Sofoni 2:9 - ALA KA KUMA

⁹ O kama, ne Masaba, Setigi, Isirayɛli ka Ala ko: Mowabuw ka yɔrɔ bena halaki i ko Sodɔmu, amoniw ka yɔrɔ bena halaki i ko Gɔmɔri. A bena kɛ ŋɔniyɔrɔ ye, kɔgɔbɔyɔrɔ ye, yɔrɔlakolon ye tuma bɛɛ. Ne ka mɔgɔ tɔɔ min tora, olu bena ben u kan, ne ka jama min kisira, olu bena u cɛɛn dumu.»

Jula NT of Côte d’Ivoire

⁹ O kosɔn ne bɛ kari ne yɛrɛ tɔgɔ ɲanaman kosɔn, Fangatigi Ala, Izirayɛli ta Ala ko ten, Mohabu bɛna kɛ i ko Sodɔmu, Amɔnkaw bɛna kɛ i ko Gomɔri; binjuguw le bɛna falen o ta yɔrɔ ra, kɔgɔjalan le bɛna kɛ ka o ta jamana bɛɛ datugu; a bɛna kɛ yɔrɔ lakolonba le ye, yɔrɔ min tɛna ɲa tuun fiyewu. Ne ta jamana mɔgɔw tɔ minw tora, olugu bɛna o borofɛnw cɛ. Ne ta jamana mɔgɔ minw ɲanaman tora, olugu bɛna o ta jamana tigiya ta.»

Sofoni 2:9 Iomraidhean Croise

Ezayi 11:14

U bena jɛn ka taga filisiw kama tileben fɛ, u bena taga ben kɔrɔn fɛ mɔgɔw kan. U bena edɔmuw ni mowabuw mara, amoniw bena kolo u ye.

Ezayi 25:10

Masaba bena kulu nin tanga, nga Mowabu jamana bena nɔɔni yɔrɔnin kelen i ko u be biin kɛ cogo min na ɲamaɲamabɔndingɛ kɔnɔ.

Ezayi 49:18

Siyɔn, i kuun kɔrɔta k'i lamini filɛ. I deenw bɛɛ be lajɛnna, u be nana. Ne tɔgɔ kosɔn, ne Masaba le ko ten, u bɛɛ bena kɛ i ko masirifɛn, i ko kɔɲɔmuso be cɛsirilan siri cogo min na.

Yeremi 46:18

Masacɛ min tɔgɔ ko Masaba, Setigi, ale lo ko: «Ka ne to yen, Tabɔri kulu ka jan kuluw cɛma cogo min na, Karimɛli kulu ka jan kɔgɔjida la cogo min na, jugu bena na ten fana.

Yeremi 48:1

Masaba, Setigi, Isirayɛli ka Ala b'a fɔ Mowabu kosɔn ko: «Bɔnɛ ye Nebokaw ta ye, bari u ka dugu halakira. Kiriyatayimu dugu bena minɛ, ka maloya. A ka yɔrɔ barikaman bena ci, ka maloya sɔrɔ.

Yeremi 49:1

Masaba b'a fɔra amoniw kosɔn ko: «O tuma na, deen te Isirayɛli fɛ wa? Cɛntabaga t'a fɛ wa? Mun na *Milikɔmu ye Gadi mara minɛ? Mun na a sɔnbagaw sigir'a duguw kɔnɔ?

Yeremi 49:18

Sodɔmu ni Gɔmɔri n'u gɛrɛfɛduguw kɛra cogo min na u halakituma na, Edɔmu fana bena kɛ ten. Mɔgɔ si tena sigi yen tugu. Adamaden si tena to yen. Ne Masaba le ko ten.

Yeremi 49:33

Asɔri mara bena kɛ kongowuluw layɔrɔ ye, a bena kɛ dusukasiyɔrɔ ye tuma bɛɛ. Mɔgɔ si tena sigi yen, adamaden si tena to yen.»

Yeremi 50:40

Ne Ala ye bɔnɛ lase Sodɔmu ni Gɔmɔri n'u gɛrɛfɛduguw ma cogo min na, o cogo kelen na, mɔgɔ si tena to yen, adamaden si tena sigi yen. Ne Masaba le ko ten.

Amɔsi 1:13

Masaba ko: «Amoniw ye kojugu caaman minw kɛ, u ye kojugu naani minw kɛ, ne tena o yafa. Bari, u ye Galaadi mara muso kɔnɔmanw kɔnɔ faran, waasa u ka mara ka boɲa.

Amɔsi 2:1

Masaba ko: «Mowabuw ye kojugu minw kɛ, u ye kojugu caaman minw kɛ, ne tena o yafa. Bari, u ye Edɔmu masacɛ kolow jɛni, u y'u jɛni fɔɔ k'o kɛ bugurigwɛ ye.

Sofoni 2:14

O yɔrɔ bena kɛ begɛnw layɔrɔ ye, ni kongosogo sifa bɛɛ layɔrɔ. Sufɛkɔnɔw ni juguninw bena la yen. Kɔnɔw kasikan bena mɛn u ka fenɛtiriw daa la. U ye sɛdiriyiribaba lɔgɔ minw kɛ ka boonw lɔ, u bena olu walaka ka bɔ yen. K'a daminɛ dugu donda la, cɛnni dɔrɔn lo bena sɔrɔ.

Sofoni 2:7

A bena kɛ Zuda mara mɔgɔ tɔw ta ye, ka kɛ u ka begɛnw dɛndɛyɔrɔ ye. Sufɛ, u bena la Asikalɔn. Bari Masaba, u ka Ala bena u ɲafilɛ, ka hɛrɛ kɛ u ye tugu.

Sofoni 3:13

Isirayɛliden tɔw tena kojugu kɛ tugu. U tena galon tigɛ tugu. Namarakuma tena bɔ u daa la tugu. Nga, u bena dumuni kɛ k'u ka sinɔgɔ kɛ, mɔgɔ si tena siranya bila u la.»

Jakariya 2:13

Ne bena wili u kama tigitigi, waasa u ka jɔɔnw k'u ka nafolo cɛ.» O tuma na, aw ben'a lɔn ko Masaba, Setigi le ye ne ci.

Jateri 14:21

O bɛɛ n'a ta, tiɲɛ lo, ne Masaba be yen, ne ka nɔɔrɔ be dugukolo faan bɛɛ la,

Rɔmukaw 14:11

Bari a fɔra Ala ka kuma na ko: «Ne Matigi ɲanaman lo, mɔgɔ bɛɛ ben'a kunbiri gwan ne ɲakɔrɔ, ani mɔgɔ bɛɛ bena Ala tanu.»

Sariya 29:22

‹Kiribi ni kɔgɔ ye jamana bɛɛ jɛni, foyi te se ka dan yen, foyi te se ka falen yen, hali biin yɛrɛ te bɔ yen. A be i n'a fɔ Sodɔmu ni Gɔmɔri, ani Aduma ni Seboyimu. Masaba dimininba ye dugu minw ɲagami.›

Sariya 29:23

Siyaw bɛɛ bena ɲiningali kɛ ko: ‹Mun na Masaba ye nin jamana nin kɛ ten? Mun na a dimina ten?›