Sofoni 1:5 - ALA KA KUMA

⁵ ni minw be yɛlɛ sanbon kan ka sankololafɛnw sɔn, ani minw be ne Masaba bato ka tila ka dajuru ta *Milikɔmu ye,

Jula NT of Côte d’Ivoire

⁵ minw bɛ o kinbiri gban o ta bon kunna ka lolow ni karo bato, minw bɛ o kinbiri gban ka kari Matigi Ala tɔgɔ ra, ani ka kari o ta jo Molɔki fana tɔgɔ ra;

Sofoni 1:5 Iomraidhean Croise

Mas fɔlɔ 11:33

Ko ale bena o kɛ, bari u y'ale Masaba to yen ka taga Sidɔnkaw ka joo *Asitarite sɔn, ani mowabuw ka joo *Kemɔsi, ni amoniw ka joo *Milikɔmu, k'u ma sɔn ale ka fɔta ma ka baara tilennin kɛ ale ɲakɔrɔ, k'u ma sɔn k'ale ka sariya bato k'ale sago kɛ i n'a fɔ ale Solomani facɛ Dawuda.

Mas fɔlɔ 11:5

A y'a jigi la Sidɔnkaw ka joo *Asitarite kan, ani amoniw ka jojugu *Milikɔmu kan.

Mas fɔlɔ 18:21

Eli tagara lɔ jama bɛɛ ɲa k'a fɔ u ye ko: «Aw nɔrɔnin bena to faan fila la fɔɔ ka taga se waati jumɛn ma? N'a kɛra ko Masaba le ye Ala ye, aw ka tugu ale kɔ. N'a kɛra ko *Baali lo fana, aw ka tugu ale kɔ.» Jama ma foyi fɔ.

Mas 2nan 17:32

U tun be siran Masaba ɲa fana. U ye sarakalasebagaw sigi u cɛma sɔnnikɛyɔrɔw kunna k'u ka baara kɛ sɔnnikɛyɔrɔ nunu na.

Mas 2nan 17:33

U tun be siran Masaba ɲa, nga u tun b'u yɛrɛ ka batofɛnw fana bato ka kɛɲɛ ni siyaw ka landaw ye, u tun y'u minɛ ka bɔ minw cɛma ka na n'u ye.

Mas 2nan 17:41

O siya nunu tora ka siran Masaba ɲa, ani ka to k'u ka joow sɔn fana. Halibi u deenw n'u mamadenw be to k'a kɛ i n'a fɔ olu y'a kɛ cogo min na.

Mas 2nan 23:12

Zuda mara masacɛw tun ye sɔnnikɛyɔrɔ minw dilan masacɛ Akazi ka sangaso sanfɛ, masacɛ Zoziyasi ye olu walaka. Masacɛ Manase tun ye minw dilan Masaba ka soo lukɛnɛ fila nunu kɔnɔ, a ye olu walaka fana. A y'u bɔ yen k'u buguri cɛ ka ta'a bɔn Sedirɔn kɔɔ kɛnɛ na.

Ezayi 22:1

Kirayakuma min sinna Yelifɛn kɔkɛnɛ ma. E Zeruzalɛmu, mun lo kɛra? Mun na i kɔnɔ mɔgɔw bɛɛ yɛlɛla boonw sanfɛ?

Ezayi 44:5

Dɔ ben'a fɔ ko: ‹Ne ye Masaba ta ye,› kelen wɛrɛ ben'a fɔ ko ale ye Yakuba kɔmɔgɔ dɔ ye, dɔ wɛrɛ ben'a sɛbɛn a bolo kan ko: ‹Masaba ta,› a ben'a yɛrɛ jati Isirayɛlidenw dɔ ye.»

Ezayi 45:23

Ne be kali n yɛrɛ tɔgɔ la, kuma min be bɔ ne daa la, tiɲɛkuma lo, a te se ka yɛlɛma. Ko mɔgɔw bɛɛ bena u kunbiri gwan ne ɲakɔrɔ ka kali

Ezayi 48:1

«Isirayɛlidenw, aw tulo k'aw malɔ! Isirayɛli tɔgɔ lara aw minw kan, aw minw bɔra Zuda joli la, aw minw be kali ni Masaba tɔgɔ ye, aw minw be Isirayɛli ka Ala daali. Nga o te kɛ ni sɔbɛ ye, tilenniya fana t'a la.

Yeremi 12:16

N'u nana sɔn ka ne ka mɔgɔw kɛcogo dege sɔbɛ la, ka kali ne tɔgɔ la k'a fɔ ko: ‹Masaba kosɔn›, i n'a fɔ u tun ye ne ka mɔgɔw dege kalili la *Baali tɔgɔ la cogo min na, o tuma na, ne bena sigiyɔrɔ di u ma n ka mɔgɔw cɛma.

Yeremi 19:13

Zeruzalɛmu ni Zuda mara masaw ka boonw bena nɔgɔ i n'a fɔ Tafɛti, u ye sɔnni kɛ boon minw bɛɛ sanfɛ ka lolow bato, ani ka batofɛn wɛrɛw sɔn ni jii ye.› »

Yeremi 32:29

Babilɔnika minw be dugu nin kɛlɛla, o bena don a kɔnɔ, ka tasuma don a la k'a jɛni. Mɔgɔw ye *Baali sɔn ani ka jii bɔn batofɛn wɛrɛw ye boon minw sanfɛ ka ne dimi, u bena olu fana jɛni.

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Yeremi 49:1

Masaba b'a fɔra amoniw kosɔn ko: «O tuma na, deen te Isirayɛli fɛ wa? Cɛntabaga t'a fɛ wa? Mun na *Milikɔmu ye Gadi mara minɛ? Mun na a sɔnbagaw sigir'a duguw kɔnɔ?

Yeremi 5:2

Hali n'u be to k'a fɔ u ka kalili la ko: ‹Masaba kosɔn›, u be kali k'a la galon le kan.»

Yeremi 5:7

Zeruzalɛmu, ne bena yafa i ma ka la mun kan? I deenw banna ne la, ka to ka kali joow kan. Ne tun y'u makoyafɛnw bɛɛ d'u ma, O n'a ta bɛɛ, u be tila ka kakalaya kɛ. U fanin lo sungurubabaw ka soow kɔnɔ.

Yeremi 7:10

O bɛɛ kɔ, aw be sɔrɔ ka na lɔ ne ɲakɔrɔ soo nin kɔnɔ, ne tɔgɔ lara min kan, ka to k'a fɔ ko: An kisira, ka tila ka kojugu nunu bɛɛ ɲɔgɔn kɛ tugu.

Yeremi 7:9

« ‹Mun! Aw be soɲali kɛ, ka mɔgɔw faga, ka kakalaya kɛ, ka kɛ seere galontigɛlaw ye. Aw be *Baali sɔn, aw te batofɛn minw lɔn, aw be taga u minɛ siya wɛrɛw fɛ.

Yeremi 8:2

O kolow bena yɛrɛkɛ tile kɔrɔ, ni kalo, ani lolow. Minw koo tun diyara u ye, u ye minw bato, ka tugu u kɔ ka to k'u ɲininga, ani k'u bato. Kolo nunu tena cɛ ka don kaburu kɔnɔ tugu, u bena kɛ nɔgɔ ye dugukolo kan.

Oze ta kitabu 10:2

U kɔnɔ ye filafila ye. O la, u ben'o sara sɔrɔ fana. Masaba le bena u ka batoliyɔrɔ nunu halaki, a bena u ka jokabakuruw mugumugu.

Oze ta kitabu 4:15

Ni aw Isirayɛli mara mɔgɔw be to ka kakalaya kɛ, Zuda mara mɔgɔw kan'a to u niin be sɔrɔ o kunko la! Aw kana taga Giligali batoli kɛyɔrɔ la, aw kana taga Bɛtavɛni. Aw kana kali fana ko: ‹Masaba kosɔn!›

Amɔsi 5:26

Joo min tɔgɔ ko Sikuti, aw y'o le kɛ aw ka masa ye. Aw ye Kiyun minɛ, min ye lolo jaa ye, aw ka joow taamasiɲɛ, aw yɛrɛ ye minw dilan.

Matiyu 6:24

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. O cogo la fana, aw te se ka nafolo kanu, ka baara kɛ Ala ye.

Kɛwalew 10:9

A dugusagwɛ, k'u to sira kan, u yɔrɔ tun man jan Zope la tugu. O tuma na, Piyɛri yɛlɛla sanbon kan tilegwangwanfɛ, ka Ala daali.

Rɔmukaw 14:11

Bari a fɔra Ala ka kuma na ko: «Ne Matigi ɲanaman lo, mɔgɔ bɛɛ ben'a kunbiri gwan ne ɲakɔrɔ, ani mɔgɔ bɛɛ bena Ala tanu.»

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 4:19

«Aw kana tile ni kalo ni lolow ye dɔrɔn ka to k'u bato. Aw kan'a to o sankolo kɔnɔ fɛɛn nunu si batoko nigɛ k'aw minɛ, aw kana baara kɛ u ye. Masaba aw ka Ala y'o koo nunu di siyaw bɛɛ ma.

Yosuwe 23:7

Siya minw tora aw cɛma, aw kana jɛn ni olu ye, aw kana u ka joow tɔgɔ wele, aw kana kali n'u tɔgɔ ye fana, aw kana u sɔn, aw kana aw kunbiri gwan u ɲakɔrɔ.