Yeremi 10:12 - ALA KA KUMA

¹² Ale lo ye dugukolo dan n'a ka sebagaya ye, a ye diɲɛ dan n'a ka lɔnniya ye, a ye sankolo kɛ a ka hakilitigiya la.

Jula NT of Côte d’Ivoire

¹² Matigi Ala ka dugukolo dan a ta sebagaya baraka ra, ka dunuɲa ju sigi a ta hakiritigiya baraka ra, ka sankolo dan a ta faamuri baraka ra.

Yeremi 10:12 Iomraidhean Croise

Damina 1:1

Ala y'a ka danni daminɛ tuma min na, a kɔnna ka sankolo ni dugukolo le dan.

Damina 2:5

kongo kɔnɔ yiri si tun te dugukolo kan fɔlɔ, biin si tun ma falen fɔlɔ, bari Masa Ala tun ma sanji jigi dugukolo kan fɔlɔ. Mɔgɔ fana tun te yen ka dugukolo sɛnɛ.

Lok fɔlɔ 16:26

Siya wɛrɛw ka batofɛn si te foyi ye, Masaba le ye sankolo dan.

Ayuba 26:7

Ala le ye sankolo bila ten, ale lo ye dugukolo bila ten, a bilanin te foyi kan.

Ayuba 37:18

E tun be se ka Ala dɛmɛ ka sankolo dan, walima sankaba min be funteni bali wa?

Ayuba 9:8

Ale kelen le ye sankolo yɛrɛkɛ ten, a fana be taama kɔgɔji kan.

Zaburu 104:2

Yeelen be i yɔrɔ bɛɛ la i ko fani, i kaan na. I ye sankolo yɛrɛkɛ i ko faniso.

Zaburu 104:24

Masaba, e ka kɛtaw ka ca kosɔbɛ. E y'u bɛɛ kɛ ni hakilitigiya ye. Dugukolo fanin be i ka danfɛnw na.

Zaburu 119:90

E ye kantigi ye waati bɛɛ. E ye dugukolo sigi ka ɲa, a tora yen.

Zaburu 24:2

Bari ale lo y'a dan k'a sigi kɔgɔji sanfɛ, ale lo y'a to a lɔra ka ɲa.

Zaburu 33:6

Masaba ye sankolo dan a ka kuma le barika la. A y'a kɔnɔnafɛnw bɛɛ dan a dafɔɲɔ barika la.

Zaburu 65:7

I be kuluw sigi i ka fanga barika la. I ye fangatigi ye.

Zaburu 78:69

A y'a ka sigiyɔrɔ lɔ yen k'a wili. A y'a kɛ i ko dugukolo, a ye min kɛ a ka to yen kudayi.

Zaburu 93:1

Masaba ye kuntigi ye. Dawula b'a kan kosɔbɛ, fanga b'a fɛ. Diɲɛ sigira ka ɲa, a tena cɛn.

Zanaw 3:19

Masaba ye dugukolo dan ni lɔnniya ye, a ye sankolo kɛ ni hakilitigiya ye.

Zanaw 30:4

Jɔn yɛlɛla sankolo la, ka kɔsegi ka na? Jɔn delila ka fɔɲɔ minɛ n'a bolo ye? Jɔn le sera ka jiiw mara ka ye a ka fani la? Jɔn le ye diɲɛ daan bɔ? O tigi tɔgɔ be di? A deen tɔgɔ be di fana? O fɔ n ye n'i b'a lɔn!

Ezayi 37:16

«Masaba, Setigi, Isirayɛli ka Ala, e min siginin be *serubɛnw sanfɛ, ele kelenpe le ye Ala ye jamanaw bɛɛ kunna. Ele lo ye sankolo ni dugukolo dan.

Ezayi 40:22

A siginin be masaya la dugukolo sanfɛ, adamadenw be i ko tɔɔnw a kɔrɔ. A ye sankolo fɛnsɛn i ko u be fani melekenin foni cogo min na. A y'a labɛn i ko faniso, k'a kɛ a sigiyɔrɔ ye.

Ezayi 42:5

Masa Ala min ye sankolo dan, k'a fɛnsɛn, ka dugukolo fɛnsɛn, ni fɛɛn bɛɛ be sɔrɔ a kan, ka ninakili di o fɛɛnw ma, ka nii don a yaalabagaw la, a ko:

Ezayi 44:24

Masaba min y'i kunmabɔ, ale min y'i labɛn i baa kɔnɔ, ale ko: «Ne Masaba le ye koo bɛɛ dan. Ne kelen dɔrɔn le ye sankolo fɛnsɛn ten. Ne ye dugukolo la ne yɛrɛ ma.

Ezayi 45:12

Ne le ye dugukolo dan, mɔgɔ minw b'a kan, ne fana le y'olu dan. Ne yɛrɛ bolo le ye sankolo fɛnsɛn, ne le b'a kɔnɔnafɛnw bɛɛ mara.

Ezayi 45:18

Masaba ye sankolo dan, ale Ala lo ye dugukolo ka barika don a la. A m'a dan k'a lakolon to, a y'a dan janko mɔgɔ ka to a kan. Ale lo ko: «Ne le ye Masaba ye, dɔ wɛrɛ te yen ne kɔ.

Ezayi 48:13

Ne bolo le ye dugukolo dan, n kinibolo ye sankolo fɛnsɛn. Ni n y'u wele dɔrɔn, u bɛɛ be na.

Ezayi 49:8

Masaba y'a fɔ a ka jama ye ko: «Waati bɛnnin na, ne y'i lamɛn. Kisili loon na, ne y'i dɛmɛ. Ne bena aw mara, ka tɛmɛ aw fɛ ka bɛn ni adamadenw ye. Ne bena jamana dilan, k'a tilantilan ka di mɔgɔw ma tugu, yɔrɔ minw cɛnnin lo bii.

Yeremi 10:13

N'a kumana, jii be lajɛn sankolo la. A b'a kɛ sankabaw be yɛlɛ sanfɛ ka bɔ diɲɛ daan na, ka saan manamana, ka fɔɲɔ bɔ a marayɔrɔw la.

Yeremi 10:16

Yakuba ka Ala te ten, bari ale lo ye fɛɛn bɛɛ dan. Isirayɛli ka siya kɛr'a ta ye. A tɔgɔ le ko Masaba, Setigi.

Yeremi 14:22

Siyaw ka joow cɛma, dɔ be yen min be se k'a to sanji be ben wa? Yala sankolo barika le be na ni sanji ye wa? Masaba an ka Ala, e le te sanji dibaga ye wa? An jigi be e le kan, bari e le be o koow bɛɛ kɛ.

Yeremi 27:5

Ne le ye dugukolo, ni mɔgɔw, ani begɛnw dan ni n ka fanga ni n ka setigiya ye. Ni ne b'a fɛ ka dugukolo di mɔgɔ min ma, n b'a di o tigi ma.

Yeremi 32:17

«Ee! Matigi, Masaba, e le ye sankolo ni dugukolo dan e ka fanga, n'i ka setigiya fɛ. Foyi man gwɛlɛ i ma.

Jakariya 12:1

Masaba ye min fɔ Isirayɛli kosɔn, o filɛ nin ye. Masaba ka kuma lo. Ale min ye sankolo ni dugukolo dan, ani ka nii don adamadenw na, a ko:

Yuhana 1:3

Fɛɛn bɛɛ danna ale barika la. Fɛɛn si te yen min ma dan a barika la.

Kɔlɔsikaw 1:16

Bari fɛɛn bɛɛ danna ale lo barika la. Sankololafɛnw ni dugukolo kan fɛɛnw, danfɛn minw be se ka ye, ani minw te se ka ye, a masaya fara a kuntigiw kan, a fangatigi fara a setigiw kan, o bɛɛ lajɛnnin danna ale lo barika la, ani u danna ale lo kosɔn.