Tite 1:8 - ALA KA KUMA

⁸ A tigi ka kan ka kɛ mɔgɔ ye min be lonanw ladon, koɲuman ka di a ye, miiriɲumantigi, mɔgɔsɔbɛ, mɔgɔsaniyanin, ani yɛrɛminɛla.

Jula NT of Côte d’Ivoire

⁸ A ka kan ka kɛ jatigiɲuman ye, ani koɲuman kanubaga, ani mɔgɔ hakiriman, ani mɔgɔ terennin, ani mɔgɔ saninman, ani yɛrɛminabaga.

LAYIDUKURA

⁸ O tigi ka kan ka kɛ mɔgɔ ye min bɛ lonan ladon, konyuman ka di a ye, miirinyumantigi, mɔgɔsɛbɛ, mɔgɔ saniyanin, ani yɛrɛminɛla.

Tite 1:8 Iomraidhean Croise

Mas fɔlɔ 5:1

Solomani tun sera masacɛw bɛɛ kɔrɔ k'a ta Efarati baji ma fɔɔ ka taga se filisiw ka mara la, ka bɔ o yɔrɔ la, ka taga se fɔɔ Ezipiti jamana daan na. Olu tun be to ka fɛɛnw bɔ ka na o di Solomani ma. U ye baara kɛ Solomani ye a sii bɛɛ la.

Mas fɔlɔ 5:7

Masacɛ Solomani ka lasigiden nunu tun be to ka janto a la, ni minw bɛɛ tun be dumuni kɛ a fɛ. Bɛɛ n'a ka kalo, fɔɔ u tun te fɔn foyi la.

Zaburu 16:3

E ka mɔgɔ minw be jamana kɔnɔ, ne ɲaa be fa olu ka boɲa le la.

Amɔsi 5:15

Aw kana kojugu koo diya aw yɛrɛ ye, nga, aw ka koɲuman le kanu. Tilenninya ka sɔrɔ aw ka kitikow la. N'a sɔrɔ Masaba, Setigi Ala bena makari Yusufu kɔmɔgɔw tɔɔ la.

Luka 2:25

O y'a sɔrɔ cɛɛ dɔ tun be Zeruzalɛmu min tɔgɔ ko Simeyɔn. O cɛɛ nin tun ye mɔgɔɲuman ye, a tun be Ala ka sariyaw bɛɛ bato. A tun be Isirayɛli ka kunmabɔbaga nali kɔnɔna. Nii Senuman tun b'a fɛ.

Kɛwalew 24:25

Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Tes fɔlɔ 2:10

Aw yɛrɛ b'a lɔn ni Ala fana, ko aw minw lara Yezu la, an taamacogo tun ka ɲi aw cɛma, a tilennin tun lo, jalakiyɔrɔ tun te an na.

Tim fɔlɔ 3:2

Ɲamɔgɔ ka kan ka kɛ mɔgɔɲuman ye, jalakiyɔrɔ man kan ka sɔrɔ a la, musokelentigi, hakilitigi, mɔgɔ min b'a ka koo bɛɛ kɛ ka kɛɲɛ. A ka kɛ mɔgɔ ye min be lonanw ladon, ani ka se ka mɔgɔw kalan.

Tim fɔlɔ 4:12

Kan'a to mɔgɔ si k'i dɔgɔya i ka denmisɛnya kama, nga siraɲuman yira u la, i ka kumacogo, n'i ka taamacogo fɛ, i ka mɔgɔ kanucogo, n'i ka lanaya, an'i ka senuya fɛ.

Tim fɔlɔ 6:11

Nga e kɔni, Ala ka mɔgɔ, i k'i yɛrɛ tanga o fɛɛnw bɛɛ ma, ka to ka tilenninyakow kɛ, ka siran Ala ɲa, k'i jigi la a kan, k'a kanu, ka muɲuli kɛ, ani ka to ka ɲumanya kɛ mɔgɔw ye.

Tim 2nan 2:22

I yɛrɛ kɔlɔsi nigɛjugu ma, min be sɔrɔ kanbelenya la, to ka tilenninyakow kɛ, k'i jigi la Matigi kan, k'a kanu, ani ka hɛrɛ ɲini ni mɔgɔw ye, minw y'u jigi la Matigi kan ni kɔnɔgwɛ ye.

Tim 2nan 3:3

U bena kɛ mɔgɔ kogwɛlɛnw ye, makari tena sɔrɔ u la, u bena kɛ mɔgɔ tɔgɔcɛnbagaw ye, ni mɔgɔ farimanw, ani mɔgɔjuguw. Koɲuman tena diya u ye.

Tite 2:7

fɛɛn bɛɛ la. I ka cogoɲuman yira u la, n'i b'u kalana i kɔnɔgwɛ ka o kɛ ni ɲamalɔ ye.

Zan fɔlɔ 3:14

An b'a lɔn ko an bɔra saya la ka don ɲanamanya la, bari an b'an mɔgɔɲɔgɔn kanu. Mɔgɔ min te a mɔgɔɲɔgɔn kanu, o tigi be i n'a fɔ suu.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Sam fɔlɔ 18:1

Yanni Dawuda be tila a ka kuma na ni Sayuli ye, a koo diyara Zonatan ye i n'a fɔ a yɛrɛ, Zonatan nɔrɔl'a la.