Yeremi 10:5 - ALA KA KUMA

⁵ O joo nunu be i ko lɔgɔkuru, u te se ka kuma. Fɔɔ mɔgɔ k'u ta le, bari u te se ka taama. Aw kana siran u ɲa, u te se ka kojugu si kɛ aw la, u te se k'aw mako ɲa fana.»

Jula NT of Côte d’Ivoire

⁵ O alaw bɛ i ko kɔnɔgbɛnnan minw bɛ fifa foro kɔnɔ, o tɛ se ka kuma. Mɔgɔ le bɛ o ta, ni o tɛ, o tɛ se ka tagama. Aw kana siran o ɲa, sabu o tɛ se ka kojugu kɛ, o fana tɛ se ka koɲuman kɛ.»

Yeremi 10:5 Iomraidhean Croise

Mas fɔlɔ 18:26

U ye tura nin minɛ k'a labɛn. U y'a daminɛ ka to ka Baali daali k'a ta sɔgɔma fɔɔ tilegwanfɛ. U tun be to k'a fɔ ko: «Baali, an jaabi!» Nga kuma ma mɛn, jaabili ma sɔrɔ. U tun ye sɔnnikɛyɔrɔ min lɔ, u tora ka panpan o ɲafɛ.

Lok 2nan 25:15

Masaba dimin'a kɔrɔ ka kira dɔ ci a fɛ. Ale y'a fɔ a ye ko: «Mun na i ye siya nin ka joow ɲininga? O do ma se k'u tigiw bɔsi i bolo.»

Ezayi 16:12

Mowabuw b'u yɛrɛ sɛgɛn ka yɛlɛ u ka sɔnnikɛyɔrɔ la. U be taga u ka jobon la k'u ka joo daali, nga o tena foyi ɲa u ye.

Ezayi 45:20

«Siya wɛrɛw min tora, aw ka ɲɔgɔn lajɛn ka na, aw ka gwɛrɛ ɲɔgɔn fɛ. Minw b'u ka joo lɔgɔlamanw kɔrɔta, olu te foyi lɔn. Batofɛn min te se ka mɔgɔ kisi, u be daalili kɛ o le fɛ.

Ezayi 46:1

«Joo min tɔgɔ ko Bɛli, ale sigɛnna, joo min tɔgɔ ko Nebo, ale benna. U jaaw bilara begɛnw kan, u b'o ɲun k'o kɛ doni ye begɛn dɛsɛbagatɔ kan.

Ezayi 46:7

U b'a ɲun u gaman kan ka taga n'a ye, u b'a bila a bilayɔrɔ la. A bena to o yɔrɔ la, a te bɔ yen fewu! U b'a daali, nga a te jaabili kɛ, gwɛlɛya tuma na, a te mɔgɔ kisi.

Yeremi 10:14

Mɔgɔ bɛɛ be nalo, u te foyi faamu. Numuw bɛɛ be maloya u ka joow kama. Bari u ka joow ye namarafɛnw le ye, niin t'u la.

Habakuki 2:19

Mɔgɔ min b'a fɔ lɔgɔkuru ye: ‹Wili!› walima k'a fɔ kabakuru ye: ‹Kunun!› bɔnɛ ye o tigi ta ye! Yala a bena fɛɛn dɔ ye k'a fɔ wa? Hali n'a mɔnin be ni sanu ye, ani warigwɛ, a te ninakili do.

Kor fɔlɔ 12:2

Aw y'a lɔn ko aw tun te Ala lɔn tuma min na, aw tun be tugura joow kɔ dɔrɔn minw te se ka kuma yɛrɛ.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Sariya 4:28

O yɔrɔ la, aw bena joow sɔn, mɔgɔ bolo ye minw dilan, yirilamanw, walima kabakurulamanw, minw te yeli kɛ, u te mɛnni kɛ, u te dumuni kɛ, u te kasa mɛn.