Sariya 9:5 - ALA KA KUMA

⁵ A ma kɛ ko aw ka tilenninya kosɔn lo aw bena don ka jamana nin minɛ dɛ, walima aw ka ɲumanya barika la. Nga Masaba aw ka Ala bena siya nunu gwɛn ka bɔ aw ɲa u ka juguya le kosɔn. A ye layidu min ta aw bɛma Ibrayima, ni Isiyaka, ani Yakuba ye, waasa o ka dafa.

Jula NT of Côte d’Ivoire

⁵ A tɛ ko aw terennin lo, walama ko jarakiyɔrɔ tɛ aw ra minkɛ, ko o kosɔn nin siyaw ta jamana dira aw ma. O ta kɛwalejuguya le kosɔn Matigi Ala, aw ta Ala bɛ o gbɛn ka bɔ aw ɲa, janko a tun karira ka layiri min ta aw bɛmaw Iburahima ni Isiyaka ni Yakuba ye, ka o layiri fa.

Sariya 9:5 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 13:15

I ɲaa be jamana min na, ne bena o bɛɛ di e n'i kɔmɔgɔ ma a ka to aw bolo kudayi.

Damina 15:16

I kɔmɔgɔw *filankuru naaninan le bena kɔsegi ka na yan, bari amoriw minw siginin be jamana nin kɔnɔ, olu ka juguya ma se a daan ma fɔlɔ. N'a ser'a daan ma tuma min na, ne bena u gwɛn.»

Damina 15:7

Masaba y'a fɔ a ye fana ko: «Ne ye Masaba ye. Ne le y'i bɔ Uri, Kalide jamana na, janko ka jamana nin d'i ma i ka kɛ a tigi ye.»

Damina 17:8

I nana sigi Kanaan jamana min kɔnɔ, ne bena o bɛɛ di e, n'i kɔmɔgɔw ma, a ka kɛ aw ta ye kudayi. Ne bena kɛ u ka Ala ye.»

Damina 19:29

Ala ye kɔkɛnɛ dugu nunu halaki tuma min na, a y'a hakili to Ibrayima la, ka Lɔti kisi dugu nunu halakituma na, Lɔti tun siginin be yɔrɔ min na.

Damina 26:4

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la

Damina 28:13

Masaba lɔnin tun be sanfɛ, k'a fɔ ko: «Ne ye Masaba ye, i faa Ibrayima ka Ala ni Isiyaka ka Ala. I lanin be dugukolo min kan, ne ben'a di ele n'i kɔmɔgɔw ma.

Bɔri 32:13

I hakili to i ka baarakɛlaw la: Ibrayima ni Isiyaka ani Isirayɛli, i ye layidu ta i yɛrɛ tɔgɔ la minw ye, ko i bena u kɔmɔgɔw caya i n'a fɔ lolow. Ko i kumana jamana min koo la, ko i bena o di u kɔmɔgɔw ma, a ka kɛ u ta ye kudayi.»

Ezekiyɛli 20:14

Nga ne ma o kɛ janko ne y'u bɔ Ezipiti siya minw ɲana, olu kana na ne tɔgɔ cɛn.

Ezekiyɛli 36:22

«O le kosɔn, a fɔ Isirayɛlidenw ye ko ne Matigi, Masaba ko: Isirayɛlidenw, ne tena nin kɛ aw kosɔn, ne ben'a kɛ n tɔgɔ senuman le kosɔn, aw ye min cɛn siya wɛrɛw cɛma aw taayɔrɔw la.

Ezekiyɛli 36:32

Aw k'a lɔn ko ne tena nin kɛ aw kosɔn dɛ. Ne Matigi, Masaba le ko ten. Isirayɛlidenw, aw ka maloya, aw kuun ka surun aw taamacogo kosɔn!

Sarakalasebagaw 18:24

«Aw kana aw yɛrɛw nɔgɔ o koo nunu si la, bari ne be siya minw gwɛnna ka bɔ aw ɲafɛ, olu y'u yɛrɛ nɔgɔ ten le.

Sarakalasebagaw 18:25

O la, jamana nin nɔgɔra. O le y'a to ne y'u ka tilenbaliya sara, k'u gwɛn a ka bɔ jamana nin na.

Mise 7:20

I bena i ka kantigiya yira Yakuba kɔmɔgɔw la, i bena i ka ɲumanya kɛ Ibrayima kɔmɔgɔw ye, i ko e tun y'i daa di an faaw ma cogo min na kabini fɔlɔfɔlɔ.

Kɛwalew 3:25

Aw ye kiraw ka deenw ye. Ala tun ye bɛɛn min kɛ n'aw faaw ye Ibrayima barika la, aw y'o deenw ye. A tun ko: ‹Gwasow bɛɛ bena duba sɔrɔ i kɔmɔgɔ barika la.›

Rɔmukaw 11:28

Kibaru diman faan fɛ, u kɛra Ala juguw ye, o kɛra aw siya wɛrɛw ka dagamu ye, nga Ala ka wolomani faan fɛ, u koo ka di Ala ye u faaw kosɔn,

Rɔmukaw 15:8

Ne b'a fɔ tiɲɛ na ko Ala ka kantigiya kosɔn, Krista ye baara kɛ zuwifuw ye, janko Ala tun y'a daa di koo minw na an faaw ye, o ka kɛ.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 12:31

Aw kana o ɲɔgɔn kɛ Masaba aw ka Ala ye. Bari u be kodagabali minw kɛ u ka joow ye, o koo man di Masaba ye. U be to k'u dencɛw ni denmusow yɛrɛ kɛ k'u ka joow sɔn n'u ye, k'u jɛni u ye.

Sariya 18:12

O koo ɲɔgɔn kɛbagaw koo man di Masaba ye fewu. O koow le kosɔn, Masaba aw ka Ala bena siya nunu gwɛn ka bɔ aw ɲa.

Sariya 18:9

«Masaba aw ka Ala be jamana min dira aw ma, n'aw donna o kɔnɔ tuma min na, aw kana o yɔrɔ siyaw ka baarakolonw dege.

Sariya 20:18

janko u kana aw dege u ka kojuguw la u be minw kɛ u ka batofɛnw ye ka Masaba aw ka Ala hakɛ ta.

Tite 3:5

a y'an kisi. O ma kɛ an ka kɛwaliɲuman kosɔn, nga a ka makari le kosɔn a y'o kɛ, an ye niikura sɔrɔ jii kɔnɔ koli fɛ Nii Senuman barika la, sisan an ɲanaman lo Ala faan fɛ.