Yeremi 1:16 - ALA KA KUMA

¹⁶ «Ne bena u ɲaa gwan u ka kɛwalijuguw bɛɛ kosɔn, bari u banna ne la, ka to ka joow sɔn. Olu yɛrɛ bolo ye fɛɛn min dilan, u b'o le bato.

Jula NT of Côte d’Ivoire

¹⁶ Ne bɛna ne ta kiti ben Zuda kan o ta kojuguw bɛɛ kosɔn, sabu o banna ne ra: O tagara saraka bɔ ala wɛrɛw ye; o yɛrɛ boro ka ala minw lalaga, o bɛ o le bato.

Yeremi 1:16 Iomraidhean Croise

Mas 2nan 22:17

U banna ne la minkɛ ka taga wusulan jɛni batofɛn wɛrɛw ye, ka ne dusu dimi n'u ka kɛwali sifa bɛɛ ye, o la, ne diminin bena to tuma bɛɛ yɔrɔ nin kama.› »

Lok 2nan 15:2

A bɔra ka taga Aza kunbɛn k'a fɔ a ye ko: «Aza, e ni Zuda kɔmɔgɔw, ani Bɛnzamɛn taw bɛɛ, aw ka mɛnni kɛ ne fɛ. N'aw tora Masaba fɛ, a be to n'aw ye. N'aw y'a ɲini, aw ben'a ye. Nga ni aw bann'a la, a bena ban aw la fana.

Lok 2nan 28:2

A ye Isirayɛli mara masacɛw ka kɛwaliw ɲɔgɔn kɛ. A fana ye joo nigɛlamanw dilan *Baali ye.

Lok 2nan 34:25

U banna ne la ka taga wusulan jɛni batofɛn wɛrɛw ye, ka ne dusu dimi n'u ka dilanfɛnw bɛɛ ye minkɛ, ne ka dimi bena se yan yɔrɔ nin na, dimi nin tena ban.›

Lok 2nan 7:19

Nga n'aw ye ne to yen, n'aw banna ne ka sariyaw, ni ne ka kuma na, ne ye minw sigi aw ye, n'aw tagara fɛɛn wɛrɛw bato k'aw kunbiri gwan u ɲakɔrɔ,

Ezayi 2:8

Jamana fanin be joow la, mɔgɔw b'u yɛrɛ ka baara nɔɔ bato. Olu yɛrɛ bolo ye fɛɛn min dilan.

Ezayi 37:19

U y'u ka batofɛnw fili tasuma kɔnɔ k'u jɛni. Olu kɔni tun te batofɛnsɔbɛw ye, fɔɔ adamaden ka fɛɛn dilannin dama. U dɔw tun ye yiri ye, dɔw kabakuruw.

Ezayi 44:15

Adamaden b'o lɔgɔ nunu le mana, a b'o le kɛ k'a yɛrɛ ja, a b'o le mana ka tobili kɛ. A b'o le fana dilan k'a kɛ batofɛn ye, ka to k'a bato. A b'o kɛ joo ye sa, ka to k'a teen biri o ɲafɛ.

Ezayi 65:3

Koo minw be ne dimi, u be to k'o le kɛ n ɲaa na. U be taga sɔnni kɛ tuuw kɔnɔ, u be wusulanw jɛni sarakabɔyɔrɔ kan min lɔra ni kabakuru ye.

Yeremi 10:15

Fɛɛn fufafuw lo, baara lo kuun te min na. N'u ka kitiwaati sera, u bena tunu.

Yeremi 10:3

Bari siya wɛrɛw ka landaw ye fɛɛn fufafuw le ye. O be yiri tigɛ tuu kɔnɔ, lɛsɛnikɛla b'o lɛsɛ ni sɛmɛ ye.

Yeremi 11:12

Zeruzalɛmukaw ni Zuda mara dugu tɔw mɔgɔw tun be joo minw sɔn, u bena dɛmɛ ɲini olu fɛ, nga olu tena se k'u kisi bɔnɛ waati la.

Yeremi 11:17

Masaba, Setigi min tun y'aw tutu, ale lo ko bɔnɛ nin ka se aw ma bari Isirayɛli ni Zuda mara mɔgɔw ye kojugu kɛ, u ye *Baali sɔn k'ale dusu dimi.

Yeremi 15:6

Ele lo banna ne la. E y'i kɔɔ sin ne ma. O la, ne wilila janko k'i halaki, n sigɛnna i fɛ, n te makari tugu. Ne Masaba le ko ten.

Yeremi 16:11

O tuma na, i bena u jaabi ko bari u faaw ye ne labila ka boli batofɛn wɛrɛw kɔ, k'u sɔn ka to ka biri u ɲafɛ. U ye ne labila, u ma ne ka sariya bato. Ne Masaba le ko ten.

Yeremi 17:13

Masaba, Isirayɛli jigi, mɔgɔ minw bɛɛ be ban i la, maloya be kɛ olu ta ye. Minw b'u kɔɔ sin i ma, olu be taga jahanama na. Bari u ye jii ɲanaman bɔyɔrɔ bila, min ye ele Masaba ye.

Yeremi 18:15

K'a sɔrɔ ne ka mɔgɔw ɲinɛna ne kɔ ka to ka taga joow sɔn, minw ye fɛɛn fuw ye. O le b'u tunu u ka sira kan. U be talontalonna sirakɔrɔw kan k'u bila ka sirakolonw ta,

Yeremi 19:4

Bari u banna ne la, u ye yɔrɔ nin kɛ cogo dɔ la fɔɔ mɔgɔ be fili a ma. U ye siya wɛrɛw ka joow sɔn yen, olu n'u faaw ani Zuda mara masacɛw ma minw lɔn. U ye yɔrɔ nin fa ni mɔgɔ jalakibaliw joli ye.

Yeremi 2:13

Bari ne ka mɔgɔw ye kojuguba fila le kɛ: U banna ne la, ne min ye ɲanamaya jii bɔyɔrɔ ye. U tagara jii marayɔrɔw sogi u yɛrɛ ma, woo be minw na, jii te se ka to minw kɔnɔ.

Yeremi 2:17

Aw yɛrɛ le m'o ɲini wa? Bari aw banna ne Masaba aw ka Ala la. K'a sɔrɔ ne le tun b'aw bilara sira.

Yeremi 2:19

Aw ka juguya sara k'aw ɲaa gwan, aw ka tilenbaliya sara k'aw tɔɔrɔ. Aw k'a ye k'a faamu ko n'aw banna ne Masaba aw ka Ala la, n'aw te siran ne ɲa tugu, k'o bena kɛ tɔɔrɔ ni dusukasi ye aw fɛ. Ne Matigi, Masaba, Setigi le ko ten.»

Yeremi 2:28

Aw ye joo minw dilan, olu be min? N'u be se, u ka wili k'aw kisi tɔɔrɔwaati la kɛ. Bari, Zuda mara mɔgɔw, aw ka joow ka ca i ko aw ka duguw.

Yeremi 4:12

Fɔɲɔba lo, n be bɔra n'a ye yanfɛ. Sisan, ne yɛrɛ le bena kiti tigɛ u kan.»

Yeremi 4:28

O kama, dugukolo bena kɛ sanga la, sankolo bena dibi. Bari, ne kumana, n tena bɔ n ka kuma kan. Ne y'o latigɛ ka ban, n te segi kɔ fana.»

Yeremi 44:17

An ye koo minw ŋaniya ta, an bena o bɛɛ le kɛ. An bena Sankolo kɔnɔ masamuso sɔn, ani ka jii bɔn a ye, i n'a fɔ an tun y'a kɛ cogo min na Zeruzalɛmu bɔlɔnw kɔnɔ ni Zuda mara dugu tɔw la. Anw, n'an faaw, n'an ka masaw, ani an ɲamɔgɔw. Dumuni tun te dɛsɛ an fɛ, an tun be lafiya la, an tun te gwɛlɛya lɔn.

Yeremi 5:29

Ne man kan k'u kɛlɛ o kosɔn wa? Ne Masaba le ko ten. Ne man kan ka n mɔnɛ bɔ o siya nin ɲɔgɔn na wa?

Yeremi 5:9

Ne man kan ka wili u kama o kosɔn wa? Ne Masaba le ko ten. Ne man kan ka n mɔnɛ bɔ o siya nin ɲɔgɔn na wa?

Yeremi 51:17

Mɔgɔ bɛɛ kɛra kolɔnbali ye, jolalagabagaw bɛɛ be maloyara u ka joow kosɔn. Bari u ka joow ye galonfɛnw ye, nii t'u la.

Yeremi 7:17

U be min kɛra Zeruzalɛmu bɔlɔnw na, ani Zuda mara dugu tɔw la, i ɲaa t'o la wa?

Yeremi 7:18

Deenw be lɔgɔ ɲini, faaw be tasuma mana, musow be mugu nɔɔni ka ŋɔmi yiran k'o di joo ma min be wele ko Sankolo kɔnɔ masamuso, ani ka jii bɔn ka batofɛn wɛrɛw sɔn janko ka ne dusu dimi.

Yeremi 7:9

« ‹Mun! Aw be soɲali kɛ, ka mɔgɔw faga, ka kakalaya kɛ, ka kɛ seere galontigɛlaw ye. Aw be *Baali sɔn, aw te batofɛn minw lɔn, aw be taga u minɛ siya wɛrɛw fɛ.

Ezekiyɛli 16:18

E y'i ka fani kaan sɔgɔninw ta k'u don joo nunu na, i y'u sɔn ni ne ka tulu ni ne ka wusulan ye.

Ezekiyɛli 24:14

Ne Masaba kumana, o bɛɛ bena kɛ. Ne bena o kɛ. Ne tena siga, ne tena makari, ne tena o dabila. Kiti bena tigɛ i kan ka kɛɲɛ n'i taamacogo n'i ka kɛwaliw ye. Ne Matigi, Masaba le ko ten.»

Oze ta kitabu 11:2

Ne mana u wele, u b'u yɔrɔ jaɲa n na. U ye *Baali sɔn yɔrɔ caaman na, ka wusulan jɛni jaaw ye.

Oze ta kitabu 8:6

Misiden jaa nin bɔra Isirayɛlidenw fɛ, mɔgɔ dɔ ka baara lo, Ala tɛ. Tiɲɛ na, Samari joo nin bɛɛ bena mugumugu.

Yowɛli 2:11

Masaba kumakan be bɔ a ka kɛlɛdenw ɲafɛ, u ka ca kosɔbɛ. Barika b'a ka kuma batobagaw la. Masaba ka loon ye lonba ye, siranyalon lo. Jɔn be se ka lɔ o loon na?

Kɛwalew 7:41

O tuma na, u ye fɛɛn dɔ lalaga k'a kɛ i n'a fɔ misiden. U y'o kɛ u ka joo ye k'a sɔn. Olu yɛrɛ bolo ye fɛɛn min dilan, u y'o bato ni nisɔndiyaba ye.

Sariya 28:20

«Aw bena koo o koo daminɛ, Masaba bena danga ni hakiliɲagami ni kɔrɔfɔli lase aw ma, fɔɔ aw ka halaki, ka tunu teliya la, bari aw bann'a la, o do ye kojugu ye.

Sariya 31:16

A y'a fɔ Musa ye fɔlɔ ko: «Yanni dɔɔni i bena taga i faaw fɛ. I sanin kɔ, jama nin bena don jamana min kɔnɔ, u ben'a daminɛ ka kakalaya kɛ k'o yɔrɔ siyaw ka joow sɔn. U bena ban ne la, ne ye bɛɛn min kɛ n'u ye, u bena o cɛn.

Yosuwe 24:20

Tuma min na n'aw ye Masaba to yen ka taga siya wɛrɛw ka joow sɔn, a bena yɛlɛma ka kojugu kɛ aw la, a ka koɲuman kɛnin kɔfɛ. A bena tila k'aw halaki.»

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.