Yeremi 14:3 - ALA KA KUMA

³ Ɲamɔgɔw b'u ka baarakɛlaw ci ka taga jii ta. Olu be se jimarayɔrɔ la k'a ye ko jii te yen. U be segi n'u ka minan lakolonw ye. Maloya, ni hakiliɲagami y'u kuun surun.

Jula NT of Côte d’Ivoire

³ Matigicɛw bɛ o ta baaradenw ci ka taga ji ɲini; olugu bɛ taga kɔlɔnda ra, nka o tɛ ji sɔrɔ. O bɛ sekɔ ni o ta minan lakolon ye, o kɔnɔnɔfirinin ni o jigi tigɛnin bɛ o kun datugu ka sekɔ ka na.

Yeremi 14:3 Iomraidhean Croise

Sam 2nan 15:30

Dawuda tun be yɛlɛla Olivuyirikulu kan n'a be kasira. Fani tun birinin b'a kuun na, n'a be taama senlakolon. Mɔgɔ minw tun be n'a ye, olu bɛɛ tun ye faniw biri u kuunw na n'u be kasira ka to ka yɛlɛ kulu kan.

Sam 2nan 19:4

O loon na, kɛlɛdenw dɛnna ka don dugu kɔnɔ i n'a fɔ mɔgɔ minw maloyara, n'u bɔra kɛlɛkɛyɔrɔ la ni u be bolila ka na soo.

Mas fɔlɔ 17:7

Nga waati dɔ nana se, kɔɔ nin fana jara, bari sanji tun ma ben jamana nin kɔnɔ fewu.

Mas 2nan 18:31

Aw kana mɛnni kɛ a fɛ. Asiri masacɛ ko aw ka bɛn n'ale ye, ko aw k'aw yɛrɛ d'a ma. K'o la, aw kelen kelen bɛɛ bena se k'a yɛrɛ ka ɛrɛzɛn ni torosunw deenw dumu, ani k'a ka kɔlɔnji min,

Ɛsitɛri 6:12

O kɔ, Maridose segira ka na masacɛ ka luu daa la. Aman tɛmɛna ka teliya ka ta'a ka soo, a hakili ɲagaminin ye fani biri a kuun na.

Ayuba 6:20

U y'u jigi l'a kan minkɛ, u maloyara, u kuun surunna u setuma na.

Zaburu 109:29

A to ne jalakibagaw hakili ka ɲagami. Maloya k'u minɛ, a ka kɛ i ko fani le birinin b'u kan.

Zaburu 40:14

Masaba, sabali ka ne kisi, na joona ka ne dɛmɛ.

Yeremi 14:4

Dugukolo pɛrɛnpɛrɛnnin lo bari sanji te na tugu jamana kɔnɔ. Sɛnɛkɛlaw y'u kuun surun maloya bolo.

Yeremi 15:18

Mun na ne ka tɔɔrɔ te banna ka ye? Mun na ne ka joli te banna? Mun na a be ban furaw bɛɛ ma? O tuma na, e kɛra ne fɛ i ko kɔjugu le wa, mɔgɔ te la min jii la?

Yeremi 2:13

Bari ne ka mɔgɔw ye kojuguba fila le kɛ: U banna ne la, ne min ye ɲanamaya jii bɔyɔrɔ ye. U tagara jii marayɔrɔw sogi u yɛrɛ ma, woo be minw na, jii te se ka to minw kɔnɔ.

Yeremi 2:37

Aw bena aw bolo fila le bila aw kuun na ka bɔ yen. Bari aw y'aw jigi la minw kan, ne Masaba banna olu la, aw te se ka taga ɲa n'olu ye.

Yeremi 20:11

Nga Masaba be ni ne ye i ko kɛlɛmasaŋana! Ne tɔɔrɔbagaw bena talon, u te na see sɔrɔ. U bena dɛsɛ, o maloya bena to u kunna fɔɔ tuma bɛɛ, mɔgɔw tena ɲinɛ a kɔ ka ye.

Yeremi 3:3

O la, sanji te nana tugu. Nga aw y'aw ɲaa ja i ko kakalamuso, aw yɛrɛ ma maloya.

Kasikan 4:4

Sinmindenw nɛɛn be nɔrɔ u naganaga la minnɔgɔ fɛ. Denmisɛnw be dumuni daali, nga mɔgɔ si te foyi d'u ma.

Oze ta kitabu 2:3

«Aw k'a fɔ aw balimacɛw n'aw balimamusow ye ko u ye ne ka jama ni n diyanamɔgɔw ye.

Yowɛli 1:20

Hali kongosogow be kasira i nɔɔ fɛ. Bari, jiyɔrɔw jara, tasuma ye lɛɛw halaki.

Amɔsi 4:7

A tun tora kalo saba, aw ka sumanw be mɔ, ne ye sanji tigɛ. Ne y'a kɛ sanji benna dugu dɔ la ka dɔ to. N y'a kɛ a benna foro dɔ la k'o ɲigi k'a sɔrɔ dɔ sumanw jara.

Amɔsi 4:8

Dugu fila, dugu saba wilila ka dɛmɛdɛmɛ ka taga jii min dugu wɛrɛ la. O bɛɛ n'a ta, u minnɔgɔ ma ban. O n'a ta bɛɛ aw ma sɔn ka kɔsegi ne ma.» Masaba le ko ten.

Jakariya 14:17

Nga ni siya min banna ka taga Masacɛ, Masaba, Setigi bato, sanji tena jigi olu fɛ.