Yeremi 15:3 - ALA KA KUMA

³ «Ne be bɔnɛ naani le ci u ma. Ne Masaba le ko ten. U bena faga ni murujan ye, wuluw b'u kooro, kɔnɔw ni kongosogow b'u dumu, k'u ban.

Jula NT of Côte d’Ivoire

³ «Ne bɛna kojugu suguya naani le ben o kan; Matigi Ala ko ten: O bɛna o faga ni kɛrɛkɛmuru ye, wuruw bɛ o sogo sama k’a tigɛtigɛ, kɔnɔw bɛ o sogisogi, kongowaraw bɛ o halaki.

Yeremi 15:3 Iomraidhean Croise

Zaburu 68:23

Matigi y'a fɔ ko: «Ne bena kɔsegi n'u ye ka bɔ Basan kulu kan, ne bena kɔsegi n'u ye ka bɔ kɔgɔji jukɔrɔ,

Ezayi 18:6

O waati ben'a sɔrɔ kɛlɛdenw bɛɛ suuw be to kuluw kan kɔnɔw ye, o bena to yen kongosogow ye. Kɔnɔw bena na funteniwaati kɛ yen, kongosogow bɛɛ bena nɛnɛwaati kɛ yen.

Yeremi 12:9

Ne ka mɔgɔw kɛra ne fɛ i ko kɔnɔ cɛɲuman, sogodumukɔnɔw bena jigi olu kan ka bɔ faan bɛɛ. Aw ye taga kongosogow bɛɛ lajɛn ka na n'u ye dumuniba kama!

Yeremi 14:12

Hali n'u ye suun don, ne tena mɛnni kɛ u kasikan la. Hali n'u ye saraka jɛnita ni suman sarakaw bɔ, ne tena sɔn o la. Ne bena u halaki ni murujan, ni kɔngɔ, ani fɔɲɔbana ye.»

Yeremi 14:16

U be kirayakuma fɔra minw ye, olu bena filifili Zeruzalɛmu bɔlɔnw na kɔngo ni murujan kosɔn. Mɔgɔw tena sɔrɔ k'u suu don, olu, n'u musow, n'u deen cɛmanw ni musomanw. N bena u ka juguya sara u la ten.»

Yeremi 16:4

«Banajuguw le bena u faga. U sanga tena kɛ, u suu yɛrɛ tena don, u bena kɛ i n'a fɔ nɔgɔ dugukolo kan. Murujan ni kɔngɔ bena u halaki. U suuw be kɛ kɔnɔw ni kongosogow ka dumuni ye.»

Yeremi 7:33

Siya nin suuw bena kɛ kɔnɔw ni sogow ka dumuni ye, mɔgɔ si tena u gwɛn.

Kasikan 3:11

A ye ne bɔ n ka sira kan ka n halaki ka n to yen.

Ezekiyɛli 14:21

Ayiwa, ne Matigi, Masaba be min fɔ, o filɛ nin ye: «Hali ni ne ye tɔɔrɔko naani nunu lase Zeruzalɛmu ma: murujan, ni kɔngɔ, ni warajuguw, ani fɔɲɔbana, k'a kɔnɔ mɔgɔw ni begɛnw faga,

Ezekiyɛli 33:27

«A fɔ u ye ko ne Matigi, Masaba ko: ‹Ne tɔgɔ kosɔn, mɔgɔ minw tora tomo nunu na, olu bena faga ni murujan ye. Minw be kongo kɔnɔ, ne bena olu di waraw ma, olu k'u dumu. Minw dogonin be yɔrɔ barikamanw na, ani kuluwow kɔnɔ, olu bena sa fɔɲɔbana bolo.

Sarakalasebagaw 26:16

ne bena min kɛ aw la, o filɛ nin ye. Ne bena jatigɛkobabaw lase aw ma, mɔgɔfasabana ni farigwan bena aw ɲaa cɛn, k'aw barika ban dɔɔni dɔɔni. Aw bena danni kɛ fu, bari aw juguw bena o suman dumu.

Sarakalasebagaw 26:22

Ne bena sogojuguw bila aw la, u bena aw deenw minɛ k'aw ka begɛnw halaki. Aw tɔɔ bena kɛ fitini fɔɔ mɔgɔ tena sɔrɔ min be taama aw ka siraw kan tugu.

Sarakalasebagaw 26:25

Ne ben'a kɛ murujan be se aw ma ka ne ka dimi bɔ aw la, bari aw ye an ka bɛɛn cɛn. Aw bena yɛrɛsutarayɔrɔ ɲini aw ka dugubabaw kɔnɔ, nga ne bena fɔɲɔbana bila aw la, aw bena don aw juguw bolo fana.

Amɔsi 5:19

A bena kɛ i ko jara be mɔgɔ gwɛnna, o tigi ka taga bɛn ni wara dɔ wɛrɛ ye. A fana sera a ka soo k'a bolo la kogo kan, saa y'a cin!

Sariya 28:26

Aw suuw bena kɛ kɔnɔw ni waraw ka dumuni ye, mɔgɔ si tena sɔrɔ k'u gwɛn.

Sariya 32:24

U barika bena dɛsɛ kɔngɔ bolo, farigwan ni fɔɲɔbana ben'u fasa. N bena sogojuguw ci u ma, n bena sajuguw ci u ma.

Yirari 6:8

N ye filɛli kɛ, n y'a ye soo binkɛnɛman bɔra. Mɔgɔ min tun b'a kan, ale tɔgɔ ko Saya. Lahara tugunin tun b'a kɔ. See dira olu ma waasa ka diɲɛ mɔgɔw tilan naaninan faga ni murujan ye, ni kɔngɔ, ni banajuguw, ani kongosogo farimanw ye.