Sofoni 1:6 - ALA KA KUMA

⁶ ni minw be ban ne la, minw te ne yɔrɔ ɲini, minw te ne ɲininga foyi la.»

Jula NT of Côte d’Ivoire

⁶ minw bɛ o kɔ di Matigi Ala ma, minw tɛ tugu Matigi Ala kɔ, minw tɛ Matigi Ala ɲininka, ne bɛna olugu bɛɛ halaki.

Sofoni 1:6 Iomraidhean Croise

Sam 2nan 22:22

Ne ye Masaba ka fɔta bato, ne ma kojugu kɛ n ka Ala ɲakɔrɔ.

Lok 2nan 15:13

Ko ni mɔgɔ min banna ka Masaba, Isirayɛli ka Ala ɲini, k'o tigi bena faga, denmisɛn fara mɔgɔkɔrɔba kan, cɛɛ ni musow.

Zaburu 10:4

Mɔgɔjugu be dabayakuma fɔ ko: «Ala te mɔgɔ ɲaa gwan! Ala te yen!» O dama le y'a ka miiriya ye.

Zaburu 125:5

Nga mɔgɔ minw be sirajugu taama, ani minw be tilenbaliyakow kɛ, i k'u furan ka bɔ yen. Hɛrɛ ka kɛ Isirayɛlidenw ye.

Zaburu 36:3

Nga a b'a yɛrɛ nigɛra le fɔɔ a t'a yɛrɛ ka fili ye, o koo fana te goy'a ye.

Ezayi 1:4

Bɔnɛ ye aw ta ye! Aw jamana mɔgɔw, kojugukɛlaw! Aw ka kojugu doni b'aw kunna! Siyajuguw! Denkolon nunu! Aw banna Masaba la! Aw ye Isirayɛli ka Ala dɔgɔya. Aw y'aw kɔɔ d'a ma.

Ezayi 43:22

«Isirayɛlidenw, aw ma ne wele do, aw m'aw yɛrɛ sigɛn ne kosɔn do.

Ezayi 9:12

Nga jama ma kɔsegi u bugɔbaga ma. U ma Masaba, Setigi yɔrɔ ɲini.

Ezayi 9:13

O la, Masaba ye Isirayɛli kuun tigɛ, k'a kuu tigɛ. A ye tamarosunw ani burukuw tigɛ loon kelen!

Yeremi 10:25

I ka dimi siya wɛrɛw kɔrɔ, minw t'i lɔn, minw t'i bato. Bari olu le ye Yakuba kɔmɔgɔw halakibagaw ye. U b'u halakira, u halakira pewu. U y'a ka mara cɛn bugubugu!

Yeremi 15:6

Ele lo banna ne la. E y'i kɔɔ sin ne ma. O la, ne wilila janko k'i halaki, n sigɛnna i fɛ, n te makari tugu. Ne Masaba le ko ten.

Yeremi 2:13

Bari ne ka mɔgɔw ye kojuguba fila le kɛ: U banna ne la, ne min ye ɲanamaya jii bɔyɔrɔ ye. U tagara jii marayɔrɔw sogi u yɛrɛ ma, woo be minw na, jii te se ka to minw kɔnɔ.

Yeremi 2:17

Aw yɛrɛ le m'o ɲini wa? Bari aw banna ne Masaba aw ka Ala la. K'a sɔrɔ ne le tun b'aw bilara sira.

Yeremi 3:10

O bɛɛ kɔ, a balimamuso Zuda mara janfamɔgɔ nunu ma u ɲaa sin ne ma n'u kɔnɔ bɛɛ ye. U y'o kɛ ni kɔnɔfin ye. Ne Masaba le ko ten.»

Ezekiyɛli 3:20

Ni mɔgɔtilennin dɔ y'a ka tilenninya dabila ka to ka tilenbaliyako kɛ, n bena jaan la a ɲafɛ. A bena sa. E m'a lasɔmi minkɛ, a bena sa a ka kojugu kosɔn. A ye ɲumanya min kɛ ka tɛmɛ, o tena jati. Nga n bena e le jalaki a ka sayako la.

Oze ta kitabu 11:7

Ne ka mɔgɔw nɔrɔnin be u ka janfa la dɔrɔn. O b'u wele ka kɔsegi ne Fɛɛn bɛɛ kuntigi fɛ, nga u si te wili.

Oze ta kitabu 7:10

Isirayɛlidenw ka yɛrɛboɲa b'u cogo yira. Nga, u do te segira ne Masaba u ka Ala ma. O bɛɛ la, u te ne yɔrɔ ɲini.

Oze ta kitabu 7:7

U bɛɛ fariyanin be i ko dibi, u b'u ɲamɔgɔw halaki. U ka masaw bɛɛ benna, nga hali mɔgɔ kelen t'u cɛma min bena kule ne nɔɔ fɛ.

Sofoni 3:2

U ma sɔn ka mɛnni kɛ Masaba fɛ, u ma sɔn a ka ladili ma. U ma u jigi la Masaba kan, u ma sɔn ka gwɛrɛ u ka Ala la.

Rɔmukaw 3:11

Hakili te o si fɛ, o si te Ala yɔrɔ ɲini fana.

Heburuw 2:3

Matigi kɔnna ka kisili min koo fɔ, n'o mɛnbagaw nana o gwɛya an ye, min ye koba ye, n'an m'o jati, an bena se ka kisi cogo di?

Yosuwe 23:12

Nga n'aw bann'a la ka taga nɔrɔ o siya tɔ nunu na, minw be aw cɛma, n'aw furula n'u ye, n'aw jɛnna n'u ye u ka koow la,

Sam fɔlɔ 15:11

«Ne ye Sayuli kɛ masacɛ ye. Ne be nimisa n'o ye, bari a y'a kɔɔ sin ne ma, a te ne ka kuma batora.» O digira Samuyɛli la. A ye Masaba daali fɔɔ ka dugu gwɛ.