Yeremi 11:4 - ALA KA KUMA

⁴ ne tun ye min fɔ u faaw ye tuma min na ne y'u bɔ tɔɔrɔba la Ezipiti jamana la. Ne tun y'a fɔ ko n'u ye mɛnni kɛ ne fɛ, ne bena min bɛɛ fɔ u ye, n'u y'o bɛɛ kɛ, o tuma na, u bena kɛ ne ka mɔgɔw ye, ne bena kɛ u ka Ala ye.

Jula NT of Côte d’Ivoire

⁴ Ne ka nin jɛnɲɔgɔnya ta kumaw lase aw bɛmaw ma wagati min ne ka o labɔ Misiran jamana ra, dibiba tasumaman kɔnɔ. Ne tun k’a fɔ o ye ko: Aw ye ne kan lamɛn; ni ne ka fɛn o fɛn fɔ aw ye, aw ye o kɛ. Ni o kɛra, aw bɛna kɛ ne ta mɔgɔw ye, ne fana bɛna kɛ aw ta Ala ye.

Yeremi 11:4 Iomraidhean Croise

Damina 17:8

I nana sigi Kanaan jamana min kɔnɔ, ne bena o bɛɛ di e, n'i kɔmɔgɔw ma, a ka kɛ aw ta ye kudayi. Ne bena kɛ u ka Ala ye.»

Mas fɔlɔ 8:51

Bari e ka jama lo, i ta lo, e le y'u bɔ Ezipiti jamana na, k'u sama ka bɔ tasumaba kɔnɔ.

Mas 2nan 18:6

A tora k'a jigi la Masaba kan, a ma Masaba bila. Masaba tun ye sariya minw di Musa ma, a y'o bato.

Bɔri 20:6

Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Ezayi 30:6

Kirayakuma min fɔra worodugu ɲafan begɛnw kosɔn: U be nafolow la faliw kɔɔ la, ka fɛnsɔbɛw la ɲɔgɔmɛw kɔɔ la, ka dusukasiyɔrɔ cɛtigɛ, kamanagwan jamana, jamana janin, jaracɛ ni jaramuso ka jamana, fɔnfɔnni, ani sogojugu kabakoman ka jamana na, ka taga jamana kɔnɔ min tena se ka foyi ɲa aw ye.

Ezayi 48:10

Ayiwa, ne y'aw saniya, o ma kɛ i ko u be warigwɛ kɛ cogo min na dɛ. Ne ye gwɛlɛya kɛ k'aw kɔrɔbɔ.

Yeremi 11:7

Bari, kabini ne y'aw faaw bɔ Ezipiti fɔɔ ka na se bii, ne tora k'a fɔ k'a gwɛlɛya u ye ko u ka mɛnni kɛ ne fɛ.

Yeremi 24:7

Ne bena hakili di u ma min ben'a to u k'a lɔn ko ne le ye Masaba ye. Ne be kɛ u ka Ala ye, u be kɛ ne ka mɔgɔw ye. Bari u bena sɔn ne ma n'u dusu bɛɛ ye.

Yeremi 26:13

Nga sisan, aw ka yɛlɛmani don aw taamacogo n'aw ka kɛwaliw la, ka mɛnni kɛ Masaba aw ka Ala fɛ. O la, Masaba ye bɔnɛ min latigɛ aw kama, a bena o dabila.

Yeremi 30:22

Aw bena kɛ ne ka mɔgɔw ye, ne bena kɛ aw ka Ala ye.»

Yeremi 32:28

O la, ne bena dugu nin don Babilɔnikaw n'u ka masacɛ Nabukodonozɔri bolo. U bena dugu nin minɛ. Ne Masaba le ko ten.

Yeremi 38:20

Zeremi y'a jaabi ko: «I tena don u bolo. Ne be Masaba ka kuma min fɔra i ye, i tulo malɔ o la, e ta bena ɲa, i bena kisi.

Ezekiyɛli 11:20

janko aw ka ne ka kolatigɛninw ni ne ka fɔtaw bato ka ɲa. Aw bena kɛ ne ka mɔgɔw ye, ne bena kɛ aw ka Ala ye.

Ezekiyɛli 14:11

A kɛra ten, Isirayɛlidenw tena faran ne la tugu. U tena u yɛrɛ nɔgɔ u ka murutiliw fɛ tugu. U bena kɛ ne ka mɔgɔw ye, ne bena kɛ u ka Ala ye. Ne Matigi, Masaba le ko ten.»

Ezekiyɛli 36:28

Ne ye jamana min di aw bɛmaw ma, aw bena sigi o kɔnɔ. Aw bena kɛ ne ka mɔgɔw ye, ne bena kɛ aw ka Ala ye.

Ezekiyɛli 37:23

U tena u yɛrɛ nɔgɔ n'u ka josɔnko, n'u ka kokolonw, n'u ka murutikow si ye tugu. U ye tilenbaliyakow kɛ u sigiyɔrɔ minw bɛɛ la, ne bena u hɔrɔnya o bɛɛ la k'u saniya. U bena kɛ ne ka mɔgɔw ye, ne bena kɛ u ka Ala ye.

Ezekiyɛli 37:27

Ne sigiyɔrɔ bena kɛ u cɛma. Ne bena kɛ u ka Ala ye, u bena kɛ ne ka mɔgɔw ye.

Daniyɛli 3:26

O tuma na, Nabukodonozɔri gwɛrɛla dibi tasumaman daa la. A y'a fɔ ko: «Sadiraki, Mesaki, Abɛdenego, Fɛɛn bɛɛ kuntigi Ala ka baarakɛlaw, aw ye bɔ yan!» O tuma na, Sadiraki, ni Mesaki ani Abɛdenego bɔra tasuma kɔnɔ.

Sarakalasebagaw 26:12

Ne bena to aw cɛma ka kɛ aw ka Ala ye, aw bena kɛ ne ka mɔgɔw ye.

Sarakalasebagaw 26:3

«Ni aw ye ne ka fɔta bato ka banba ka ne ka kuma bato,

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Jakariya 6:15

Mɔgɔ minw be fɔɔ yɔrɔjan, olu bena na baara kɛ Masaba batoso lɔko la tugu. O la, aw ben'a lɔn ko Masaba, Setigi ye ne ci aw fɛ. O bena kɛ, n'aw sɔnna ka Masaba aw ka Ala ka fɔta kɛ sɔbɛ la.

Jakariya 8:8

Ne bena na n'u ye, u ka sigi Zeruzalɛmu kɔnɔ. U bena kɛ ne ka mɔgɔw ye, ne ka kɛ u ka Ala ye, kantigiya ni tilenninya la.»

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Kor 2nan 6:16

Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»

Sariya 11:27

N'aw ye Masaba aw ka Ala ka kuma bato, ne be minw fɔra aw ye bii, aw bena dubaw sɔrɔ.

Sariya 4:20

Nga aw kɔni, Masaba y'aw ta k'aw bɔ tɔɔrɔba kɔnɔ Ezipiti, janko aw ka kɛ a ka jama ye i n'a fɔ aw be cogo min na bii.

Sariya 5:6

‹Ne ye Masaba aw ka Ala ye min y'aw bɔ Ezipiti jɔnya la.

Heburuw 5:9

O le y'a to a ka koo bɛɛ dafara ten tuma min na, mɔgɔ minw bɛɛ be mɛnni kɛ a fɛ, a kɛra olu bɛɛ kisibaga ye tuma bɛɛ.

Sam fɔlɔ 15:22

Samuyɛli y'a fɔ a ye ko: «Saraka jɛnitaw ni saraka tɔw koo ka di Masaba ye i ko a ka kuma batoko wa? Ka sɔn a sago ma, o ka fisa ni saraka ye. Ka mɛnni kɛ a fɛ, o ka fisa ni sagajigi tulu ye.