔrɔta k'u bugɔ. Kuluw yɛrɛyɛrɛla, u suuw tora siradaw la i ko ɲamaɲama. O n'a ta bɛɛ, a ka dimi ma nɔgɔya, a bolo be sanfɛ halibi.

Yeremi 19:7

«O yɔrɔ la, n bena Zeruzalɛmukaw ni Zuda mara mɔgɔw ka kolatigɛninw cɛn. U jugu minw b'u fagayɔrɔ ɲinina, ne ben'a to olu b'u faga ni murujanjanw ye. Ne bena o suuw kɛ kɔnɔw ni kongosogow ka dumuni ye.

Yeremi 21:6

Ne bena dugu nin kɔnɔ fɛɛnw halaki, cɛɛw fara begɛnw kan. Fɔɲɔbana bena u faga.

Yeremi 25:33

Masaba bena mɔgɔ minw halaki o loon, u suuw lalanin bena to yɔrɔ bɛɛ dugukolo kan, u sanga tena kɛ, u suuw tena ta, u suuw tena don, u bena kɛ dugukolo ka nɔgɔ ye.

Yeremi 34:17

Masaba ko: «Aw ma mɛnni kɛ ne fɛ k'aw balimaw hɔrɔnyali wango la. O la, ne bena hɔrɔnyali wango la ni murujan, ni kɔngɔ, ani fɔɲɔbana ye aw kama. Ne bena aw kɛ siranyafɛnw ye jamanaw bɛɛ mɔgɔw fɛ. Ne Masaba le ko ten.

Yeremi 34:20

ne bena olu don u juguw bolo, minw b'a fɛ k'u faga. U suu bena kɛ kɔnɔw ni kongosogow ka dumuni ye.

Yeremi 36:30

O la do, ne Masaba b'a fɔra Zuda mara masacɛ Yoyakimu kosɔn ko mɔgɔ tena sɔrɔ a kɔmɔgɔw la min bena sigi Dawuda ka masasigilan kan. Ko a suu bena bila tile k'a jɛni, ani sufɛ, nɛnɛ k'a minɛ.

Yeremi 44:12

Zuda mara mɔgɔ tɔɔ minw tun y'a latigɛ ko u be taga sigi Ezipiti jamana la, ne bena wili olu bɛɛ kama, u bɛɛ bena sa Ezipiti jamana la. Murujan ni kɔngɔ le bena u faga: U bɛɛ, denmisɛn fara mɔgɔkɔrɔba kan, murujan ni kɔngɔ le bena u faga. U bena kɛ dusukasifɛnw, ni dangafɛnw, ani nɛnifɛnw ye.

Yeremi 44:27

Ne b'u kɔlɔsira, bɔnɛ kama lo, u ka ɲa kama tɛ. Zuwifu minw bɛɛ siginin be Ezipiti jamana la, olu bɛɛ bena halaki pewu ni murujan, ni kɔngo ye.

Yeremi 7:33

Siya nin suuw bena kɛ kɔnɔw ni sogow ka dumuni ye, mɔgɔ si tena u gwɛn.

Yeremi 9:22

Masaba ko: «Lɔnnikɛla kana wanso n'a ka lɔnniya ye, fangatigi kana wanso n'a ka fanga ye, nafolotigi kana wanso n'a ka nafolo ye.

Kasikan 4:9

Murujan ye minw faga, olu dagamuna ka tɛmɛ kɔngɔtɔw kan. Bari kɔngɔ b'u fanga ban k'u nagasi suman tanya fɛ.

Ezekiyɛli 24:21

ne k'a ka kuma nin lase Isirayɛlidenw ma ko ale Matigi, Masaba ben'a ka sigiyɔrɔ nɔgɔ, aw ka nisɔndiya sababu, min koo ka di aw ye. Aw jigi layɔrɔ lo. Aw ye aw dencɛw n'aw denmuso minw to Zeruzalɛmu, olu bena faga ni murujan ye.

Ezekiyɛli 5:12

Fɔɲɔbana, walima kɔngɔ bena aw tilan sabanan kelen faga dugu nin kɔnɔ. Aw tilan kelen fana bena faga ni murujan ye dugu lamini na. Ne bena tilan sabanan dɔ nin yɛrɛkɛ faan bɛɛ ka murujan bɔ ka tugu o kɔ.

Sofoni 1:17

Ne bena mɔgɔw bila dusukasi la. U bena taama i ko fiɲɛntɔw bari u ye ne Masaba hakɛ ta. U joli bena yɛrɛkɛ i ko buguri, u suuw bena filifili i ko ɲamaɲama.

Sariya 28:22

Masaba bena aw sɛgɛn ni sɔgɔsɔgɔgwɛ ni farigwan ani jolijugu ye. A bena fɔɲɔ gwanninman wili ka jaa don aw ka yɔrɔ la, sumanw bena ja, walima u bena toli. O koow bɛɛ bena aw sɔrɔ fɔɔ aw ka tunu.

Sariya 28:26

Aw suuw bena kɛ kɔnɔw ni waraw ka dumuni ye, mɔgɔ si tena sɔrɔ k'u gwɛn.