Sofoni 3:4 - ALA KA KUMA

⁴ U ka kiraw ye tɔgɔɲinilaw ni namaramɔgɔw ye. U ka sarakalasebagaw ye Ala ka fɛɛn saniyaninw nɔgɔ, u be Ala ka sariyaw cɛn.

Jula NT of Côte d’Ivoire

⁴ O ta ciraw ye kumakolonfɔbagaw le ye; mɔgɔjanfabagaw lo. O ta sarakalasebagaw bɛ Ala ta fɛn saninmanw lanɔgɔ; o bɛ Ala ta sariya cɛn.

Sofoni 3:4 Iomraidhean Croise

Ezayi 9:15

Jama nin ɲamɔgɔw y'u lafili. U tun be minw ɲatilenna, olu kunnacɛnna.

Yeremi 23:32

Kira minw b'u ka sikokolonw kiraya kɛ, ne bena wili olu kama. Ne Masaba le ko ten! Olu minw be siko nunu lakali ka ne ka mɔgɔw lafili n'u ka galonw n'u ka yɛrɛboɲa ye. Ne m'u ci dɛ! Ne ma sira fana di u ma. U te foyi ɲa mɔgɔ nunu ye. Masaba le ko ten!

Yeremi 34:19

Zuda mara ɲamɔgɔw, ni Zeruzalɛmu taw, ni luu kɔnɔ mɔgɔbabaw, ani sarakalasebagaw, ni jamanaden minw bɛɛ tɛmɛna misiden cɛtigɛninw cɛma,

Yeremi 5:31

Kiraw be galonkiraya kɛ, sarakalasebagaw b'o ka nafa dɔrɔn le ɲinina. O le ka di ne ka mɔgɔw ye. Nga aw bena mun kɛ a laban na?»

Yeremi 8:10

«O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Kasikan 2:14

E ka kiraw be kuma minw fɔra i koo la, o ye kumafu ye, kumakolon. Kojugu minw kɛra i kɔnɔ, u ma kuma o la waasa k'i dɛmɛ k'i ka koow cogo yɛlɛma. U ye galon, ni namarakuma dama le fɔ.

Ezekiyɛli 22:26

A sarakalasebagaw te ne ka sariya bato, u be ne ka sigiyɔrɔw nɔgɔ. U te fɛɛn senumanw faranfasi ka bɔ tɔw la. U te fɛɛn saniyanin ni fɛɛn nɔgɔninw faranfasi ka yira mɔgɔw la. U te ne ka lafiɲɛlonw bato, ne ka kan ni boɲa min ye, ne t'o sɔrɔ mɔgɔ si fɛ.

Ezekiyɛli 22:6

«Isirayɛli kuntigiw b'u ka sebagaya yira i kɔnɔ ka mɔgɔw faga.

Ezekiyɛli 44:23

«Sarakalasebagaw ka kan ka ne ka jama kalan janko olu ka se ka Ala ka fɛɛn ni fɛɛn gwansan lɔn ka bɔ ɲɔgɔn na, ani fɛɛn nɔgɔninw ni fɛɛn saniyaninw.

Oze ta kitabu 9:7

Ɲagwan waati sera, kojugu juru sarawaati sera. Isirayɛli k'o lɔn! Kira kɛra i ko fatɔ aw ka kojugu caaman kosɔn. Ala ka dalaminɛ hakili ɲagamina aw ka juguya barika kosɔn.

Mise 2:11

Ni mɔgɔ dɔ wilila ka to ka kumakolon fɔ, n'a be galon tigɛ ko: ‹Aw bena duvɛn, ani dɔrɔ fariman caaman sɔrɔ.› Ɔnhɔn, o kira fufɔla ɲɔgɔn le ka kan ni siya nin ye!

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Malaki 1:6

«Deen b'a faa boɲa, baaraden b'a kuntigi boɲa. Ni ne ye aw faa ye, ne ka kan ni boɲa min ye, o be min? Ni ne ye aw ka Masaba ye, ne ka kan ni boɲa min ye, o be min? Ne Masaba, Setigi le b'o fɔra aw sarakalasebagaw ye, aw minw be ne dɔgɔyara. Aw be sɔrɔ k'a fɔ ko: ‹An y'i dɔgɔya cogo di?›

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Malaki 2:8

Nga, aw ye sira bila, ka mɔgɔ caaman kunnacɛn n'aw ka kalan ye. Aw ye Levi ni ne ka bɛɛn cɛn! Ne Masaba, Setigi le ko ten.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Kor 2nan 11:13

O mɔgɔ nunu be galon tigɛ k'olu ye cidenw ye, u kɛra galontigɛlaw ye, k'u yɛrɛ kɛ Krista ka cidenw ye.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.

Kititigɛbagaw 9:4

U ye warigwɛ kuru bi wolonwula bɔ Baali Beriti sɔnso kɔnɔ k'o d'a ma. A y'o ta ka taga mɔgɔkuntanw ni mɔgɔkolonw sara n'o ye, olu sɔrɔla ka tugu a kɔ.

Sam fɔlɔ 2:22

Eli tun kɔrɔla kosɔbɛ. A deenw tun be koo minw kɛ Isirayɛlidenw bɛɛ la, a tun y'o mɛn. A tun y'a mɛn fana ko u tun be to ka la ni musow ye minw tun be baara la Ɲɔgɔnkunbɛn fanibugu daa la.