Yeremi 10:3 - ALA KA KUMA

³ Bari siya wɛrɛw ka landaw ye fɛɛn fufafuw le ye. O be yiri tigɛ tuu kɔnɔ, lɛsɛnikɛla b'o lɛsɛ ni sɛmɛ ye.

Jula NT of Côte d’Ivoire

³ Siyaw ta landakow tɛ foyi ye. O bɛ taga yiri tigɛ kongo kɔnɔ, yirilɛsɛbaga b’a lɛsɛ ni yirilɛsɛnan ye.

Yeremi 10:3 Iomraidhean Croise

Zaburu 115:4

Siya wɛrɛ nunu ka joow ye sanu ni warigwɛ ye. Mɔgɔw le y'u dilan.

Ezayi 45:20

«Siya wɛrɛw min tora, aw ka ɲɔgɔn lajɛn ka na, aw ka gwɛrɛ ɲɔgɔn fɛ. Minw b'u ka joo lɔgɔlamanw kɔrɔta, olu te foyi lɔn. Batofɛn min te se ka mɔgɔ kisi, u be daalili kɛ o le fɛ.

Yeremi 1:16

«Ne bena u ɲaa gwan u ka kɛwalijuguw bɛɛ kosɔn, bari u banna ne la, ka to ka joow sɔn. Olu yɛrɛ bolo ye fɛɛn min dilan, u b'o le bato.

Yeremi 10:8

Olu bɛɛ lajɛnnin ye nalonmanw ye, hakilitanw lo. U be hakili min sɔrɔ joo lɔgɔlaman fɛ, fuu lo.

Yeremi 14:22

Siyaw ka joow cɛma, dɔ be yen min be se k'a to sanji be ben wa? Yala sankolo barika le be na ni sanji ye wa? Masaba an ka Ala, e le te sanji dibaga ye wa? An jigi be e le kan, bari e le be o koow bɛɛ kɛ.

Yeremi 16:19

Masaba, e min be fanga di ne ma, ani ka ne tanga, e min ye ne dogoyɔrɔ ye waatigwɛlɛn na, siyaw bena bɔ diɲɛ daan na ka na ele fɛ k'a fɔ ko: «Foyi tun te an faaw fɛ fɔɔ batofɛnkolon dɔrɔn, joo kuntan minw tun te foyi ɲa.

Yeremi 2:5

Masaba ko: «Aw faaw ye jalakiyɔrɔ jumɛn ye ne la fɔɔ ka ban ne la, ka tugu fɛɛn fufafuw kɔ, fɔɔ olu yɛrɛ nana kɛ fɛɛn fufafuw ye?

Sarakalasebagaw 18:30

«Aw ka ne ka fɔta bato, janko koo dagabali minw tun be kɛ aw ɲa, aw kana o ɲɔgɔn si kɛ k'aw yɛrɛ nɔgɔ. Ne le ye Masaba aw ka Ala ye.»

Matiyu 6:7

N'aw be Ala daali tuma min na, aw kana segi kuma kelen kan siɲɛ caaman i n'a fɔ Alalɔnbaliw, bari olu be miiri ko u ka kuma caaman le ben'a to Ala b'u jaabi.

Kɛwalew 19:26

Nga Pɔli tɔgɔla nin be min fɔra, ani a be min kɛra, aw b'o mɛnna, aw b'o yera fana. A ko adamadenw be fɛɛn minw lalaga n'u bolo ye, k'olu te batofɛn ɲanamanw ye. A jijara fɔɔ ka mɔgɔ caaman kuun yɛlɛma n'o ye. Efɛzi kɔnɔ yan dɔrɔn tɛ! Nga a be ɲini ka Azi mara bɛɛ sɔrɔ!

Rɔmukaw 1:21

Bari u ye Ala lɔn, nga u ma sɔn k'a bato i n'a fɔ Ala, ani u ma sɔn ka barika la a ye a cogo la. U filila u ka miiriyaw la ka kɛ nalomanw ye ka tunu dibi la.

Piy fɔlɔ 1:18

Aw b'a lɔn ko aw kuun ma bɔ aw faaw ka koo fufafuw la ni wari ye, walima ni sanu ye min ye banta ye.