Yeremi 11:8 - ALA KA KUMA

⁸ Nga u ma sɔn k'u tulo malɔ. U y'u kuun gwɛlɛya k'u yɛrɛ sago kɛ ni kɔnɔfin ye. O la, ne ye bɛɛn nin sariya jalaki bɛɛ ben u kan, bari ne tun ye min fɔ u ye ko u k'u bato, u ma o bato.› »

Jula NT of Côte d’Ivoire

⁸ Nka o ma ne lamɛn, o ma o toro malɔ; o tora o yɛrɛ jusukun ta miirijuguw le kan. O kosɔn ne tun ko o ye jɛnɲɔgɔnya min sira tagama, nka o m’a tagama, ne ka o jɛnɲɔgɔnya ta danga kumaw bɛɛ ben o kan.› »

Yeremi 11:8 Iomraidhean Croise

Nehemi 9:26

«O bɛɛ n'a ta, u wilila ka muruti i ma, i ye sariya min sigi u ye, u y'o bila kɔfɛ. U ye i ka kiraw faga, e tun ye minw ci janko olu k'u dɛmɛ u ka kɔsegi i ma. A kɛra ten, u ye kojuguba kɛ i la.

Nehemi 9:29

I y'a ɲini u fɛ sɔbɛ la k'u ka kɔsegi ka na i ka sariya bato, nga u tora u ka yɛrɛboɲa na, u ma sɔn ka mɛnni kɛ i fɛ. U tora k'i ka sariyaw cɛn minw sababu la mɔgɔ be se ka to nii na. U kɛra mɔgɔmurutininw ye ani tulogwɛlɛnw ye, u ma sɔn ka mɛnni kɛ fewu.

Yeremi 13:10

Nin siyajugu, min banna ka ne ka kumaw mɛn k'u kuun gwɛlɛya k'u yɛrɛ sago kɛ ka boliboli batofɛn wɛrɛw kɔ janko k'u sɔn ani ka biri u ɲafɛ, a ka kɛ i n'a fɔ cɛsirilan nin, min te se ka foyi ɲa tugu.

Yeremi 3:17

O tuma na, u bena Zeruzalɛmu wele ko: ‹Masaba ka masasigilan.› Siyaw bɛɛ bena na ɲɔgɔn lajɛn Zeruzalɛmu, janko ka ne Masaba tɔgɔ boɲa. U tena u jaa gwɛlɛya ka tugu u ka miirijuguw kɔ tugu.

Yeremi 31:32

O tena kɛ i ko ne ye bɛɛn min kɛ n'u faaw ye tuma min na ne y'u minɛ u bolo ma k'u bɔ Ezipiti jamana la. Olu tun ye o bɛɛn nin cɛn, k'a sɔrɔ ne tun ye u yɛrɛ tigi ye. Ne Masaba le ko ten.

Yeremi 32:23

U nana o jamana nin minɛ ka kɛ u ta ye. Nga, u ma mɛnni kɛ i fɛ, u ma i ka sariya bato. E tun ye min fɔ k'u k'a kɛ, u banna o bɛɛ la. O le kama, i y'a to bɔnɛ nin bɛɛ sera u ma.

Yeremi 34:14

‹N'aw balima eburu dɔ y'a yɛrɛ feere aw dɔ ma ka kɛ jɔɔn ye, saan wolonwula tɛmɛnin kɔ, a ka kan ka hɔrɔnya. A bena to i ka jɔnya la saan wɔɔrɔ, o kɔ, i b'a hɔrɔnya.› Nga aw faaw ma ne ka kuma bato, u ma mɛnni kɛ n fɛ.

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Yeremi 35:17

«O la, ne Masaba, Setigi Ala, Isirayɛli ka Ala ko: ‹Ne y'u ka bɔnɛ minw koo latigɛ ne ben'a kɛ o bɛɛ be se Zeruzalɛmukaw bɛɛ ni Zuda mara mɔgɔw ma. Bari, ne kumana u fɛ, u ma mɛnni kɛ, ne y'u wele, u ma n laminɛ.› »

Yeremi 38:20

Zeremi y'a jaabi ko: «I tena don u bolo. Ne be Masaba ka kuma min fɔra i ye, i tulo malɔ o la, e ta bena ɲa, i bena kisi.

Yeremi 44:16

«I ye kuma min fɔ an ye Masaba tɔgɔ la, an t'a fɛ k'u mɛn.

Yeremi 44:17

An ye koo minw ŋaniya ta, an bena o bɛɛ le kɛ. An bena Sankolo kɔnɔ masamuso sɔn, ani ka jii bɔn a ye, i n'a fɔ an tun y'a kɛ cogo min na Zeruzalɛmu bɔlɔnw kɔnɔ ni Zuda mara dugu tɔw la. Anw, n'an faaw, n'an ka masaw, ani an ɲamɔgɔw. Dumuni tun te dɛsɛ an fɛ, an tun be lafiya la, an tun te gwɛlɛya lɔn.

Yeremi 44:5

U m'u tulo malɔ, u ma mɛnni kɛ, k'u ka juguya dabila, k'u ka josɔnko dabila.

Yeremi 7:13

Ne Masaba ko: K'aw to koo nunu bɛɛ la, ne tora ka kuma aw fɛ, nga aw ma mɛnni kɛ, ne y'aw wele, nga aw ma jaabili kɛ.

Yeremi 7:24

Nga u ma mɛnni kɛ, u m'u tulo malɔ. U y'u tulo gwɛlɛya ka taama u yɛrɛ sago la ka kɛɲɛ n'u ka miiriyajuguw ye. Sanni u ka taga ɲa, u segira kɔfɛ.

Yeremi 7:26

Nga u ma mɛnni kɛ ne fɛ, u m'u tulo malɔ. U y'u tulo gwɛlɛya, ka kojugu kɛ ka tɛmɛ u faaw kan.

Ezekiyɛli 20:8

O bɛɛ n'a ta, u murutira ne ma, u ma sɔn ka mɛnni kɛ ne fɛ. U ma sɔn ka batofɛnkolon nunu fili, u ma sɔn ka Ezipitikaw ka joow to yen. O la, ne ko ne bena n dimi bɔ u la, ka n ka fariya yira u la Ezipiti jamana kɔnɔ.

Jakariya 1:4

«Aw kana aw faaw ladege dɛ, fɔlɔfɔlɔ kiraw tun ye minw ladi ko: Masaba, Setigi ko: ‹Aw ye sirajugu taama to, k'aw ka kɛwalijuguw dabila. Nga u ma sɔn k'u tulo malɔ o la, u ma ne jati yɛrɛ.› Ne, Masaba le ko ten.

Jakariya 7:11

«Nga, u ma sɔn ka mɛnni kɛ, u y'u kuun gwɛlɛya ka ban ka mɛnni kɛ.