Yeremi 12:1 - ALA KA KUMA

¹ Masaba, hali ni ne be sɔsɔli kɛ n'i ye, tiɲɛ be sɔrɔ ele fɛ. O bɛɛ n'a ta, ne bena kuma n'i ye i ka kiti dɔw koo la. Mun na mɔgɔjuguw ka koow be sabati? Mun na tilenbaliw bɛɛ be hɛrɛ la?

Jula NT of Côte d’Ivoire

¹ «E. Matigi Ala, ele terennin lo tuma bɛɛ; ne bɛ se ka sɔsɔri kɛ ni ele ye cogo di? O bɛɛ n’a ta, ne bɛna i ɲininka i ta terenninya ko ra: Mun le kosɔn mɔgɔjuguw ta kow bɛ ɲa o boro dɛ? Mun le kosɔn janfamɔgɔw siginin bɛ to ɲasuma ra?

Yeremi 12:1 Iomraidhean Croise

Damina 18:25

Ka sɔn ka mɔgɔtilenninw ni mɔgɔjuguw faga ɲɔgɔn fɛ, e kɔni te sɔn o la! Ka mɔgɔtilennin ni mɔgɔjugu kɛɲɛ, e te sɔn o la! E min be adamadenw bɛɛ kiti, i tena kiti tigɛ ni tilenninya ye wa?»

Ɛsidarasi 9:15

Masaba, Isirayɛli ka Ala, e le tilennin be, anw le ye an ka siya tɔɔ ye bii. Anw filɛ nin ye i ɲakɔrɔ, n'an ka kojuguw ye. Mɔgɔ si do te se ka lɔ ten i ɲakɔrɔ.»

Nehemi 9:33

E ye fɛɛn o fɛɛn kɛ an na, o tilennin lo, bari ele ye kantigi ye nga an ye kojugu kɛ.

Ayuba 12:6

Benkannikɛlaw ka soow be hɛrɛ la. Mɔgɔ minw be don Ala gasi la, olu be ɲasuma na, u yɛrɛ ka fanga y'u jigi ye.

Ayuba 13:3

Nga ne b'a fɛ ka kuma Setigi le fɛ, n b'a fɛ ka n kunbɔko fɔ ale lo ye.

Ayuba 24:12

Mɔgɔw be kasira dugu kɔnɔ. Minw mandimina, olu be kulera. Ala fana te foyi kɛra o la.

Ayuba 24:23

A b'u hakili sigi tuma dɔ, n'o tɛ, a ɲaa b'u ka kɛtaw la!

Ayuba 8:17

A lili be don fɔɔ kabakuruw kɔnɔ, a be se farawo yɔrɔ bɛɛ la.

Zaburu 116:5

Masaba ka ɲi, kantigi lo. An ka Ala be makari.

Zaburu 119:137

Masaba, e tilennin lo, i ka kitiw tilennin lo.

Zaburu 119:75

Ne y'a lɔn ko e ka kiti tilennin lo, Masaba. I ye ne ɲaa gwan, tiɲɛ tun b'i fɛ k'o kɛ.

Zaburu 145:17

Masaba ka koo bɛɛ tilennin lo. A ka ɲi a ka kɛwaliw bɛɛ la.

Zaburu 37:1

Dawuda ka dɔnkili dɔ. E kana dimi kokolonkɛbaga kosɔn, kojugukɛla keleya kana e minɛ.

Zaburu 37:35

Ne ye mɔgɔjugu ye n'a be siranya bilara mɔgɔw la. A tun ka bon i ko Liban yiribaw.

Zaburu 51:4

E ka ne ko ka n ka fili nɔgɔ bɔ n na pewu. Ne ka hakɛ yafa ne ma, ka n saniya.

Zaburu 51:6

Ne donna ele le gasi la, e kelenpe, ne ye kojugu kɛ e ɲakɔrɔ. O la, tiɲɛ bena sɔrɔ i fɛ i kuma waati la, jalakiyɔrɔ tena sɔrɔ i la i ka kiti la.

Zaburu 92:7

Naloman te foyi lɔn o la, hakilitan te foyi faamu o la.

Zanaw 1:32

Kolɔnbali ka sirajugu le b'a faga, miiribaliya le b'a kɛ naloman be tunu.

Waajurikɛbaga 8:14

Kabako wɛrɛ be kɛra dugukolo kan. Mɔgɔtilennin dɔw be yen, o b'u minɛ i n'a fɔ mɔgɔjuguw, ka mɔgɔjugu dɔw minɛ i n'a fɔ mɔgɔtilenninw. Ne k'o fana ye koo faamubali le ye.

Ezayi 41:21

Masaba ko: «Siya ka joow, aw k'aw ka kunbɔkuma fɔ.» Yakuba ka Masa ko: «Aw bena tiɲɛ sɔrɔ ni kuma min ye, aw k'o fɔ ka na.

Ezayi 48:8

Tiɲɛ na, aw m'o mɛn, aw ma dɔ lɔn o la. Kabini tumajan, aw tulo tun te mɛnni kɛ. Ne y'a lɔn ko aw ye namaramɔgɔw ye. Kabini aw wolotuma, u b'aw wele ko murutininw.

Yeremi 11:20

Masaba, Setigi, e min be kiti tigɛ ni hɔrɔnya ye, e min be adamaden kɔnɔnako n'a ka miiriyaw sɛgɛsɛgɛ, e bena min kɛ u la, ne bena o ye bari, ne ye n ka koo to i bolo.

Yeremi 12:6

Hali e badenw, e yɛrɛ ka somɔgɔw b'i janfara, u be woo ci e la. Kana la u la hali n'u be kumaɲuman fɔra i ye.

Yeremi 3:20

Nga, aw Isirayɛlidenw ye ne janfa, i ko muso b'a cɛɛ janfa cogo min na. Ne Masaba le ko ten.»

Yeremi 3:7

Ne tun b'a fɔra n yɛrɛ kɔnɔ ko: ‹N'a tilara o bɛɛ la, a ben'a ɲaa yɛlɛma n faan fɛ.› Nga, a ma o kɛ fewu. A balimamuso Zuda janfamɔgɔ nin y'o ye.

Yeremi 32:16

Ne y'o foro sansɛbɛ kalifa Neriya deen Baruki ma ka ban tuma min na, ne ye Masaba daali ko:

Yeremi 5:11

Tiɲɛ na, u ye ne janfa yɛrɛ le, Isirayɛli ni Zuda mara mɔgɔw.» Masaba le ko ten.

Yeremi 9:2

«U nɛnden kɛra i ko kala, a tigi bolo. U ka setigiya nin jamana kɔnɔ ma sɔrɔ tilenniya la, bari u be kojuguw kɛ ka la kojugu kan, u ma ne lɔn. Ne Masaba le ko ten.

Kasikan 1:18

«Masaba tilennin lo. Bari an le bann'a ka fɔta la. Siyaw bɛɛ, aw k'aw tulo malɔ k'an ka tɔɔrɔko filɛ. An ka sunguruw ni kanbelenw tagara, u y'u minɛ ka taga n'u ye jɔnya la.

Ezekiyɛli 18:25

Nga aw b'a fɔ ko: ‹Masaba ka koo tilennin tɛ.› Isirayɛlidenw, aw ye mɛnni kɛ ne fɛ. Ne ka koo tilennin tɛ wa? Aw ta le tilennin tɛ.

Daniyɛli 9:14

O le y'a to, i ma bɔnɛ nin koo ye k'a to. I y'a la an kan. Bari ele tilennin lo i ka kokɛtaw bɛɛ la, Masaba an ka Ala. Nga anw le ma mɛnni kɛ i ka fɔta la.

Daniyɛli 9:7

Matigi, e ta le ye tiɲɛ ye. Anw kɔni ta ye maloya le ye, i n'a fɔ bii yɛrɛ. Maloya ye an Zuda mara mɔgɔw ta ye, ni Zeruzalɛmukaw ta ye, ani Isirayɛlidenw bɛɛ, a yɔrɔsurun mɔgɔ n'a yɔrɔjan mɔgɔw bɛɛ, u y'u gwɛn ka taga to jamana o jamana kɔnɔ, u ka tilenbaliya kosɔn, u ye min kɛ ele la.

Oze ta kitabu 6:7

«Bɛɛn min tun be yen, aw y'o cɛn adamadenya la. Aw ye ne janfa le.

Habakuki 1:4

O la, sariya te batora tugu, tilenninya nagasira. Mɔgɔjugu be see sɔrɔla mɔgɔtilennin kan. O tuma na, tiɲɛ te fɔ tugu kiti la.

Sofoni 3:5

Masaba b'u cɛma, a tilennin lo, a te kojugu kɛ. Dugugwɛ o dugugwɛ, a b'a ka tilenninya yira, loon o loon sɔgɔma, a te fɔn o la. Nga mɔgɔjugu te maloya lɔn.

Malaki 2:17

Aw be Masaba sɛgɛn n'aw ka kuma ye. Aw b'a fɔ ko: «An b'a sigɛnna cogo di?» Bari aw b'a fɔra ko: «Ni mɔgɔ o mɔgɔ ye kojugu kɛ, o tigi ka ɲi Masaba ɲana, u koo be diy'a ye.» Walima n'aw y'a fɔ ko: «Ala tilennin tɛ.»

Malaki 3:15

An be se k'a fɔ sisan ko yɛrɛboɲalaw dagamunin lo. Kojugukɛlaw ka hɛrɛ be taga ɲa yɛrɛ. U be Ala darabɔ, nga u do be bɔ!› »

Sariya 32:4

Ale lo ye tangakabakuru ye, a ka koo dafanin lo, a ka koow bɛɛ tilennin lo. Ala ye kantigi ye, tilenbaliya t'a ka koo la. Ale lo ye tiɲɛtigi ye, a tilennin lo.