Dɔnkiriw 4:4 - ALA KA KUMA

⁴ I kankala be i ko Dawuda ka sangaso, o min lɔcogo ka ɲi. Nigɛkunbɛnnan waa kelen le dulonnin b'a la, kɛlɛdenŋanaw ka nigɛkunbɛnnanw lo.

Jula NT of Côte d’Ivoire

⁴ I kankala bɛ i ko masacɛ Dawuda ta sankaso, min lɔra k’a kɛ kɛrɛkɛminanw marayɔrɔ ye; nɛgɛbɛnnan waga kelen le dulonnin b’a kɔnɔ, kɛrɛkɛcɛfari ta nɛgɛbɛnnanw.

Dɔnkiriw 4:4 Iomraidhean Croise

Sam 2nan 1:21

Gilibowa kuluw, sanji kana na aw kan sankofɛrɛ komiji ka yɛlɛ, suman kana sɔrɔ aw ka forow kɔnɔ, tintinw kan! Bari cɛfariw ka nigɛkunbɛnnanw tora o yɔrɔ le la. Sayuli ka nigɛkunbɛnnan tora yen le, min tun be to ka mɔ ni kɛlɛdenw joli ni cɛfariw tulu ye. Zonatan ka toon min tun te kɔsegi ka ye kɛlɛ la, Sayuli ka murujan min tun te kɔsegi ka don gwansan, o bɛɛ tora yen.

Sam 2nan 22:51

Masaba le be see d'a ka masacɛ ma kosɔbɛ. A be koɲuman kɛ a ka mɔgɔ wolomanin Dawuda n'a kɔmɔgɔw ye tuma bɛɛ.»

Nehemi 3:19

Kɛlɛkɛminanw be mara kulu min kan, kogo min be o gɛrɛfɛ, Yesuwa dencɛ Ezɛri, min ye Misipa mara ɲamɔgɔ ye, ale tun be kogo lalagara Binuwi gɛrɛfɛ, k'a ta o yɔrɔ la fɔɔ ka taga se kogo gɔngɔrɔyɔrɔ la.

Zaburu 144:12

An dencɛw ka kɛ i ko yiriw, minw wilicogo ɲana kabini u wilitɔ kura. An denmusow ka kɛ i ko tutunanw, minw ɲɛgɛnni be masaso kɔnɔ.

Dɔnkiriw 1:10

I ka tulolanigɛw ye dɔ fara e ɲada ka ɲa kan. Kɔnɔkisɛ y'i kaan ɲa dɛ!

Dɔnkiriw 7:4

I sinbara fila cɛɛ ka ɲi i ko mankalaniden fila, i ko minanden fila.

Dɔnkiriw 7:5

I kankala be i ko sangaso min lɔra ni samaɲin ye. I ɲadenw be manamana i ko Ɛsibɔn dalan jii min be Batirabɛn donda gɛrɛfɛ. I nunkala be i ko Liban sangaso min lɔnin lo k'a ɲasin Damasi dugu ma.

Dɔnkiriw 8:10

Ne ye dugu laminikogo ye. Ne siinw be i ko sangasow. O la, ne kɛr'a fɛ i ko hɛrɛ dibaga.

Mise 4:8

Ele Siyɔn kulu, e min be jama kɔlɔsi i ko begɛndɛndɛbaga, fɔlɔfɔlɔ kuntigiya nin bena segi ele ma. Masaya bena se Zeruzalɛmukaw le ma.»

Kɔlɔsikaw 2:19

Olu ma sɔn ka nɔrɔ Krista la ale min kɛra kungolo ye, ale min barika la farisogo be kɛ kelen ye k'a ka makoɲafɛnw sɔrɔ fasajuru ni joli siraw fɛ, ka sɔrɔ ka boɲa ka kɛɲɛ ni Ala sago ye.

Piy fɔlɔ 1:5

Setigi Ala be aw minw mara aw jigi kosɔn fɔɔ ka taga se kisili loon yɛrɛ yɛrɛ ma. Ala y' min latigɛ n'o bena kɛ diɲɛ laban tuma na.