Sariya 9:9 - ALA KA KUMA

⁹ Masaba tun ye bɛɛn min kɛ n'aw ye, ne yɛlɛla kulu kan tuma min na janko k'o walaka kabakurulaman nunu minɛ, ne tora yen tile bi naani ani suu bi naani. Ne ma dumuni kɛ, n ma minni kɛ.

Jula NT of Côte d’Ivoire

⁹ O y’a sɔrɔ ne tun yɛlɛnna kuru kan; Ala ka jɛnɲɔgɔnya* min don ni aw ye, a tun ka o jɛnɲɔgɔnya sariyaw sɛbɛ kabakuru walaka minw kan, ne tun tagara o walakaw le mina. Ne ka tere binaani ni su binaani le kɛ kuru kunna, ne ma domuni kɛ, ne ma ji min.

Sariya 9:9 Iomraidhean Croise

Mas fɔlɔ 19:8

A wilila ka dumuni kɛ ka minni kɛ. A ye fanga min sɔrɔ o dumuni na, a wilila n'o ye ka taama tile bi naani ni suu bi naani kɔnɔ, fɔɔ ka taga se Ala ka kulu kɔrɔ, min ye *Orɛbu kulu ye.

Mas 2nan 6:22

Elize y'a fɔ a ye ko: «Kan'u faga. O tuma na, i ye mɔgɔ minw kɛlɛ k'u minɛ ni murujan, walima kala ye, i be to k'olu faga wa? Dumuni ni jii di u ma, janko u ka dumuni kɛ ka minni kɛ, o kɔ, u ka taga u kuntigi fɛ.»

Bɔri 24:12

Masaba y'a fɔ Musa ye ko: «Yɛlɛ ka na ne fɛ kulu kan, ka to yan. Ne bena walaka kabakurulamanw d'i ma, ne ye n ka sariya ni ladiliw sɛbɛn minw kan, janko ka jama kalan.»

Bɔri 24:15

Ayiwa, Musa yɛlɛla kulu kan tuma min na, sankaba ye kulu datugu,

Bɔri 24:18

Musa yɛlɛla kulu kan ka don sankaba kɔnɔ. A tora kulu kan tile bi naani ni suu bi naani.

Bɔri 31:18

Masaba tilara kuma na ni Musa ye Sinayi kulu kan tuma min na, a ye walaka fila di Musa ma, a ka sariya tan sɛbɛnnin be minw kan. Ala yɛrɛ le tun ye sɛbɛnni nin kɛ walaka kabakurulaman nunu kan.

Bɔri 32:1

Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Bɔri 34:28

Musa ye tile bi naani ni suu bi naani kɛ ni Masaba ye yen, a ma dumuni kɛ, a ma jii min. A ye bɛɛn kuma nunu sɛbɛn walakaw kan, n'o ye sariya tan ye.

Matiyu 4:2

Yezu ye tile bi naani ni suu bi naani kɛ a ma dumuni kɛ, kɔngɔ y'a minɛ.

Galasikaw 4:24

Kɔrɔ b'o koo nin na, bari muso nunu kɛra bɛɛn fila dafananw ye. Bɛɛn min sɔrɔla Sinayi kulu kan, ale be mɔgɔ kɛ jɔɔn ye. O ye Agari ye.

Sariya 8:3

A y'aw majigi k'aw tɔɔrɔ ni kɔngɔ ye, ka sɔrɔ ka maanɛ di aw ma, aw n'aw bɛmaw tun te min lɔn. A y'a yira aw la ten ko mɔgɔ te balo ni dumunifɛn dama ye, nga a be balo ni Masaba dalakuma fana ye.

Sariya 9:11

O tile bi naani ni suu bi naani kɛnin kɔ, Masaba ye walaka fila nunu di ne ma, layidu walakaw.

Sariya 9:15

«Ayiwa, ne kɔsegira ka bɔ kulu nin kan ni layidu walaka fila nunu ye n bolo. Tasuma tun be kulu nin yɔrɔ bɛɛ la.

Sariya 9:18

«O kɔ, ne lara duguma Masaba ɲakɔrɔ tugu ka tile bi naani ani suu bi naani kɛ, n ma dumuni kɛ, n ma jii min. Ne y'o kɛ aw ka hakɛ kosɔn aw ye minw bɛɛ kɛ Masaba faan fɛ, k'a dusu dimi kosɔbɛ.

Heburuw 9:4

Wusulandaga sanulaman, ani Ala ka bɛɛn taamasiɲɛ kɛsu tun be ale kɔnɔ, o kɛsu nin yɔrɔ bɛɛ tun ye sanu ye. Daga sanulaman tun b'a kɔnɔ maanɛ be min na, ani Arɔn ka bere, min feerenna, ani walaka kabakurulamanw, Ala ka sariya tun be minw kan.