Yeremi 12:3 - ALA KA KUMA

³ Nga ele Masaba be ne lɔn, i ɲaa be ne la, i ye ne kɔnɔnako sɛgɛsɛgɛ k'a lɔn ko ne b'i fɛ. E ka mɔgɔjuguw woloma i ko saga minw be taga sogofagayɔrɔ la! U bila danna fagalon kama!

Jula NT of Côte d’Ivoire

³ Matigi Ala, ele kɔni ka ne lɔn, i ɲa bɛ ne ra; i ka ne sɛgɛsɛgɛ, k’a lɔn ko ne jusukun ta miiriyaw bɛɛ bɛ ele le kan. Mɔgɔjuguw mina i ko sagaw, i ye taga ni o ye fagariyɔrɔ ra; o bla danna fagarilon kama!

Yeremi 12:3 Iomraidhean Croise

Mas 2nan 20:3

«Masaba, e hakili ka to a la ko ne taamana i ɲakɔrɔ kantigiya la ni kɔnɔgwɛ ye, ka koɲuman kɛ i ɲakɔrɔ.» A kasira kosɔbɛ.

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Ayuba 23:10

K'a sɔrɔ ne be sira min kan, a b'o lɔn, a be ne kɔrɔbɔra, nga ne gwɛnin le bena bɔ o la i ko sanu.

Zaburu 11:5

A be mɔgɔtilennin ni mɔgɔjugu ka koo sɛgɛsɛgɛ. Fariya ka di tigi min ye, o tigi koo man d'a ye.

Zaburu 139:23

Ala, ne sɛgɛsɛgɛ ka ne kɔnɔnakow lɔn. Ne kɔrɔbɔ ka ne ka haminakow lɔn.

Zaburu 17:3

I ye ne sɛgɛsɛgɛ sufɛ ka n filɛ. I ye n kɔrɔbɔ, i ma foyi ye n la. N ka kuma ni n ka miiriya kɛra kelen ye.

Zaburu 26:1

Dawuda ka dɔnkili dɔ. Masaba, e yɛrɛ ka ne ka koo filɛ, bari jalakiyɔrɔ te ne la. Ne jigi bɛɛ be ele Masaba le kan, ne te siga.

Zaburu 7:9

Masaba, ele lo ye siyaw kitibaga ye. Ne ka kan ni min ye, o kɛ n ye. I k'o kɛ k'a kɛɲɛ ni ne ka tilenninya, ni n ka ɲumanya ye.

Yeremi 15:15

I b'a lɔn sa, Masaba! I hakili to n na ka n dɛmɛ. Ne mɔnɛ bɔ n tɔɔrɔbagaw la. Kana to ka muɲu u kɔrɔ fɔɔ u ka ne faga. I k'a lɔn ko ne be nɛnili muɲuna e le kosɔn.

Yeremi 17:16

Nga, ne ma gwan i kɔ waasa balawu ka se u ma. Ne tun ma lonjugu laɲini u ye. Kuma minw bɔra ne daa la, i b'o lɔn, o fɔra i ɲana.

Yeremi 17:18

Maloya bila ne tɔɔrɔbagaw la, maloya kana ne sɔrɔ. Siranya bila u la, ne kana siran. Bɔnɛ lase u ma, u halaki pepewu!

Yeremi 20:12

Masaba, Setigi, ele min be mɔgɔtilenninw ka koo sɛgɛsɛgɛ, ele min be mɔgɔw kɔnɔnako n'u ka miiriyaw lɔn, i k'i mɔnɛ bɔ n juguw la, ne k'o ye. Bari ne ye n ka koo to i bolo.

Yeremi 48:15

Mowabu n'a duguw halakira. A ka kanbelenŋanaw be tagara fagayɔrɔ la. Masacɛ min tɔgɔ ko Masaba, Setigi a le lo ko ten.

Yeremi 50:27

Aw k'a ka cɛfariw bɛɛ faga, aw k'a to u be taga u fagayɔrɔ la. Bɔnɛ ye u ta ye! Bari u ka loon sera, u sarawaati sera.

Yeremi 51:4

Mɔgɔ halakininw bena lala Babilɔni jamana kɔnɔ, mɔgɔ sɔgɔsɔgɔninw bena benben Babilɔni bɔlɔnw na.

Yuhana 21:17

O kɔ, a y'a fɔ a ye a siɲɛ sabanan na ko: «Zan dencɛ Simɔn, ne koo ka d'i ye wa?» Piyɛri hakili ɲagamina bari Yezu y'a ɲininga fɔɔ siɲɛ saba ko ale koo ka d'a ye wa. A y'a jaabi ko: «Matigi, e yɛrɛ be koo bɛɛ lɔn, e b'a lɔn ko e koo ka di ne ye.» Yezu y'a fɔ a ye ko: «Ne ka sagaw dɛndɛ.»

Yakuba 5:5

Diɲɛ na, aw ye faamadumuni kɛ k'aw diyanakow kɛ, ka tulɔ i n'a fɔ begɛn fagata, k'aw salon kɔnɔ.

Piy 2nan 2:12

O mɔgɔ nunu ka kɛwaliw ni begɛnw ta kɛra kelen ye. U laban ni begɛnw ta bena kɛ kelen ye. U bena halaki. U te fɛɛn min lɔn, u be kumajugu fɔ o le koo la.