Tite 1:5 - ALA KA KUMA

⁵ Ne y'i to Kɛrɛti mara la min kama, o ye i ka Krista ka jama ka koo tɔw ɲanabɔ ka ɲamɔgɔw sigi jama kunna dugu kelen kelen bɛɛ la, k'o kɛɲɛ ni n ka ladili ye.

Jula NT of Côte d’Ivoire

⁵ Ayiwa, ne ka i to Kɛrɛti jamana ra, janko ko minw ɲanabɔbari tora, i ye olugu ɲanabɔ; i ye cɛkɔrɔba dɔw sigi lanabagaw ta jɛnkuruw* kunna dugu bɛɛ kelen kelen na, i n’a fɔ ne k’a fɔ i ye cogo min na.

LAYIDUKURA

⁵ Ne y'i to Kɛrɛti mara la min kama, o ye i ka Ala ka jama ka koo tɔw nyanabɔ ka nyamɔgɔw sigi jama kunna dugu kelen kelen bɛɛ la, k'o kɛnyɛ ni n ka ladili ye.

Tite 1:5 Iomraidhean Croise

Lok fɔlɔ 6:32

Sɛmɛri facɛ tun ye Mali ye. Mali facɛ tun ye Musi ye. Musi facɛ tun ye Merari ye. Merari facɛ tun ye Levi ye.

Waajurikɛbaga 12:9

Waajulikɛla tun te hakilitigi dama ye. A ye mɔgɔw kalan lɔnniya la fana. A ye talen caaman kɔrɔ ɲini, k'u sɛgɛsɛgɛ, k'u tugutugu ɲɔgɔn na.

Ezayi 44:7

Jɔn be i ko ne? A tigi ka kuma, k'a yira ka gwɛ ne ye. Koo minw ka kan ka kɛ, jɔn le kɔnna k'o fɔ kabini fɔlɔfɔlɔ? Koo minw bena kɛ, a tigi k'o fɔ an ye.

Sarakalasebagaw 14:42

O kɔ, u ka kabakuru wɛrɛw cɛ k'u don dɔ nunu nɔɔ na, ka bɔgɔ wɛrɛ kɛ ka soo nin kogo mɔ.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taga u di Krista ka jama ɲamɔgɔw ma Zude mara la.

Kɛwalew 14:23

U ye ɲamɔgɔw bɔ ka sɔrɔ ka suun don ka Ala daali, k'u kalifa Matigi ma, u jigi lanin be min kan, k'u sigisigi dugu kelen kelen bɛɛ Krista ka jama kunna.

Kɛwalew 2:11

Zuwifuw ani minw y'u yɛrɛ kɛ zuwifuw ye, ani Kɛrɛtikaw, ni arabuw, an bɛɛ be Ala ka koba kɛninw mɛnna an ka kaanw na!»

Kɛwalew 27:12

O kurunlɔyɔrɔ nin tun ma ɲi samiɲa tuma na minkɛ, u caaman y'a fɔ k'u ka bɔ yen ka banba n'u be se ka se Fenikisi. O kurunlɔyɔrɔ nin donyɔrɔ dɔ tun be sɔrɔ jamana nin kɔgɔdugu ɲafan ni tileben furancɛ la, dɔ tun be worodugu ɲafan ni tileben furancɛ la. O dugu nin tun ye Kɛrɛti jamana kurunlɔyɔrɔ dɔ ye. U ko n'an sera yen, ko an be samiɲa kɛ yen.

Kɛwalew 27:13

Fɔɲɔ diman dɔ daminɛna ka bɔ worodugu ɲafan fɛ. U y'a miiri k'olu ye min ŋaniya, k'o bena se ka kɛ. O la, u ye sira ta. U tun t'a fɛ u yɔrɔ be jaɲa Kɛrɛti dugukolo la kosɔbɛ.

Kɛwalew 27:21

Kurun kɔnɔ mɔgɔw bɛɛ tun be kɔngɔ la o mɛnna. O la, Pɔli wilila ka lɔ u cɛma k'a fɔ u ye ko: «N balimaw, ne tun y'a fɔ aw ye ko an ka to Kɛrɛti, n'aw tun sɔnna ne ta ma, an be faratiko ni bɔnɛ min na, o tun tena an sɔrɔ.

Kɛwalew 27:7

An ye tile damani kɛ kurunboli la. An sigɛnna kosɔbɛ ka sɔrɔ ka se Sinidi gɛrɛfɛ. Fɔɲɔ tun b'an balila ka taga n'o sira ye minkɛ, an y'an ɲa sin Salimone faan fɛ ka taga tɛmɛ Kɛrɛti jamana kɔfɛ.

Kor fɔlɔ 11:34

Ni kɔngɔ be mɔgɔ dɔ la, o tigi ka dumuni kɛ a fɛ soo, waasa aw kana ɲɔgɔn lajɛn k'aw yɛrɛ jalakiko kɛ. Ka taga koo tɔw faan fɛ, ni n nana yen, n bena olu ɲanabɔ.

Kor fɔlɔ 14:40

Nga koo bɛɛ ka kan ka kɛ ka ɲa ani ka kɛɲɛ n'o kɛcogo ye.

Kor fɔlɔ 4:17

O le kosɔn, n deen min koo ka di n ye n'o ye Timote ye, n y'o ci aw fɛ. Mɔgɔsɔbɛ lo Matigi ka sira la. Ale bena aw hakili jigi ne ka taamacogo la Krista ka sira la, i n'a fɔ ne be Krista ka jamakuluw kalan yɔrɔ bɛɛ cogo min na.

Kɔlɔsikaw 2:5

Tiɲɛ lo, ne te aw cɛma, nga ne hakili be aw la, ne nisɔndiyanin be k'a ye ko aw bɛnnin lo kosɔbɛ, ani ko aw jijanin lo ɲɔgɔn fɛ k'aw jigi la Krista kan.

Tim fɔlɔ 1:3

Ne taatɔ Maseduwani mara la, ne tun y'a ɲini e fɛ ko i ka to Efɛzi, waasa kalanjugu be minw daa la, i k'a fɔ u ye k'u k'o dabila.

Tim 2nan 2:2

I ye fɛɛn min mɛn ne fɛ seere caaman ɲana, i k'o kalifa mɔgɔsɔbɛw ma minw be se ka mɔgɔ wɛrɛw kalan n'o ye.

Tite 1:12

Kɛrɛtika dɔ, min tun kɛra u ka kira dɔ ye, ale tun ye kuma nin fɔ ko: «Kɛrɛtikaw ka galontigɛ ka ca, u ka fari i ko kongosogow, nugubatɔw ni salabagatɔw lo.»