Dɔnkiriw 1:3 - ALA KA KUMA

³ I ka tulu kasa ka di ka tɛmɛ tulu bɛɛ kan. I be i ko tulu kasadiman. O kama, i koo ka di sungurudenw ye.

Jula NT of Côte d’Ivoire

³ I munturu kasa ka di. I tɔgɔ bɛ i ko turu kasadiman min kasa bɛ yɔrɔ bɛɛ labɔ. O kosɔn, i ko ka di sungurudenw ye.

Dɔnkiriw 1:3 Iomraidhean Croise

Zaburu 133:2

O be i ko tulu sɔngɔgwɛlɛn, u y'e min bɔn Arɔn kuun na. A be woyor'a bonbosi kan ka jigi a ka fani kaan kan.

Zaburu 45:14

Masacɛ ka kɔɲɔmuso be masaso kɔnɔ n'a ka dawula ye. A kannafani ɲɛgɛnni be ni sanu ye.

Bɔri 33:12

Musa y'a fɔ Masaba ye ko: «A filɛ, i yɛrɛ y'a fɔ ne ye ko ne ka taga ni jama nin ye, k'a sɔrɔ i bena mɔgɔ min ci ka taga ni ne ye, i ma o tigi yira ne la. I ko i be ne lɔn ani ko ne koo diyara i ye.

Bɔri 33:19

Masaba ko: «Ne bena tɛmɛ i ɲakɔrɔ, ka n ka ɲumanya bɛɛ yira i la, ka n tɔgɔ fɔ. Ne b'a fɛ ka makari mɔgɔ min na, ne be makari o tigi la. Ne b'a fɛ ka hinɛ mɔgɔ min na, ne be hinɛ o tigi la.»

Zanaw 27:9

Tulu kasadiman ni wusulan be mɔgɔ dusu diya. Diya min be teriya la, o ka fisa i ma n'i yɛrɛ ka ladili ye.

Waajurikɛbaga 7:1

Tɔgɔɲuman ka fisa ni tulu kasadiman ye. Mɔgɔ salon ka fisa n'a wololon ye.

Dɔnkiriw 3:6

Ee! Jɔn le be wilila ka bɔ kongo la ten, i ko sisi? Mire kasa ni wusulan kasa, ani kasa diman bɛɛ b'a kan.

Dɔnkiriw 4:10

I ka mɔmɔni ka di dɛ, n dɔgɔmuso, ne maminɛmuso! I ka mɔmɔni ka di ka tɛmɛ duvɛn kan. I ka tulu kasadiman kasa ka di ka tɛmɛ wusulanw bɛɛ ta kan!

Dɔnkiriw 5:13

A yewagaw be i ko nankɔ kasadiman, wusulan falennin be yɔrɔ min. A dagolo cɛɛ ka ɲi i ko lisiyiri, mire kasadiman be bɔra min na.

Dɔnkiriw 5:5

Ne wilila ko n be daa yɛlɛ n kanubaga ye, ne bolo bɛɛ tun ye tulu kasadiman ye, tulu kasadiman bɔra ne tigɛ la ka kɛ daa sɔgɔlan kan.

Dɔnkiriw 6:8

Masacɛ musow ye mɔgɔ bi wɔɔrɔ ye, a gɛrɛfɛmusow ye bi seegi ye, sunguruw daa te lɔn.

Ezayi 61:3

A ye ne ci ka *Siyɔnka dusukasininw ka dusukasi ban k'u nisɔndiya kosɔbɛ, ka tanuli don u dusu la ɲanasisi nɔɔ na. U bena kɛ i ko yiri minw be Masaba ka boɲa yira, i ko nankɔ min b'a ka nɔɔrɔ yira.

Matiyu 25:1

«*Sankolo masaya donko bena kɛ i n'a fɔ sunguru tan dɔw ka koo. U tun y'u ka fitinɛw ta k'u be taga kɔɲɔcɛ kunbɛn.

Yuhana 12:3

Mariyamu ye daganin dɔ ta, o fanin tun be tulu kasadiman ɲanaman na, min sɔngɔ ka gwɛlɛ kosɔbɛ. A y'o bɔn Yezu seenw kan ka tila k'a kunsigi kɛ k'a seenw jɔsi, soo bɛɛ fara a kasa la.

Kor 2nan 11:2

Ne be keliya aw kosɔn, o keliya nin bɔra Ala fɛ, bari aw kɛra i n'a fɔ sungurusɔbɛ, ne ye min maminɛ cɛɛ kelen ye, o ye Krista ye.

Filipikaw 4:18

Sisan ne makoyafɛn bɛɛ be ne fɛ yɛrɛ, fɔɔ a tɛmɛn'a daan kan. Tuma min na Epaforaditi nana aw ka dɛmɛ di ne ma, o tuma na o cayara ka tɛmɛ yɛrɛ, min kɛra sarakaɲuman ye Ala sɔnna min na, a diyar'a ye fana.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.