Sariya 9:4 - ALA KA KUMA

⁴ «Ni Masaba aw ka Ala y'u gwɛn ka bɔ aw ɲa ka ban tuma min na, aw kana miiri ko aw ka tilenninya kosɔn lo Masaba y'a kɛ aw sera ka jamana nin minɛ. Ayi dɛ! Masaba be siya nunu gwɛn aw ɲa u ka juguya le kama.

Jula NT of Côte d’Ivoire

⁴ Nka ni Matigi Ala, aw ta Ala nana o siyaw gbɛn ka bɔ aw ɲa, aw kana a fɔ aw yɛrɛ kɔnɔ ko: «Anw terennin lo minkɛ, o kosɔn Matigi Ala ka an ladon nin jamana ra k’a kɛ an ta ye.» O tɛ dɛ! Nin siyaw ta kɛwalejuguya le kosɔn Matigi Ala bɛ o gbɛn ka bɔ aw ɲa.

Sariya 9:4 Iomraidhean Croise

Damina 15:16

I kɔmɔgɔw *filankuru naaninan le bena kɔsegi ka na yan, bari amoriw minw siginin be jamana nin kɔnɔ, olu ka juguya ma se a daan ma fɔlɔ. N'a ser'a daan ma tuma min na, ne bena u gwɛn.»

Ezekiyɛli 36:22

«O le kosɔn, a fɔ Isirayɛlidenw ye ko ne Matigi, Masaba ko: Isirayɛlidenw, ne tena nin kɛ aw kosɔn, ne ben'a kɛ n tɔgɔ senuman le kosɔn, aw ye min cɛn siya wɛrɛw cɛma aw taayɔrɔw la.

Ezekiyɛli 36:32

Aw k'a lɔn ko ne tena nin kɛ aw kosɔn dɛ. Ne Matigi, Masaba le ko ten. Isirayɛlidenw, aw ka maloya, aw kuun ka surun aw taamacogo kosɔn!

Sarakalasebagaw 18:3

Aw tun be Ezipiti jamana min kɔnɔ, o yɔrɔ mɔgɔw tun be koo minw kɛ, aw kana o ɲɔgɔn kɛ. Ne be taga n'aw ye Kanaan jamana min kɔnɔ fana, aw kana olu ka kɛwaliw ɲɔgɔn kɛ, aw kana tugu u ka landaw kɔ.

Rɔmukaw 11:20

O ye tiɲɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ boɲa, aw ka siran le.

Rɔmukaw 11:6

Nga ni wolomani nin be kɛ Ala ka nɛɛma barika la, kɛwali niin t'o la tugu, n'o tɛ, o te kɛ nɛɛmako ye tugu.

Kor fɔlɔ 4:4

Hali ni ne dusu te ne jalaki, a ma kɛ k'o le kosɔn ne ye jalakibali ye, nga ne jalakibaga ye Matigi ye.

Kor fɔlɔ 4:7

Jɔn le y'a kɛ i fisayara ni tɔw ye? Mun le b'i fɛ ni Ala m'o d'i ma? N'i do y'o sɔrɔ Ala fɛ, mun na e b'i yɛrɛ boɲa i n'a fɔ i yɛrɛ seko lo?

Sariya 12:31

Aw kana o ɲɔgɔn kɛ Masaba aw ka Ala ye. Bari u be kodagabali minw kɛ u ka joow ye, o koo man di Masaba ye. U be to k'u dencɛw ni denmusow yɛrɛ kɛ k'u ka joow sɔn n'u ye, k'u jɛni u ye.

Sariya 31:27

Bari ne be aw ka murutiko n'aw ka tulogwɛlɛya lɔn. Aw kɛra mɔgɔmurutininw ye Masaba kama, k'a sɔrɔ ne be nii na aw cɛma. Ni ne sara, aw bena kɛ cogo di sa?

Sariya 8:17

Aw kana miiri ko aw ye nafolo sɔrɔ aw yɛrɛ ka fanga barika la dɛ.

Sariya 9:24

Kabini ne y'aw lɔn, aw be to ka muruti Masaba ma.

Sariya 9:5

A ma kɛ ko aw ka tilenninya kosɔn lo aw bena don ka jamana nin minɛ dɛ, walima aw ka ɲumanya barika la. Nga Masaba aw ka Ala bena siya nunu gwɛn ka bɔ aw ɲa u ka juguya le kosɔn. A ye layidu min ta aw bɛma Ibrayima, ni Isiyaka, ani Yakuba ye, waasa o ka dafa.

Sariya 9:7

«Aw ye Masaba aw ka Ala dusu gwan cogo min na k'aw to kongokolon kɔnɔ, aw k'aw hakili to o la, aw kana ɲinɛ o kɔ. Kabini aw bɔtuma Ezipiti fɔɔ ka na se yan, aw b'a la ka muruti Masaba ma.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.