Tite 1:16 - ALA KA KUMA

¹⁶ U b'u yɛrɛ kɛ Alalɔnbagaw ye, nga u ka kɛwaliw b'a yira k'u te sɔn Ala ma. U kɛra fɛnjuguw ye, u te mɛnni kɛ, u te se ka koɲuman si kɛ.

Jula NT of Côte d’Ivoire

¹⁶ O b’a fɔ o da ra ko o ka Ala lɔn, nka o yɛrɛ ta kɛwalew b’a yira ko can tɛ. Ala bɛ o ta kɛwalew kɔninya; mɔgɔ murutininw lo, o kosɔn o tɛ se ka kɛwaleɲuman kisɛ kelen kɛ.

LAYIDUKURA

¹⁶ U b'u yɛrɛ kɛ Alalɔnbagaw ye, nga u ka kɛwaliw b'a yira k'u tɛ sɔn Ala ma. U kɛra fɛnjuguw ye, u tɛ mɛnni kɛ, u tɛ se ka konyuman si kɛ.

Tite 1:16 Iomraidhean Croise

Ayuba 15:16

sankofɛrɛ adamaden min ma ɲi fewu. Kojugukɛ ni jii min ye kelen ye ale min fɛ.

Zanaw 30:12

Mɔgɔ dɔw b'u yɛrɛ jati mɔgɔ gwɛninw ye k'a sɔrɔ u saniyanin tɛ fewu!

Ezayi 29:13

Matigi ko: «Mɔgɔ nunu be ne boɲa u daa la dɔrɔn, nga u dusu yɔrɔ ka jan ne la. U be min kɛ k'u be siran ne ɲa, o ye adamadenw ka landa dama le ye. O ye kodegeta le ye.

Ezayi 48:1

«Isirayɛlidenw, aw tulo k'aw malɔ! Isirayɛli tɔgɔ lara aw minw kan, aw minw bɔra Zuda joli la, aw minw be kali ni Masaba tɔgɔ ye, aw minw be Isirayɛli ka Ala daali. Nga o te kɛ ni sɔbɛ ye, tilenniya fana t'a la.

Ezayi 58:2

U be ne yɔrɔ ɲini loon o loon. U b'a fɛ ka n sago lɔn, ka kɛ i ko siya min be tilenninya kɛ, min ma ban ka ye a ka Ala ka fɔtaw la. U be ne ɲininga tilenninyako la, u b'a fɛ ne Ala ka kɛ n'u ye.

Ezayi 59:13

Min ye an ka murutiko ye e Masaba ma, ani ka ban i la, ka ban ka tugu e, an ka Ala kɔ, ka to mɔgɔtɔɔrɔkuma ni murutili ta la. An kɔnɔnakow n'an ka miiriyaw ye galon ye.

Yeremi 12:2

Ele le y'u tutu i ko yiri, u sigicogo ɲana, u be boɲa ka den. E tɔgɔ b'u daa la tuma bɛɛ, nga u dusu yɔrɔ ka jan i la.

Yeremi 5:2

Hali n'u be to k'a fɔ u ka kalili la ko: ‹Masaba kosɔn›, u be kali k'a la galon le kan.»

Yeremi 6:30

U tɔgɔ le ko Warigwɛ nafabali. Bari, u kɛra nafabaliw ye Masaba fɛ.

Ezekiyɛli 33:31

O kɔ, ne ka jama be taga lajɛn i fɛ ka sigi i ɲakɔrɔ k'i ka kumaw mɛn, nga i ye min fɔ, u t'o kɛ. U dalakuma ka di k'a sɔrɔ u ka miiriya bɛɛ be tɔnɔjugu ɲiniko le kan.

Jateri 24:16

Ala be min fɔ, a b'o mɛn. A be lɔnniya sɔrɔ ka bɔ Fɛɛn bɛɛ kuntigi fɛ. Setigi be min yira a la, a b'o ye. N'a b'a bato tuma min na, a b'a ɲaa yɛlɛ. Ale ka kuma lo.

Rɔmukaw 1:28

U ma sɔn ka Ala lɔn minkɛ, Ala fana y'u to u ka miiriyajugu la. A kɛra ten, u man kan ka min kɛ, u b'o le kɛ.

Ɛfɛsikaw 5:6

Aw kana sɔn mɔgɔ si k'aw ɲagami n'a ka kuma fufafu ye, bari o ɲɔgɔn le b'a to Ala be dimi a ka kuma batobaliw fɛ.

Tim fɔlɔ 1:9

An k'a faamu fana ko sariya ma sigi mɔgɔɲumanw kama, nga a sigira banbagaw le kama, ni mɔgɔmurutininw, mɔgɔjuguw, hakɛkɛlaw, Alaɲasiranbaliw, ani minw be Ala tɔgɔ cɛn, ni minw be u faa, walima u baaw faga, ni mɔgɔfagalaw,

Tim fɔlɔ 5:8

Mɔgɔ o mɔgɔ te janto a ka somɔgɔw la, o tigi banna lanaya la. Mɔgɔ min ma la Ala la, ale yɛrɛ ka fisa n'a ye.

Tim 2nan 3:17

waasa Ala ka baarakɛla ka kɛ mɔgɔdafanin ye ka se ka koɲuman sifa bɛɛ kɛ.

Tite 3:1

A fɔ bɛɛ ye ko u k'u yɛrɛ majigi kuntigiw ni faamaw ye, k'u boɲa, ani u labɛnnin ka to koɲuman sifa bɛɛ kɛli kama.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Zan fɔlɔ 2:4

Ni mɔgɔ min y'a fɔ ko ale be Ala lɔn k'a sɔrɔ a t'a ka kuma bato, o tigi ye galontigɛla le ye, tiɲɛ man d'a ye.

Zude 1:4

Bari namaramɔgɔ dɔw donna aw cɛma minw ka jalakiko fɔra Ala ka kuma na kabini tumajan. O Alaɲasiranbali nunu be an ka Ala ka nɛɛma koo ta k'o kɛ kokolon kɛli ye, ani u bɛɛ be ban an Matigi Yezu Krista la, ale min kelenpe ye an kuntigi ye.

Yirari 21:27

Fɛnnɔgɔnin si tena don dugu nin kɔnɔ. Kojugukɛla, walima galontigɛla si tena don yen. Nga minw tɔgɔ sɛbɛnnin be Sagaden ka sɛbɛ kɔnɔ, olu dama le bena kɛ yen.

Yirari 21:8

Nga siranbagatɔw kɔni, ani lanabaliw, ni mɔgɔjuguw, ni mɔgɔfagalaw, kakalaw, lagwɛlikɛlaw, josɔnlaw, ani galontigɛlaw bɛɛ, olu kɔni niyɔrɔ ye jahanama le ye. O le ye saya filanan ye.»

Sam fɔlɔ 15:22

Samuyɛli y'a fɔ a ye ko: «Saraka jɛnitaw ni saraka tɔw koo ka di Masaba ye i ko a ka kuma batoko wa? Ka sɔn a sago ma, o ka fisa ni saraka ye. Ka mɛnni kɛ a fɛ, o ka fisa ni sagajigi tulu ye.

Sam fɔlɔ 15:24

Sayuli y'a fɔ Samuyɛli ye ko: «Ne ye hakɛ kɛ, ne ye Masaba ka sariya cɛn, ne m'a ka kuma bato. Ne tun siranna jama ɲa ka mɛnni kɛ u fɛ.