Sofoni 1:7 - ALA KA KUMA

⁷ I daa tugu Matigi, Masaba ɲakɔrɔ, bari Masaba ka loon surunyana. Masaba ye saraka labɛn, a ye mɔgɔ minw wele, a y'u saniya.

Jula NT of Côte d’Ivoire

⁷ «Bɛɛ ye je Dunuɲatigi Ala ɲa kɔrɔ! Sabu Matigi Ala ta lon surunyara. Matigi Ala ka saraka dɔ le labɛn; a k’a ta mɔgɔ weleninw bɛɛ saninya ka ban o saraka kama.

Sofoni 1:7 Iomraidhean Croise

Ayuba 24:1

«Mun na Setigi Ala ma loon dɔ sigi, min y'a ka kiti loon ye? O la, a ɲasiranbagaw tun bena o ye.

Zaburu 46:10

Ale lo be kɛlɛ ban fɔɔ diɲɛ daan na. A be kalaw ni tamanw kari, ka wotorow jɛni.

Ezayi 13:3

Ne ye sira di n ka mɔgɔw ma, ne ye n ka cɛfariw wele, ne dimi bɔbagaw, ne ka kunkɔrɔta be minw nisɔndiya.

Ezayi 13:6

Aw ka sangakasi kɛ! Masaba ka loon surunyana, halakili be nana ka bɔ Setigi fɛ.

Ezayi 2:12

Tiɲɛ na, Masaba, Setigi ye loon dɔ sigi, o loon na, a bena wili yɛrɛboɲalaw ni yɛrɛfunubagaw bɛɛ kama. Mɔgɔ o mɔgɔ b'a yɛrɛ boɲa, o bena maloya.

Ezayi 29:2

ne Masaba bena wili Ariyɛli dugu kama. Kasikanw bena caya yen! Joli bena caya yen i ko sarakabɔyɔrɔ la.

Ezayi 34:5

Masaba ko: «Ne ka murujan be yɛlɛmayɛlɛmana sankolo la, a be jigira edɔmuw kama, ne y'a latigɛ ka siya min halaki.»

Ezayi 34:6

Masaba ka murujan yɔrɔ bɛɛ kɛra joli ni sogo tulu ye: sagaden ni bakɔrɔnin joli, ni sagajigi kɔkili tulu. Bari, saraka bɔta be Masaba fɛ Bɔsira, mɔgɔ caaman bena faga edɔmuw ka mara la dɛ!

Ezayi 6:5

Ne y'a fɔ ko: «Bɔnɛ ye ne ta ye! Ne ta cɛnna! Bari, ne ye mɔgɔ min ye, n daa ma ɲi. Ne be mɔgɔ minw cɛma, olu fana daa ma ɲi. Ani ne ɲaa lara Masa kan, Masaba, Setigi kan.»

Yeremi 46:10

O loon nin ye Matigi, Masaba, Setigi ta ye. A ka dimi bɔlon lo. A ben'a dimi bɔ a juguw la. Murujan bena joli min fɔɔ ka fa. O bena kɛ saraka ye Matigi, Masaba, Setigi fɛ kɔgɔdugu ɲafan jamana na, Efarati baji daa la.

Ezekiyɛli 7:10

Kitilon surunyana! Halakili be labɛnna. Fariya be jiidira, yɛrɛboɲa be yɔrɔ bɛɛ.

Ezekiyɛli 7:7

Jamana mɔgɔw, aw halakilon sera! Waati sera! Kitilon surunyana. Kuluw kan nisɔndiya mankan yɛlɛmana hakiliɲagamiko ye.

Yowɛli 1:15

Ee! O ye loon jumɛn ye sa? Masaba ka loon surunyana, a bena na i ko halakifɛn, ka bɔ Setigi fɛ.

Yowɛli 2:11

Masaba kumakan be bɔ a ka kɛlɛdenw ɲafɛ, u ka ca kosɔbɛ. Barika b'a ka kuma batobagaw la. Masaba ka loon ye lonba ye, siranyalon lo. Jɔn be se ka lɔ o loon na?

Amɔsi 6:10

Ni somɔgɔw dɔ y'u suu ta ko a be taga u jɛni, a tɔɲɔgɔn min tora soo kɔnɔ, a ben'a kaan to ale ma ko: ‹Mɔgɔ wɛrɛ be sɔrɔ i fɛ yen wa?› A ben'a jaabi ko: ‹A banna! Je! An man kan ka Masaba tɔgɔ wele dɛ!› »

Amɔsi 8:3

Makaridɔnkiliw le bena la masaso kɔnɔ o loon na.» Matigi, Masaba le ko ten. «Suuw bena caya, yɔrɔ bɛɛ be sumaya tɛtɛtɛ.»

Habakuki 2:20

Masaba kɔni b'a batoso kɔnɔ. Dugukolo kan fɛɛn bɛɛ k'u daje a ɲakɔrɔ!»

Sofoni 1:14

«A surunyana, Masaba ka lonba surunyana! A be nana ni karama ye! Kulekan bena mɛn Masaba ka loon na. Mɔgɔ jagwɛlɛnw yɛrɛ bena kule.

Jakariya 14:1

Masaba ka loon surunyana, o loon na, u bena aw Zeruzalɛmukaw bololafɛnw tilan aw ɲana.

Jakariya 2:13

Ne bena wili u kama tigitigi, waasa u ka jɔɔnw k'u ka nafolo cɛ.» O tuma na, aw ben'a lɔn ko Masaba, Setigi le ye ne ci.

Matiyu 22:4

O kɔ, a y'a ka baaraden dɔ wɛrɛw ci tugu k'u ka taga fɔ mɔgɔ nunu ye ko: ‹Ne ye dumuni bɛɛ labɛn ka ban. Ne ye n ka turaw ani n ka begɛn tulɔninw faga ka ban. Fɛɛn bɛɛ labɛnna, aw ye na o dumu.›

Rɔmukaw 3:19

An y'a lɔn ko sariya be fɛɛn minw bɛɛ fɔ, a b'o fɔ mɔgɔw ye minw b'a ka fanga kɔrɔ, janko mɔgɔ si kana se ka foyi fɔ, ani mɔgɔ bɛɛ ka jalaki Ala ɲakɔrɔ.

Rɔmukaw 9:20

E adamaden, e ye mun ye n'i be sɔsɔli kɛ ni Ala ye? Daga be se k'a fɔ a dilanbaga ye ko: «Mun na e ye n dilan ten wa?»

Filipikaw 4:5

Aw ka kɛ mɔgɔsabalininw ye tuma bɛɛ. Matigi natuma surunyana.

Kɔlɔsikaw 1:12

Aw ka barika la Faa ye ale min y'a kɛ aw be se ka niyɔrɔ sɔrɔ, min labɛnnin be Ala ka mɔgɔw ye yeelen yɔrɔ la.

Sam fɔlɔ 16:5

A y'u jaabi ko: «Ɔnhɔn! Ne nana janko ka saraka bɔ Masaba ye. Aw k'aw yɛrɛ saniya ka na an be taga saraka bɔyɔrɔ la.» A ye Zese n'a deenw saniya k'u wele ka taga saraka bɔyɔrɔ la.

Sam fɔlɔ 20:26

Sayuli ma foyi fɔ o loon na. A tun b'a miiri ko balinako dɔ le y'a sɔrɔ, ko siga t'a la, a saniyanin tɛ.