Sofoni 3:3 - ALA KA KUMA

³ U ɲamɔgɔw be i ko jaradimininw. U ka kititigɛlaw be i ko kongowulu kɔngɔtɔlaman minw te wasa fɔɔ ka dugu gwɛ.

Jula NT of Côte d’Ivoire

³ O kuntigi minw bɛ o cɛ ra, olugu bɛ i ko jara kasitɔ. O ta kititigɛbagaw bɛ i ko wara min bɛ yaala su fɛ; ni a ka fɛn o fɛn sɔrɔ, a bɛ o bɛɛ domu; a tɛ foyi bla sɔgɔmada ɲa.

Sofoni 3:3 Iomraidhean Croise

Zanaw 28:15

Mɔgɔjugu ka kɛ kuntigi ye fantanjamana na, o ni jara ŋunatɔ, walima warajugu kɔngɔtɔ ka kan.

Ezayi 1:23

Aw ka dugu ɲamɔgɔw kɛra mɔgɔmurutininw ye, benkannikɛlaw dɛmɛbagaw lo. Bonyafɛn le ka di u bɛɛ ye, u be boli daa sanfɛnw kɔ. U te falatɔ ka tiɲɛ d'a ma, firiyamuso ka koo te don u tulo la ka ye.

Ezayi 5:29

U mankan kɛra i ko jaramuso ta, u mankan kɛra i ko jarakanbelenw ta. U be sɔngɔ k'u ka sogo minɛ k'a ta ka taga n'a ye, mɔgɔ si ten'a bɔsi u la.

Yeremi 22:17

Nga ele, yan i dusu sinnin te foyi ma fɔɔ i yɛrɛ nafa ɲiniko dama, ka jalakibaliw faga, ani ka tɔɲɔli ni benkannikow kɛ.»

Yeremi 23:11

«Alaɲasiran te kiraw ni sarakalasebagaw la! Ne b'u ka juguya yera hali n ka soo kɔnɔ. Ne Masaba le ko ten!

Yeremi 34:19

Zuda mara ɲamɔgɔw, ni Zeruzalɛmu taw, ni luu kɔnɔ mɔgɔbabaw, ani sarakalasebagaw, ni jamanaden minw bɛɛ tɛmɛna misiden cɛtigɛninw cɛma,

Yeremi 5:6

O kama, jara be bɔ tuba kɔnɔ k'u faga, kongowulu be bɔ kongo la k'u halaki, waraninkala dogora u ka dugu kɔrɔ, ni mɔgɔ o mɔgɔ bɔra, a b'o tigi faranfaran. Bari u ka murutiko cayara, u ka tilenbaliya ye barika sɔrɔ.

Ezekiyɛli 22:6

«Isirayɛli kuntigiw b'u ka sebagaya yira i kɔnɔ ka mɔgɔw faga.

Ezekiyɛli 33:26

Aw jigi b'aw ka murujanjanw kan, aw be kokolonw kɛ, aw kelen kelen bɛɛ be la n'a tɔɲɔgɔn ka muso ye. Jamana nin ka kan ka kɛ aw ta ye cogo di?›

Habakuki 1:8

U ka soow ka teli ka tɛmɛ waraninkala kan, u ka jugu ka tɛmɛ kongowulu kɔngɔtɔlaman kan. U ka sotigiw be panna ka na, u ka sotigiw natɔ filɛ ka bɔ fɔɔ yɔrɔjan. U be leru i ko sɛgɛn jigitɔ a ka dumuni tayɔrɔ.