Yeremi 13:9 - ALA KA KUMA

⁹ «Ne Masaba ko: O cogo kelen na, ne bena Zuda mara ka yɛrɛboɲa ani Zeruzalɛmu ka yɛrɛboɲakojugu ban.

Jula NT of Côte d’Ivoire

⁹ a ko: «Matigi Ala ko: ‹Ne bɛna Zuda mara mɔgɔw ta yɛrɛbonya cɛn nin cogo le ra, ani Zeruzalɛmukaw ta yɛrɛbonyaba min bɛ o ra.

Yeremi 13:9 Iomraidhean Croise

Zanaw 16:18

Yɛrɛboɲa be na ni makosa ye. Yada be na ni halakili ye.

Ezayi 16:6

Yɛrɛboɲa min be mowabuw la, an y'o mɛn. An y'u jamako mɛn, n'u ka yɛrɛboɲakojugu, n'u ka dabayako.

Ezayi 23:9

Masaba, Setigi le y'a latigɛ ten, waasa u be mɔgɔ minw bɛɛ boɲa, olu ka kunkɔrɔta ka cɛn, ka dɔgɔya se dugukolo kan mɔgɔbabaw bɛɛ ma.

Yeremi 13:8

O tuma na, Masaba y'a fɔ ne ye ko:

Yeremi 25:18

Zeruzalɛmukaw, ni Zuda mara duguw mɔgɔw, u ka masaw n'u ɲamɔgɔw, waasa k'u ka yɔrɔ kɛ tomo ni dusukasi ni kaba ani lɔgɔbɔyɔrɔ ye, i n'a fɔ a be cogo min na bii.

Yeremi 48:29

An ye mowabuw ka yɛrɛboɲa koo mɛn. U tun b'u yɛrɛ boɲa kojugu, ka yada, k'olu ka fisa ni tɔw ye.

Ezekiyɛli 16:50

U fanin tun be u yɛrɛ la, u ye kojuguw kɛ ne ɲakɔrɔ. O le kosɔn, ne y'u bɛɛ halaki i n'a fɔ i y'a ye cogo min na.

Ezekiyɛli 16:56

E tun b'i balimamuso Sodɔmu dɔgɔya i ka yɛrɛboɲa waati la

Sarakalasebagaw 26:19

Fanga min b'aw la n'aw be to k'aw yɛrɛ yira n'a ye, ne ben'o cɛn, ka sankolo kɛ i n'a fɔ nigɛ aw fɛ, ani k'aw ka dugukolo kɛ i n'a fɔ zira, sanji benbaliya kosɔn.

Nahɔmu 2:2

Kɛlɛbolo dɔ be nana e Ninivu kama. Kɔlɔsilikɛlaw bila u ka dugu barikaman kɔlɔsi. Aw ye sira kɔlɔsi, k'aw cɛɛ siri, k'aw seko bɛɛ kɛ.

Sofoni 3:11

«O loon na, aw ye kokolon minw bɛɛ kɛ ka tɛmɛ, ka muruti ne ma, o si maloya tena aw sɔrɔ tugu. Bari ne bena yɛrɛboɲalaw bɔ dugu nin kɔnɔ. Aw tena tɔgɔɲiniko kɛ ne ka kulu senuman kan tugu.

Luka 18:14

Yezu y'o kuma kuncɛ k'a fɔ ko: «Ne b'a fɔ aw ye ko Ala ye lɛnpominɛla nin jati mɔgɔtilennin ye sanni a ka segi soo. Nga a ma Fariziɲɛ nin jati mɔgɔtilennin ye, bari mɔgɔ o mɔgɔ b'a yɛrɛ boɲa, o tigi bena majigi. Mɔgɔ o mɔgɔ b'a yɛrɛ majigi, o bena boɲa sɔrɔ.»

Yakuba 4:6

A be koo bɛɛ kɛ k'a ka nɛɛma yira. O la, a fɔra Ala ka kuma na ko: «A be nɛɛma kɛ mɔgɔmajigininw ye, ka fariya yɛrɛboɲalaw ma.»

Piy fɔlɔ 5:5

Ayiwa, denmisɛnw, aw k'aw yɛrɛ majigi mɔgɔkɔrɔbaw ye. Aw bɛɛ k'aw yɛrɛ majigi ɲɔgɔn ye. Bari a fɔra Ala ka kuma na ko: «Yɛrɛboɲala ka koo man di Ala ye. Nga a be nɛɛma kɛ mɔgɔmajigininw ye.»