Yeremi 10:10 - ALA KA KUMA

¹⁰ Nga Masaba ye Ala yɛrɛ yɛrɛ ye, ale lo ye Ala ye, ale ka masaya te ban. N'a dimina, dugukolo be yɛrɛyɛrɛ. Siyaw te se ka lɔ a diminin ɲa.

Jula NT of Côte d’Ivoire

¹⁰ Matigi Ala le ye Ala yɛrɛ ye; ale le ye Ala ɲanaman ye, ani Masa wuribari. Ni a jusu bɔra, dugukolo bɛ yɛrɛyɛrɛ, siya si tɛ se ka lɔ k’a ta dimiba makɔnɔ.

Yeremi 10:10 Iomraidhean Croise

Damina 21:33

Ibrayima ye yiri dɔ tutu Bɛriseba k'o kɛ hakilijigifɛn ye koo nin na. O yiri tɔgɔ ko tamarisi. A ye Masa Ala bato yen, ale min be yen tuma bɛɛ.

Mas fɔlɔ 18:39

Jama bɛɛ y'o ye tuma min na, u y'u ɲaa biri duguma k'a fɔ ko: «Masaba le ye Ala ye! Masaba le ye Ala ye!»

Mas fɔlɔ 8:60

dugukolo kan siyaw bɛɛ ka se k'a lɔn ko Masaba le ye Ala ye, ko dɔ wɛrɛ te yen tugu.

Lok fɔlɔ 29:11

Boɲa y'i ta ye, Masaba, see b'i ye, kunkɔrɔta ni nɔɔrɔ b'i kan. Bari sankolofɛnw ni dugukolo taw bɛɛ ye i ta ye. Masaba, kuntigiya y'e ta ye, i be fɛɛn bɛɛ sanfɛ.

Lok 2nan 15:3

Waatijan kɔnɔ, Ala yɛrɛ yɛrɛ tun te Isirayɛlidenw fɛ, sarakalasebaga tun t'u fɛ min bena u kalan, sariya tun t'u fɛ.

Ayuba 9:6

A be dugukolo yɛrɛyɛrɛ, a juu sigilan be yuguyugu.

Zaburu 10:16

Masaba le ye masa ye kudayi. A ɲasiranbaliw bena tunu ka bɔ a ka jamana kɔnɔ.

Zaburu 100:3

Aw k'a lɔn ko Masaba le ye Ala ye. Ale lo ye an dan, an y'a ta ye. An be i ko sagakulu, a be min mara.

Zaburu 100:5

Masaba ka ɲi, a ka ɲumanya te ban abada. Kantigi lo waati bɛɛ.

Zaburu 104:32

Masaba mana dugukolo filɛ dama, a be yɛrɛyɛrɛ. A mana maga kuluw la dama, sisi be bɔ.

Zaburu 114:7

Dugukolo, ele ka yɛrɛyɛrɛ Matigi ɲakɔrɔ, Yakuba ka Ala ɲakɔrɔ.

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Zaburu 146:6

Masaba le ye sankolo ni dugukolo dan. A ye kɔgɔji n'a kɔnɔfɛnw bɛɛ dan. Ale lo ye tiɲɛtigi ye kudayi.

Zaburu 18:7

Ka ne to n ka dusukasi la, ne ye Masaba n ka Ala daali, ne kasir'a kɔ. K'a to a ka soo kɔnɔ, a ye ne kaan mɛn, ne kulekan donn'a tulo la.

Zaburu 29:10

Masaba be jiba sanfɛ, masacɛ lo kudayi.

Zaburu 31:5

Ne bɔ jaan na u ye min la ne kama, bari ele le ye ne tangabaga ye.

Zaburu 42:2

Minan be hami jii nɔfɛ cogo min, ne mako be e la ten, Ala.

Zaburu 68:11

E ka jama sigira yɔrɔ min na, e Ala, ɲumanyatigi le y'u sigi yen, e tun ye yɔrɔ min labɛn sigɛnbagatɔw ye.

Zaburu 68:8

Tiɲɛ na Ala, e bɔtuma i ka jama ɲafɛ kɔni, e taawaati la kongokolon kɔnɔ kɔni,

Zaburu 74:12

Ala, ele le ye ne ka Masa ye kabini fɔlɔfɔlɔ. Ele le be kisili kɛ jamana nin kɔnɔ.

Zaburu 76:7

Yakuba ka Ala, i ye bagabagali kɛ, soow n'u bolibagaw kirinna ka lɔ.

Zaburu 76:8

Ele le ye siranyafɛn ye. Ni ele dimina, jɔn be se ka lɔ i ɲa?

Zaburu 77:18

Sankabaw wilila, sanji benna kosɔbɛ. Saan fana tora ka pɛrɛn, ani ka manamana faan bɛɛ la.

Zaburu 84:2

Masaba, Setigi, e ka soo koo ka di ne ye dɛ!

Zaburu 9:8

Masaba ye faama ye kudayi, a y'a ka masasigilan labɛn kiti kama.

Zaburu 90:11

Jɔn be se k'i ka dimi fariya danyɔrɔ lɔn? Jɔn le b'i ka fariya siranya hakɛ lɔn?

Zaburu 90:2

Sanni kuluw ka dan, sann'i ka diɲɛ dan, i ye Ala ye kudayi.

Zaburu 93:2

Ala, i ka masaya be yen kabini fɔlɔfɔlɔ, i be yen kudayi.

Zaburu 97:4

A ba kɛ saan be manamana ka diɲɛ kɛ yeelen ye, dugukolo be yɛrɛyɛrɛ.

Ezayi 37:17

Masaba, i tulo malɔ ka mɛnni kɛ. I ɲaa yɛlɛ ka filɛli kɛ. Senakeribu ye mɔgɔ ci ka na e Ala nɛni. I k'o bɛɛ mɛn.

Ezayi 37:4

Asiri masacɛ y'a ka kɛlɛmasa ci ka na Ala nɛni. N'a sɔrɔ Masaba i ka Ala bena o kuma nunu bɛɛ mɛn k'a ɲaa gwan o kosɔn. O la, Ala daali an ka siya tɔɔ ye.»

Ezayi 40:15

A filɛ, siyaw te foyi ye, u be i ko jii tɔniko kelen. U gwiliya be i ko gwangwan ta, sumanikɛlan kan. Dugukolo minw be jii cɛma, olu ka fiɲɛ i ko gwangwan.

Ezayi 40:28

Aw m'a lɔn wa? Aw m'a mɛn wa? Ko Masaba ye waati bɛɛ Ala ye, diɲɛ mumɛ Danbaga lo. A te dɛsɛ, a te sɛgɛn, Mɔgɔ te se k'a hakili sɛgɛsɛgɛ.

Ezayi 57:15

Bari, min siginin be fɔɔ sanfɛ, fɛɛn bɛɛ sanfɛ, ale min be yen tuma bɛɛ, ale min tɔgɔ ko Senuman, ale lo ko: Ne sigiyɔrɔ be fɔɔ sanfɛ, yɔrɔ senuman na. O bɛɛ n'a ta, ne be ni nimisabaga ye, min majiginin be, waasa ka barika don a la k'a jaa gwɛlɛya.

Ezayi 65:16

Ni mɔgɔ o mɔgɔ ko a be duba kɛ jamana kɔnɔ, a bena o kɛ ni Tiɲɛtigi Ala tɔgɔ ye. Ni min ko a bena kali, a bena kali ni Tiɲɛtigi Ala tɔgɔ ye.» Tiɲɛ na, fɔlɔfɔlɔ tɔɔrɔw koo tena to hakili la, u bena tunu ka bɔ n ɲakɔrɔ.

Yeremi 23:36

Nga, aw man kan k'a fɔ tugu ko Masaba ka doni. Aw kelen kelen bɛɛ ka kuma le ye aw ka doni ye, bari aw be Ala ka kuma kɔrɔ yɛlɛma, Masaba, Setigi, an ka Ala.

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Yeremi 4:24

Ne ye kuluw filɛ, u be yɛrɛyɛrɛla, tintinw bɛɛ be yuguyugura.

Yeremi 50:46

Babilɔni minɛko mɛnnin, dugukolo yɛrɛyɛrɛla. U kasikan bena mɛn siyaw cɛma.

Yeremi 51:29

Dugukolo be yɛrɛyɛrɛla, a be yuguyugura. Bari, Masaba ye min latigɛ Babilɔni kama, o le be kɛra. A bena Babilɔni jamana lakolonya, mɔgɔ tena kɛ yen tugu.

Daniyɛli 4:3

Ne ye cii bila ka Babilɔni lɔnnikɛlaw bɛɛ wele waasa ka siko nin kɔrɔ fɔ n ye.

Daniyɛli 4:34

Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Daniyɛli 6:27

Ne ka mara faan bɛɛ la, ne b'a fɔ ko bɛɛ ka boɲa la Daniyɛli ka Ala kan, ani ka siran a ɲa. Bari Ala lo, a be yen kudayi! A ka masaya te nagasi abada. A ka fanga ye waati bɛɛ koo ye.

Daniyɛli 7:14

Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Yowɛli 2:11

Masaba kumakan be bɔ a ka kɛlɛdenw ɲafɛ, u ka ca kosɔbɛ. Barika b'a ka kuma batobagaw la. Masaba ka loon ye lonba ye, siranyalon lo. Jɔn be se ka lɔ o loon na?

Mise 1:4

Kuluw be yelenn'a seen kɔrɔ i ko tasuma be liɲaga yelen cogo min na. U be yɛrɛkɛ i ko jii.

Nahɔmu 1:5

Kuluw be yɛrɛyɛrɛ Masaba ɲa, tintinw be lamaga. Dugukolo fana be yɛrɛyɛrɛ a ɲa, diɲɛ n'a kɔnɔnafɛnw bɛɛ be yɛrɛyɛrɛ.

Nahɔmu 1:6

Jɔn be se ka lɔ ka Masaba ka dimi kɔnɔ? N'a dusu gwanna, jɔn be se ka lɔ? N'a dimina, o be se yɔrɔ bɛɛ i ko tasuma, faraw be mugumugu a ɲa.

Habakuki 3:10

Kuluw yɛrɛyɛrɛla i ɲafɛ, sanjiba benna! Badingɛ fara jii la ka mankan bɔ fɔɔ a be wiliwili sanfɛ!

Habakuki 3:6

A be lɔ dugukolo be yɛrɛyɛrɛ, a be siyaw filɛ, u jaa be tigɛ. Fɔlɔfɔlɔ kuluw be wurubata! Tintinkɔrɔw be ci! O minw ye a ka tɛmɛsirakɔrɔw ye.

Malaki 3:2

Jɔn bena se ka lɔ a nalon na? Jɔn bena se ka lɔ seen kan a bɔlon na? Bari, a bena kɛ i n'a fɔ numucɛ ka faan tasuma, i n'a fɔ fanikobaga ka safina.

Matiyu 16:16

Simɔn Piyɛri y'a jaabi ko: «I ye Ala ka Mɔgɔ wolomanin nin ye, Ala Dencɛ.»

Matiyu 26:63

Nga Yezu jera, a ma foyi fɔ. Sarakalasebagaw kuntigiba y'a fɔ a ye ko: «Ni ele lo ye Ala ka Mɔgɔ wolomanin, ni Ala Dencɛ ye, a fɔ an ye Ala kosɔn.»

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Kɛwalew 14:15

«Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Sariya 32:4

Ale lo ye tangakabakuru ye, a ka koo dafanin lo, a ka koow bɛɛ tilennin lo. Ala ye kantigi ye, tilenbaliya t'a ka koo la. Ale lo ye tiɲɛtigi ye, a tilennin lo.

Sariya 5:26

Mɔgɔ jumɛn be yen n'a ye Ala kaan mɛn ka bɔ tasuma cɛma i n'a fɔ anw, n'o tigi ɲanaman tora?

Tes fɔlɔ 1:9

Bari an tun sera aw fɛ tuma min na, aw y'an ladon cogo min na, ani ka josɔn dabila cogo min na ka Nitigi Ala kelen bato, mɔgɔ bɛɛ b'o fɔra.

Tim fɔlɔ 1:17

Boɲa ni tanuli ka kɛ tuma bɛɛ waati bɛɛ Masa Ala yebali ye, ale min te sa, ale min kelen ye Ala ye. Amiina.

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.

Heburuw 10:31

Ka don Nitigi Ala bolo, o ye jatigɛko ye.

Yosuwe 3:10

Aw ben'a lɔn nin le fɛ ko Ala be ni aw ye, ko a bena kanaanw gwɛn aw ɲa, ani itiw ni iviw, ani periziw ni girigasiw, ni amoriw ani zebuziw.

Zan fɔlɔ 5:20

Anw y'a lɔn fana ko Ala Dencɛ nana diɲɛ na ka hakili d'an ma waasa an ka Tiɲɛtigi lɔn, ale min ye Ala ye. Anw ni Ala yɛrɛ be ɲɔgɔn fɛ a Dencɛ Yezu Krista barika la, ale lo ye Ala ye tigitigi min be nii banbali di.

Yirari 20:11

O kɔ, ne ye masasigilan belebeleba gwɛman dɔ ye ka mɔgɔ dɔ siginin ye a kan. Sankolo ni dugukolo bɛɛ ye kɛnɛ minɛ ka tunu.

Kititigɛbagaw 5:4

Masaba, e bɔra *Seyiri mara la tuma min na, e bɔra Edɔmu mara la tuma min na, dugukolo yɛrɛyɛrɛla, sankolo kɔnɔ ɲagamina, sanjiba benna.

Sam fɔlɔ 17:26

Dawuda y'a fɔ a gɛrɛfɛmɔgɔw ye ko: «Ni mɔgɔ min sera ka filisicɛ nin faga ka maloya bɔ Isirayɛlidenw kan, u bena mun le kɛ o tigi ye? Filisicɛ nin ye jɔn ye, kɛnɛkɛnɛbali nin, n'a be Ala ka jama darabɔ ten?»

Sam fɔlɔ 17:36

I ka baaraden tun sera ka jara ni wara faga. O cogo kelen na, a bena se filisicɛ kɛnɛkɛnɛbali nin kɔrɔ fana i n'a fɔ wara nunu dɔ, bari a be Ala ka kɛlɛdenw darabɔra.