Tite 3:1 - ALA KA KUMA

¹ A fɔ bɛɛ ye ko u k'u yɛrɛ majigi kuntigiw ni faamaw ye, k'u boɲa, ani u labɛnnin ka to koɲuman sifa bɛɛ kɛli kama.

Jula NT of Côte d’Ivoire

¹ Lanabagaw hakiri jigi a ra, ko o ka kan ka o yɛrɛ majigi jamana ɲamɔgɔw, ani a fangatigiw ye; o ye o kan mina ka labɛn ka kɛwaleɲuman kɛ tuma bɛɛ.

LAYIDUKURA

¹ I k'a fɔ bɛɛ ye ko u k'u yɛrɛ majigi kuntigiw ni faamaw ye, k'u bonya, ani u labɛnnin ka to konyuman sifa bɛɛ kɛli kama.

Tite 3:1 Iomraidhean Croise

Zanaw 24:21

N deen, siran Masaba ni masacɛ ɲa. Kana fara mɔgɔmurutininw kan.

Waajurikɛbaga 10:4

N'i kuntigi dimina i kɔrɔ, i kana i ka baara kɛta dabila. Bari, yɛrɛminɛ be mɔgɔ tanga kojugu caaman ma.

Ezayi 43:26

N hakili be jigi aw ka koow la, an k'o sɛgɛsɛgɛ ɲɔgɔn fɛ. Aw be se ka tiɲɛ sɔrɔ ni kuma minw ye, aw k'o fɔ.

Yeremi 27:17

Aw kana mɛnni kɛ u fɛ. Aw ka baara kɛ Babilɔni masacɛ ye, o la, aw bena to nii na. Mun na aw b'a fɛ dugu nin ka kɛ tomo ye?

Matiyu 22:21

U y'a jaabi ko: «Masacɛ ta lo.» O kɔ, Yezu y'a fɔ u ye ko: «Fɛɛn min ye masacɛ ta ye, aw k'o di masacɛ ma, ka Ala ta di Ala ma.»

Kor fɔlɔ 15:58

O kosɔn, ne balima kanunlenw, aw ye jija kosɔbɛ, aw kana siran, aw ye taga ɲa Matigi ka baara la tuma bɛɛ, ka l'a la ko aw be baara min kɛra Matigi ye, k'o tena kɛ gwansan ye.

Ɛfɛsikaw 2:10

An ye Ala bulonɔ ye, a y'an dan Yezu Krista barika la kɛwaliɲumanw kama, Ala ye minw latigɛ kabini fɔlɔfɔlɔ janko an k'o kɛ.

Sariya 17:12

«Sarakalasebaga min b'a ka baara kɛ Masaba aw ka Ala ɲakɔrɔ, ni mɔgɔ dɔ y'a ɲaa don ale la, walima kititigɛla la, ka koo dɔ kɛ n'a ma mɛnni kɛ u fɛ, o tigi ka kan ka faga. O la, aw bena kojugu bɔ Isirayɛlidenw cɛma.

Filipikaw 1:11

ani janko aw ka kɛwaliɲuman kɛ sɛbɛ la, min see be sɔrɔ Krista barika la, waasa boɲa ni tanuli ka kɛ Ala ye.

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Tim fɔlɔ 2:2

ka daalili kɛ masaw ni fangatigiw ye, waasa an ka se ka to ɲasuma ni hɛrɛ la, ka se ka kɛ mɔgɔsɔbɛw ye Ala ni mɔgɔw ɲana.

Tim fɔlɔ 4:6

N'i be i balimaw kalan n'o koo ye, i bena kɛ Yezu Krista ka baarakɛlaɲuman ye. Min labɛnna jigiɲuman ni kalanɲuman barika la.

Tim fɔlɔ 5:10

Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.

Tim 2nan 1:6

Ne ye n bolo la i kan tuma min na, Ala ye see min d'i ma, ne b'i hakili jigi n'o ye, ko i k'o minɛ ka ɲa kosɔbɛ.

Tim 2nan 2:14

Mɔgɔw hakili jigi o koow la Ala ɲakɔrɔ k'a gwɛlɛya u ma k'u ka u yɛrɛ kɔlɔsi sɔsɔli gwansan ma. O te foyi ɲa fɔɔ k'u lamɛnbagaw nigɛ dɔrɔn.

Tim 2nan 2:21

Ni mɔgɔ min ye a yɛrɛ saniya, k'a yɛrɛ tanga koo nunu ma, ne ye minw fɔ, o tigi bena kɛ dagaɲuman ye min saniyanin be. A b'a Kuntigi mako ɲa, a labɛnnin be koɲuman sifa bɛɛ kɛli kama.

Tite 1:16

U b'u yɛrɛ kɛ Alalɔnbagaw ye, nga u ka kɛwaliw b'a yira k'u te sɔn Ala ma. U kɛra fɛnjuguw ye, u te mɛnni kɛ, u te se ka koɲuman si kɛ.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Tite 3:14

An ka mɔgɔw fana ka kan ka koɲuman kɛli dege, waasa u ka se ka koo gwanninmanw ɲanabɔ, o la, u tena to gwansan.

Tite 3:8

Nin kuma ye tiɲɛ ye. Ne b'a fɛ i ka to o kan k'a fɔ ka gwɛlɛya, waasa mɔgɔ minw lara Ala la, olu k'u yɛrɛ bila koɲuman kɛli la, o le ka ɲi ani nafa b'o la mɔgɔw fɛ.

Heburuw 13:21

a yɛrɛ ka barika don aw la, aw ka se ka koɲuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Boɲa ka la ale kan tuma bɛɛ. Amiina.

Piy 2nan 1:12

N bena to k'aw hakili jigi o koo nunu la tuma bɛɛ, hali n'aw b'o koo nunu lɔn ka ban, n'aw nɔrɔnin b'o tiɲɛkuma nin na fana kosɔbɛ.

Zude 1:5

Aw be koo nin bɛɛ lɔn kosɔbɛ, nga ne b'a fɛ k'aw hakili jigi a la, ko Matigi ye a ka jama Isirayɛli kisi k'u bɔ Ezipiti jamana na tuma min na, mɔgɔ minw tun ma l'a la, ale yɛrɛ ye olu faga.