Yeremi 1:8 - ALA KA KUMA

⁸ I kana siran mɔgɔ si ɲa, bari ne be n'i ye k'i kisi. Ne Masaba le ko ten.»

Jula NT of Côte d’Ivoire

⁸ I kana siran o ɲa, sabu ne bɛna kɛ ni i ye, ne bɛna i tanga. Matigi Ala ko ten.»

Yeremi 1:8 Iomraidhean Croise

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Ezayi 43:2

Hali n'aw be tɛmɛna jii kɔnɔ, ne bena kɛ n'aw ye. Hali n'aw be baji tigɛ, a tena aw kunu. Hali n'aw be tagamana tasuma cɛma, a tena aw jɛni. K'aw to tasuma cɛma, a tena foyi kɛ aw la.

Ezayi 51:12

Masaba ko: «Ne le y'aw dusu saalobaga ye. Mun na aw be siran adamaden ɲa? Fɛɛn min bena sa. A ka koo ni biin ta bena kɛ kelen ye.

Ezayi 51:7

Aw minw be tilenninya lɔn, n ka sariya be aw minw kɔnɔ, aw k'aw tulo malɔ ne fɛ. Aw kana siran adamadenw ka dɔgɔya ɲa, aw kan'a to u ka nɛnili k'aw jaa tigɛ.

Yeremi 1:17

Ele kɔni, i k'i cɛ siri. Ne bena min fɔ i ye, i ka wili k'o bɛɛ fɔ u ye. I kana siran u ɲa dɛ! N'o tɛ, ne ben'a kɛ i be siran u ɲa.

Yeremi 1:19

U bena i kɛlɛ. Nga u tena se i kɔrɔ. Bari ne be n'i ye waasa k'i kisi. Ne Masaba le ko ten.»

Yeremi 20:11

Nga Masaba be ni ne ye i ko kɛlɛmasaŋana! Ne tɔɔrɔbagaw bena talon, u te na see sɔrɔ. U bena dɛsɛ, o maloya bena to u kunna fɔɔ tuma bɛɛ, mɔgɔw tena ɲinɛ a kɔ ka ye.

Yeremi 30:11

Bari ne be n'aw ye waasa k'aw kisi. Ne Masaba le ko ten. Ne tun y'aw jɛnsɛn ka taga siya minw bɛɛ cɛma, ne bena olu bɛɛ halaki pewu, nga n tena aw halaki pewu. N bena aw ɲaa gwan ni tilenninya ye. N te se k'aw to gwansan.»

Yeremi 39:11

Babilɔni masacɛ Nabukodonozɔri tun ye Zeremi koo don a kɔlɔsibagaw kuntigi Nebuzaradan bolo. A tun y'a fɔ a ye ko:

Yeremi 42:11

Aw be siran Babilɔni masacɛ min ɲa, aw kana siran ale ɲa tugu. Ne Masaba le ko ten. Aw kana siran a ɲa tugu, bari, ne be ni aw ye janko k'aw kisi, k'aw bɔ a bolo.

Daniyɛli 3:17

Ni u y'an fili tasuma kɔnɔ, anw be Ala min bato, ale be se k'an kisi tasuma nin ma, ani k'an bɔsi ele masacɛ bolo.

Daniyɛli 3:25

Masacɛ ko: «Ne ɲaa be mɔgɔ naani na, u si sirinin tɛ, u be taamana tasuma kɔnɔ. Tasuma te foyi kɛra u la. Mɔgɔ naaninan bɔnin be batofɛn dɔ fɛ.»

Matiyu 10:26

«Aw kana siran u ɲa. Fɛndogonin si te yen min tena ye. Gundo si te yen min tena bɔ kɛnɛ kan.

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Kɛwalew 18:10

Bari ne be n'i ye. Mɔgɔ si tena se ka kojugu kɛ i la, bari mɔgɔ caaman be ne fɛ dugu nin kɔnɔ.»

Kɛwalew 26:17

Ne bena i kisi zuwifuw, ni siya wɛrɛw ma. Bari ne b'a fɛ k'i ci olu le fɛ,

Kɛwalew 4:13

Kititigɛla nunu y'a ye ko Piyɛri ni Zan hakili siginin lo u ka kuma na. U kabakoyara bari u y'u jati mɔgɔ fufafu ye minw ma kalan bɛrɛ kɛ. O kɔ, u nan'a lɔn ko Yezu kɔmɔgɔ dɔw lo.

Kɛwalew 4:29

Sisan kɔni Matigi, i janto u ka bagabagaliw la, a to i ka baarakɛlaw k'i ka kuma fɔ mɔgɔw ye ni jagwɛlɛya ye.

Ɛfɛsikaw 6:20

min kosɔn ne kɛra Krista ka lasigiden ye ni n be kaso la. Aw ka Ala daali ne ye, waasa ne ka se k'a ka koo fɔ ni jagwɛlɛya ye i n'a fɔ ne ka kan k'a fɔ cogo min na.

Sariya 31:6

Aw ka barika don aw yɛrɛ la, k'aw jaa gwɛlɛya, aw kana siran ka yɛrɛyɛrɛ u ɲɛ bari, Masaba aw ka Ala bena taama n'aw ye, a tena aw to yen, a tena faran ka bɔ aw la.»

Sariya 31:8

Masaba le bena bila i ɲafɛ, a bena to n'i ye tuma bɛɛ, a tena i to yen, a tena faran ka bɔ i la. I kana siran, i jaa kana tigɛ.»

Yosuwe 1:5

Ka i to sii la, mɔgɔ si tena se ka lɔ i ɲafɛ. Ne bena to i fɛ i n'a fɔ ne tora Musa fɛ cogo min na, ne tena i bila abada, ne fana tena i to i kelen na fewu.

Yosuwe 1:9

Ne le m'a fɔ i ye ko i ka barika don i yɛrɛ la k'i jaa gwɛlɛya wa? Ko i kana siran, i jaa kana tigɛ, bari ne Masaba i ka Ala le bena to i fɛ i taayɔrɔw bɛɛ la.»