Yeremi 12:4 - ALA KA KUMA

⁴ Jamana bena to dusukasi la fɔɔ tuma jumɛn? Kongo kɔnɔ biin janin bena to fɔɔ tuma jumɛn? Jamanadenw ka juguya kama lo kongosogow ni kɔnɔw sara. U ko: «Ala t'an ka kɛtaw lɔn.»

Jula NT of Côte d’Ivoire

⁴ «Jamanadenw ta sukasi bɛna ban tuma juman le sa? Kongobinw bɛɛ bɛna nugu tuma juman le tuun? O bɛɛ kɛra jamana mɔgɔw yɛrɛ ta juguya le kosɔn. Bɛganw, ani kɔnɔw bɛɛ bɛ halakira, sabu mɔgɔw b’a fɔra ko: ‹An laban bɛna kɛ min ye, Ala tɛ o lɔn.› »

Yeremi 12:4 Iomraidhean Croise

Zaburu 107:34

A be dugukoloɲuman yɛlɛma k'a kɛ nafatan ye o yɔrɔ mɔgɔw ka juguya kosɔn.

Zaburu 50:21

E b'o koo le kɛra. Ne jera k'i to. E be miiri ko ne ni ele ye kelen ye. Nga ne bena i jalaki k'i ka kojugu bɛɛ yira i la.

Ezayi 24:4

Dusukasi be dugukolo kan, a halakitɔ lo. Diɲɛ mumɛ bɛɛ barika banna, a be halakira. Sankolo be cɛnna ka fara dugukolo kan.

Ezayi 24:6

O kama, danga b'a la ka dugukolo halaki! Jalakili tɔɔrɔ ye a kan sigibagaw ta ye. O la, u be banna fɔɔ u tɔɔ bɛrɛ ma to.

Yeremi 12:11

U ben'a kɛ dusukasiyɔrɔ ye. Jamana bena to dusukasi la ne ɲafɛ ten. Yɔrɔ bɛɛ bena cɛn, mɔgɔ si te hami o la!

Yeremi 14:2

«Zuda mara be dusukasi la, a duguw be nagasira, u ɲaa sisinin lo, u siginin be duguma. Zeruzalɛmukaw kasikan be bɔra.

Yeremi 23:10

Bari jamana fanin be kakalaw la. Jamana be dusukasi la danga kosɔn, kongokolon kɔnɔ biinw jara. Mɔgɔw be boli kojugu le nɔɔ fɛ, u b'u jija tilenbaliyakow la.

Yeremi 4:25

Ne ye filɛli kɛ, mɔgɔ tun te yen tugu. Hali kɔnɔw, u bɛɛ tununa.

Yeremi 4:28

O kama, dugukolo bena kɛ sanga la, sankolo bena dibi. Bari, ne kumana, n tena bɔ n ka kuma kan. Ne y'o latigɛ ka ban, n te segi kɔ fana.»

Yeremi 5:13

Kiraw be i ko fɔɲɔ, u ka kuma te Ala ka kuma ye. U be min fɔ, o ka se u yɛrɛ ma!»

Yeremi 5:31

Kiraw be galonkiraya kɛ, sarakalasebagaw b'o ka nafa dɔrɔn le ɲinina. O le ka di ne ka mɔgɔw ye. Nga aw bena mun kɛ a laban na?»

Yeremi 7:20

O kama, ne Matigi, Masaba ko: Ne bena dimi. N ka dimi fariya bena sin yɔrɔ nin ma, ani mɔgɔw, ni begɛnw, ni yiriw, ani sɛnɛfɛnw ma. A bena kɛ i ko tasuma min te faga.»

Yeremi 9:10

Masaba ko: «Ne bena Zeruzalɛmu kɛ tomo ye, a be kɛ kongowuluw layɔrɔ ye. Ne bena Zuda mara duguw kɛ dusukasiyɔrɔw ye, mɔgɔ tena kɛ yen.»

Yeremi 9:9

Ne bena kasi ka kule kuluw kosɔn, ne bena dusukasidɔnkili la kongo kosɔn. Bari u jɛnina, mɔgɔ si te tɛmɛ yen tugu. Begɛn kasikan te mɛnna yen tugu, kɔnɔw, ni kongosogow bolila, u bɛɛ tununa.

Oze ta kitabu 4:3

O le kama, jamana be dusukasi la, a kɔnɔ mɔgɔw bɛɛ be fasafasara, fɔɔ ka taga se kongosogow ni kɔnɔw ma, hali jigɛw yɛrɛ bena tunu.

Yowɛli 1:18

Begɛnw be kasira, misiw be taamana u kunfɛ, bari dumunikɛyɔrɔ te yen. Hali begɛnmisɛnw ɲaa be gwanna.

Amɔsi 1:2

A ko: «Masaba be sɔngɔra *Siyɔn, a be pɛrɛnna Zeruzalɛmu. Sagaw ka ɲiminikɛyɔrɔw be halakila. Karimɛli kulu sanfɛla be jara.»

Habakuki 3:17

Hali ni toro te deen kɛ, ni foyi te sɔrɔ *ɛrɛzɛnsunw kan, hali ni olivuyiriw te ɲa. Ni balofɛn te sɔrɔ forow kɔnɔ, hali ni sagaw be tunu ka bɔ wɛɛrɛw kɔnɔ, ni misiw be tunu ka bɔ wɛɛrɛw kɔnɔ,

Jakariya 1:12

O tuma na, Masaba ka mɛlɛkɛ y'a fɔ ko: «Masaba, Setigi, e bena ban ka makari Zeruzalɛmu dugu, ni Zuda mara dugu tɔw la fɔɔ tuma jumɛn, e dimina minw kɔrɔ fɔɔ saan bi wolonwula?»

Rɔmukaw 8:22

An y'a lɔn ko halibi diɲɛ bɛɛ be ŋunanna i n'a fɔ muso min be jigira.