Tite 1:11 - ALA KA KUMA

¹¹ I ka kan k'u bali u kana kuma. U be se ka faaw n'u deenw kunna cɛn, n'u ka kalanjugu ye u be min kɛ tɔnɔjugu kama.

Jula NT of Côte d’Ivoire

¹¹ i ka kan ka o mɔgɔw da datugu le, sabu o bɛ gba kuturu dɔw ta lanaya cɛn; karan min ma daga, o bɛ mɔgɔw karan o ra, wari kosɔn.

LAYIDUKURA

¹¹ I ka kan k'u bali u kana kuma. U bɛ se ka faaw n'u deenw kunna cɛn, n'u ka kalanjugu ye u b'o min kɛ tɔnɔjugu kama.

Tite 1:11 Iomraidhean Croise

Zaburu 107:42

Mɔgɔtilenninw b'o ye, u be nisɔndiya, nga mɔgɔjugu si tena se ka foyi fɔ.

Zaburu 63:11

U bena faga ni murujan ye. U bena kɛ kongowuluw niyɔrɔ ye.

Yeremi 8:10

«O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Ezekiyɛli 13:19

Aw ye ne tɔgɔ cɛn ne ka mɔgɔw cɛma bolo ɲaa damani suman ni buru kunkurun damani kosɔn. Mɔgɔ minw man kan ka faga, aw be olu faga, minw ka kan ka sa, aw be olu to yen, ka ne ka mɔgɔw nigɛ, minw be galon lamɛn.›

Ezekiyɛli 16:63

O tuma na, i hakili bena jigi i taamacogokɔrɔ la ka maloya, ni ne ye i ka kɛwaliw bɛɛ yafa tuma min na, i tena se ka foyi fɔ tugu maloya kosɔn. Ne Matigi, Masaba le ko ten.»

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Mise 3:5

Masaba y'a fɔ ko: «Kira minw b'a kɛ ne ka mɔgɔw be fili, ni min ye dumuni d'u ma, u be hɛrɛko fɔ. Ni min ma dumuni d'u ma, u be kɛlɛba labɛnko fɔ o tigi kama.

Matiyu 23:13

«Bɔnɛ y'aw ta ye, aw sariya karamɔgɔw ni *Fariziɲɛ namaramɔgɔw, bari aw be *sankolo masaya donda tugu, aw tena don, minw b'a fɛ ka don fana, aw t'a to olu ka don. [

Luka 20:40

O kɔ, mɔgɔ si m'a jaa gwɛlɛya ka Yezu ɲininga foyi la tugu.

Yuhana 10:12

Nga min b'u dɛndɛ a yɛrɛ ka nafa kosɔn n'a ta te sagaw ye, n'ale ye wara natɔ ye, a be sagaw to, ka boli. Wara be minɛni kɛ, sagaw be jɛnsɛn.

Rɔmukaw 3:19

An y'a lɔn ko sariya be fɛɛn minw bɛɛ fɔ, a b'o fɔ mɔgɔw ye minw b'a ka fanga kɔrɔ, janko mɔgɔ si kana se ka foyi fɔ, ani mɔgɔ bɛɛ ka jalaki Ala ɲakɔrɔ.

Kor 2nan 11:10

Krista ka tiɲɛ kosɔn, ne b'a fɔ ko boɲa min be ne kan, o tena bɔ ne kan Akayi mara la fewu.

Tim fɔlɔ 5:13

Ani ka fara o kan, u be kɛ salabagatɔw ye, ka to ka yaalayaala sodaw la. O dama tɛ, u daa ka ca, u daa be don mɔgɔ ka koow la, u man kan k'u daa don minw na.

Tim fɔlɔ 5:4

Nga ni deenw, walima mamadenw be firiyamuso min fɛ, o deen nunu le ka kan k'a dɛmɛ u ka Alaɲasiran kosɔn. O la, u ben'a yira u wolobagaw la k'olu le ka kan ka lɔ n'u ka koo ye, bari o le ka di Ala ye.

Tim fɔlɔ 6:5

A fana be na ni sɔsɔli caaman ye hakilitanw cɛma. O mɔgɔ nunu te tiɲɛ lɔn tugu. U be miiri ko u bena nafolo sɔrɔ Alasira taama barika la, ka kɛ fɛntigiw ye.

Tim 2nan 2:18

Olu minw ye tiɲɛ to yen, n'u b'a fɔ ko suuw kununna ka ban. U ye mɔgɔ dɔw jigi tigɛ, u te la Ala la tugu.

Tim 2nan 3:6

O mɔgɔ nunu dɔw be don soow kɔnɔ, ka musow nigɛ ka olu sɔrɔ. O muso nunu kɛra hakɛ ka jɔɔnw ye, nigɛjugu b'u sama k'u bali koo sifa bɛɛ la.

Tite 1:7

Krista ka jama ɲamɔgɔ, min ye a marabaga ye, o ka kan ka kɛ mɔgɔ ye jalakiyɔrɔ te min na. A kana kɛ yɛrɛboɲanla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min be namara kɛ ka tɔnɔ sɔrɔ.

Tite 1:9

Lanaya be sɔrɔ Ala ka kuma min barika la, u nɔrɔnin ka to o la, min bɛnnin be n'an ka kalan ye. O la, u bena se ka mɔgɔw ladi ni kalansɔbɛ ye, minw b'u sɔsɔ, ka olu ka filiyɔrɔ yira u la.

Tite 3:10

Mɔgɔ min be farali kɛ, i k'o tigi lasɔmi fɔɔ siɲɛ fila. O kɔ, i k'o tigi niin bɔ aw fɛ.