Yeremi 15:2 - ALA KA KUMA

² N'u y'i ɲininga ko: ‹An ka kan ka taga min?›, i k'u jaabi ko: ‹Masaba ko: Mɔgɔ min ka kan ka faga, o ka faga. Min ka kan ka faga ni murujan ye, o ka kɛ. Min ka kan ni kɔngɔ ye, kɔngɔ k'o tɔɔrɔ. Min ka kan ka minɛ ka taga, o ka taga.›

Jula NT of Côte d’Ivoire

² Ni o ko i ma ko: ‹O tuma an bɛna taga min le?› I ye o jaabi, ko Matigi Ala ko: ‹Minw ka kan ni banajugu ye, banajugu bɛ olugu faga, minw ka kan ni kɛrɛkɛmuru ye, kɛrɛkɛmuru bɛ olugu faga, minw ka kan ni kɔngɔ ye, kɔngɔ bɛ olugu faga, minw ka kan ni minari ye, olugu bɛ mina ka taga.›

Yeremi 15:2 Iomraidhean Croise

Ezayi 10:4

Kɛta tena sɔrɔ, fɔɔ ka biri kasodenw cɛma, walima ka to suuw cɛma. O n'a ta bɛɛ, Masaba ka dimi ma ban, halibi, a bolo wilinin be sanfɛ.

Ezayi 24:18

Mɔgɔ min mana boli siranyaba mankan ɲa, ale be taga ben dingɛ kɔnɔ. Mɔgɔ min mana bɔ dingɛ kɔnɔ, jɔɔ b'o tigi minɛ. Sankolo daa yɛlɛla, dugukolo be yɛrɛyɛrɛla.

Yeremi 14:12

Hali n'u ye suun don, ne tena mɛnni kɛ u kasikan la. Hali n'u ye saraka jɛnita ni suman sarakaw bɔ, ne tena sɔn o la. Ne bena u halaki ni murujan, ni kɔngɔ, ani fɔɲɔbana ye.»

Yeremi 14:16

U be kirayakuma fɔra minw ye, olu bena filifili Zeruzalɛmu bɔlɔnw na kɔngo ni murujan kosɔn. Mɔgɔw tena sɔrɔ k'u suu don, olu, n'u musow, n'u deen cɛmanw ni musomanw. N bena u ka juguya sara u la ten.»

Yeremi 16:4

«Banajuguw le bena u faga. U sanga tena kɛ, u suu yɛrɛ tena don, u bena kɛ i n'a fɔ nɔgɔ dugukolo kan. Murujan ni kɔngɔ bena u halaki. U suuw be kɛ kɔnɔw ni kongosogow ka dumuni ye.»

Yeremi 19:7

«O yɔrɔ la, n bena Zeruzalɛmukaw ni Zuda mara mɔgɔw ka kolatigɛninw cɛn. U jugu minw b'u fagayɔrɔ ɲinina, ne ben'a to olu b'u faga ni murujanjanw ye. Ne bena o suuw kɛ kɔnɔw ni kongosogow ka dumuni ye.

Yeremi 43:11

A bena na Ezipiti jamana kɛlɛ. Minw ye saya ta ye, a be olu faga. Minw ye jɔnya ta ye, olu be minɛ ka taga. Minw ye murujan ta ye, a be olu faga ni murujan ye.

Ezekiyɛli 12:11

I k'a fɔ u ye ko i kɛra taamasiɲɛ ye u fɛ, ko i ye min kɛ, o ɲɔgɔn bena kɛ u la. Ko u juguw bena u minɛ ka taga n'u ye jamana wɛrɛ la.

Ezekiyɛli 14:21

Ayiwa, ne Matigi, Masaba be min fɔ, o filɛ nin ye: «Hali ni ne ye tɔɔrɔko naani nunu lase Zeruzalɛmu ma: murujan, ni kɔngɔ, ni warajuguw, ani fɔɲɔbana, k'a kɔnɔ mɔgɔw ni begɛnw faga,

Ezekiyɛli 33:27

«A fɔ u ye ko ne Matigi, Masaba ko: ‹Ne tɔgɔ kosɔn, mɔgɔ minw tora tomo nunu na, olu bena faga ni murujan ye. Minw be kongo kɔnɔ, ne bena olu di waraw ma, olu k'u dumu. Minw dogonin be yɔrɔ barikamanw na, ani kuluwow kɔnɔ, olu bena sa fɔɲɔbana bolo.

Ezekiyɛli 5:12

Fɔɲɔbana, walima kɔngɔ bena aw tilan sabanan kelen faga dugu nin kɔnɔ. Aw tilan kelen fana bena faga ni murujan ye dugu lamini na. Ne bena tilan sabanan dɔ nin yɛrɛkɛ faan bɛɛ ka murujan bɔ ka tugu o kɔ.

Ezekiyɛli 5:2

I ka kan ka tileda min kɛ ka dugu datuguko yira, n'o dafara, i be ta'a tilan sabanan kelen jɛni dugu cɛmancɛ la, k'a tilan kelen wɛrɛ ta ka to k'o tigɛtigɛ fɔɔ ka dugu lamini. A tilan sabanan dɔ nin, i b'o fili fɔɲɔ na. Ne be murujan ta ka tugu o kɔ.

Daniyɛli 9:12

I ye min fɔ anw kosɔn, n'an ka ɲamɔgɔw kosɔn, minw b'an kunna, i y'o kɛ. I ye bɔnɛba la an kan Zeruzalɛmu kɔnɔ, min ɲɔgɔn ma ye yɔrɔ si diɲɛ kɔnɔ.

Amɔsi 5:19

A bena kɛ i ko jara be mɔgɔ gwɛnna, o tigi ka taga bɛn ni wara dɔ wɛrɛ ye. A fana sera a ka soo k'a bolo la kogo kan, saa y'a cin!

Jakariya 11:9

O la, ne y'a fɔ u ye ko: «Ne tena taga aw dɛndɛ tugu. Ni min ka kan ka sa, o ka sa. Ni min ka kan ka halaki, o ka halaki. Ni minw tora, olu ka ɲɔgɔn faga.»

Yirari 13:10

Mɔgɔ min danna jɔnya kama, o tigi bena jɔnya kɛ. Ni min ka kan ka faga ni murujan ye, o tigi bena faga ten. O la, Krista ka jama ka kan ka kɛ muɲubagaw ni jigitigiw ye.»