Tite 3:7 - ALA KA KUMA

⁷ janko Ala ye an minw kɛ mɔgɔtilenninw ye a ka nɛɛma barika la, an ka nii banbali sɔrɔ an jigi be min kan.

Jula NT of Côte d’Ivoire

⁷ janko an ye jate mɔgɔ terenninw ye Ala ɲa kɔrɔ a ta nɛɛma baraka ra, ani an jigi bɛ ɲanamanya banbari min kan, an ye o sɔrɔ.

LAYIDUKURA

⁷ janko Ala ye an minw kɛ mɔgɔtilenninw ye a ka nɛɛma barika la, an ka hɛrɛ banbali sɔrɔ an jigi bɛ o min kan.

Tite 3:7 Iomraidhean Croise

Matiyu 25:34

O kɔ, a ben'a fɔ a kinibolo la taw ye ko: ‹Aw ye na ne Faa ka dubadenw, ka don a ka masaya la min tun labɛnna aw ye kabini diɲɛ dantuma.

Marika 10:17

Yezu taatɔ dugu wɛrɛ la, cɛɛ dɔ bolila ka taga kunbiri gwan a kɔrɔ k'a ɲininga ko: «Karamɔgɔɲuman, ne ka kan ka mun kɛ ka nii banbali sɔrɔ?»

Rɔmukaw 11:6

Nga ni wolomani nin be kɛ Ala ka nɛɛma barika la, kɛwali niin t'o la tugu, n'o tɛ, o te kɛ nɛɛmako ye tugu.

Rɔmukaw 3:24

Nga Ala ye nɛɛma kɛ u ye k'u jati mɔgɔtilenninw ye Yezu Krista sababu la, ale min y'u kunmabɔ.

Rɔmukaw 3:28

Bari an b'a miiri ko adamaden be jati mɔgɔtilennin ye a jigi le barika la. Sariya batoko seen t'o la.

Rɔmukaw 4:16

Ayiwa, Ala y'a daa di koo min na, o be sɔrɔ jigi le barika la, janko o ka kɛ nɛɛmako ye, Ibrayima kɔmɔgɔw bɛɛ ka se k'u niyɔrɔ sɔrɔ o la. Mɔgɔ minw be sariya bato, olu dama ka koo tɛ, nga mɔgɔ minw b'u jigi la Ala kan i n'a fɔ an bɛɛ faa Ibrayima, olu fana ta lo.

Rɔmukaw 4:4

Mɔgɔ min ye baara kɛ, ale ka sara te jati boɲafɛn ye, a ka kan n'a ye le.

Rɔmukaw 8:17

N'an kɛra Ala deenw ye, an bena niyɔrɔ fana sɔrɔ Ala fɛ, an ni Krista bena o sɔrɔ ɲɔgɔn fɛ, bari n'an y'a ka tɔɔrɔ ɲɔgɔn sɔrɔ, an fana ben'a ka boɲa ɲɔgɔn sɔrɔ.

Kor fɔlɔ 6:11

Aw dɔw tun be ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Galasikaw 2:16

An b'a lɔn ko mɔgɔ si te se ka jati mɔgɔtilennin ye sariya batoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya batoli barika la, bari mɔgɔ si te se ka jati mɔgɔtilennin ye sariya batoli barika la.

Galasikaw 3:29

N'aw kɛra Krista ta ye, aw ye Ibrayima kɔmɔgɔw ye, aw fana bena niyɔrɔ sɔrɔ Ala ka dadili la.

Galasikaw 4:7

A kɛra ten, e te jɔɔn ye tugu, nga Ala deen. E y'a deen ye, o la, Ala bena niyɔrɔ d'i ma i n'a fɔ a b'a di a ka deen tɔw ma cogo min na fana.

Tes 2nan 2:16

An Matigi Yezu Krista yɛrɛ, n'an Faa Ala, min y'an kanu n'a b'an jaa gwɛlɛya tuma bɛɛ, ani ka jigiɲuman d'an ma, a ka nɛɛma kosɔn,

Tite 1:2

O jigi nin be nii banbali kan, Ala tiɲɛtigi y'a daa di min na kabini diɲɛ ma dan fɔlɔ.

Tite 2:11

Bari Ala y'a ka ɲumanya yira kɛnɛ kan adamaden bɛɛ be se ka kisi min barika la.

Tite 2:13

K'an to nisɔndiya loon makɔnɔni na, min ye Setigi Ala an kisibaga Yezu Krista ka nɔɔrɔ loon ye.

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Heburuw 11:7

Nuhun lara Ala la minkɛ, o le y'a to koo min ma kɛ ka ye, Ala y'a lasɔmi o la tuma min na, a siranna Ala ɲa ka kurunba dilan k'a ka soo kisi, diɲɛ halakira. A ka lanaya sababu la, Ala y'a jati mɔgɔtilennin ye.

Heburuw 11:9

O lanaya nin barika la, a nana sigi lonanya la jamana nin kɔnɔ, Ala tun y'a daa di min koo la. A tora faniso kɔnɔ yen, ani Isiyaka ni Yakuba. Ala tun y'a daa di olu fana ma o koo kelen nin na.

Heburuw 6:17

O la, Ala kalila a ka dadili nin na, k'a yira ka gwɛ o sɔrɔbagaw la ko siga t'a la, o bena kɛ.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.

Piy fɔlɔ 3:7

Cɛɛw, aw fana k'aw ka musow minɛ ka ɲa ni hakilitigiya ye bari aw barika ka bon n'u ta ye. Aw k'u boɲa bari nɛɛma kelen le bena kɛ aw bɛɛ ye. Aw ka to k'a kɛ ten, waasa aw be dalili minw kɛ, koo si kana na o bali.