Sariya 9:26 - ALA KA KUMA

²⁶ Ne y'a daali ko: ‹Matigi, Masaba, kana i ka jama nin halaki, kana i ta halaki. I y'o min hɔrɔnya ka bɔ Ezipiti jamana na, i ka fangatigiya n'i ka sebagaya barika la.

Jula NT of Côte d’Ivoire

²⁶ Ne ka Matigi Ala daari k’a fɔ ko: «E, Dunuɲatigi Ala, sabari i kana i ta mɔgɔw halaki, sabu nin mɔgɔw ye i ta le ye. Ele le ka o kunmabɔ ni i ta fanga ye, ka o labɔ Misiran jamana ra i ta sebagaya baraka ra.

Sariya 9:26 Iomraidhean Croise

Sam 2nan 7:23

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Ele Ala ye minw kunmabɔ, k'u kɛ e yɛrɛ taw ye, janko u tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya n'u ka batofɛnw bolo.

Mas fɔlɔ 8:51

Bari e ka jama lo, i ta lo, e le y'u bɔ Ezipiti jamana na, k'u sama ka bɔ tasumaba kɔnɔ.

Mas fɔlɔ 8:53

Bari i y'u woloma ka bɔ dugukolo kan siya tɔw bɛɛ la k'u kɛ i ta ye, i ko i tun y'a fɔ i ka baarakɛla Musa barika la cogo min na, e Matigi, Masaba tun y'an faaw bɔ Ezipiti jamana na tuma min na.»

Nehemi 1:10

Masaba, u kɛra ele ka baaradenw, n'i ka jama ye, ele le y'u kunmabɔ i ka sebagaya la n'i bolo barikaman ye.

Zaburu 106:23

Masaba tun y'a fɔ ko a bena u halaki, a ka mɔgɔ wolomanin Musa y'a daali. A y'a daali ko a ka sabali, ko a kana u halaki.

Zaburu 107:2

Masaba ye minw kumabɔ k'u bɔsi u juguw bolo, u ka kan k'o le fɔ.

Zaburu 28:9

Masaba, e ka jama kisi, ka barika don u la. Kɛ u marabaga ye, k'u dɛmɛ tuma bɛɛ la.

Zaburu 57:1

Dɔnkililabagaw kuntigi ka dɔnkili. Dawuda ka dɔnkili dɔ a bolituma na ka dogo farawo kɔnɔ Sayuli ɲa, u ko min ma «Kana cɛnni kɛ.»

Zaburu 77:15

Ele Ala le be kabakow kɛ. E b'i ka sebagaya yira siyaw cɛma.

Zaburu 78:35

U hakili jigira ko Ala y'u tangakabakuru ye, ko Fɛɛn bɛɛ kuntigi Ala le y'u kunmabɔbaga ye.

Zaburu 99:6

Musa ni Arɔn tun b'a ka sarakalasebagaw cɛma. Samuyɛli tun be Ala daalibagaw cɛma, olu le ye Masaba daali, a y'u jaabi.

Bɔri 15:13

E ye jama min kunmabɔ i ka makari kosɔn, i y'u dɛmɛ u ka taama na. I y'u dɛmɛ ka taga i ka yɔrɔ la, i ka sebagaya barika la.

Bɔri 33:13

Ni ne koo diyara i ye sɔbɛ la, ne b'a ɲini i fɛ ko e k'i ka koo yira ne la. O la, ne bena i lɔn, ani ne koo bena diya i ye. I hakili ka to a la ko siya nin ye i ka jama ye.»

Bɔri 34:9

A ko: «Masaba, ni ne koo diyara i ye, ne b'a ɲini i fɛ ko i ka taga n'an ye. Jama nin tulo kɔni ka gwɛlɛ, o bɛɛ n'a ta, i k'an ka tilenbaliya n'an ka hakɛ yafa k'an minɛ ka kɛ i yɛrɛ ta ye.»

Ezayi 44:23

Sankolo ka nisɔndiyapɛrɛnkan bɔ! Bari, Masaba ye dɔ kɛ. Dugukolo kɔnɔna ka nisɔndiya! Kuluw, ni tuuw ani yiriw bɛɛ ka nisɔndiya mankan kɛ! Sabu, Masaba y'a ka jama hɔrɔnya, a y'a ka sebagaya yira Isirayɛlidenw la.

Ezayi 63:19

Kabini tumajan, i ma kɛ an ka masacɛ ye, a kɛra i ko i tɔgɔ yɛrɛ ma la an ka siya kan. Ee! N'i tun ye sankolo faran ka jigi kɔni, kuluw tun bena yɛrɛyɛrɛ i ɲa!

Yeremi 14:21

Kana an fili i bolo kɔ, i tɔgɔ kosɔn, kan'a to i ka masasigiyɔrɔ be mafiɲɛ ya. I hakili to an ka bɛɛn la, i kan'a cɛn.

Yeremi 15:1

Masaba y'a fɔ ne ye ko: «Hali ni Musa ni Samuyɛli ye ne daali mɔgɔ nunu kosɔn, u makari tena ne minɛ! U gwɛn ka bɔ ne ɲakɔrɔ! U ka taga!

Kasikan 2:20

Ee! Masaba, a filɛ kɛ: E be jɔn le tɔɔrɔla ten? Muso be se k'a yɛrɛ deenw balo ka tila k'o ɲimi wa? Sarakalasebagaw ni kiraw ka kan ka faga i ka sigiyɔrɔ la wa?

Mise 6:4

Ne y'aw bɔ Ezipiti jamana na minkɛ wa? Ne y'aw hɔrɔnya jɔnya jamana na minkɛ wa? Ne ye Musa ni Arɔn ani Miriyama di aw ma k'o kɛ aw ka ɲamɔgɔw ye minkɛ wa?

Sariya 13:5

Aw ka tugu Masaba aw ka Ala kɔ, ka siran a ɲa. Aw k'a ka kuma bato sɔbɛ la, k'ale kelenpe bato ka nɔrɔ a la.

Sariya 15:15

Aw hakili ka to a la ko aw tun ye jɔɔnw ye Ezipiti, ani ko Masaba aw ka Ala y'aw hɔrɔnya. O kosɔn, ne be nin fɔ aw ye bii.

Sariya 21:8

Masaba, yafa i ka Isirayɛli jama ma, i ye min hɔrɔnya, kana u jati mɔgɔ jalakibali fagabagaw ye.› O la, u bena se k'o kunko bɔ u yɛrɛ kun.

Sariya 32:9

Bari Masaba ye Isirayɛlidenw mara a yɛrɛ ye, a ye Yakuba kɔmɔgɔw kɛ a yɛrɛ ta ye.

Sariya 7:8

Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Sariya 9:12

O kɔfɛ, a sɔrɔla k'a fɔ ne ye ko: ‹Jigi ka bɔ yan yɔrɔ la joona joona, i bɔra ni jama min ye Ezipiti, u y'u yɛrɛ ɲagami. Ne ye sira min don u seen kɔrɔ, u y'o bila yewu ka joo dɔ dilan ni nigɛ ye.›

Sariya 9:27

I hakili to i ka baarakɛla Ibrayima, ni Isiyaka, ani Yakuba la. Kana jama nin ka tulogwɛlɛya, n'a ka juguya, n'a ka hakɛ jati.

Sariya 9:29

Masaba, i ka jama lo, e ta lo, ele lo bɔra n'u ye i ka fanga n'i ka sebagaya barika la.›

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Heburuw 9:12

Krista ma don o Yɔrɔ senumanw ka senuman na ka bakɔrɔnin joli, walima misiden joli di Ala ma dɛ. Nga a y'a yɛrɛ joli le di Ala ma siɲɛ kelenpe k'anw hɔrɔnya pewu!

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.

Sam fɔlɔ 7:9

Sagaden minw be siin min, Samuyɛli y'u dɔ minɛ k'o kɛ saraka jɛnita ye Masaba ma k'a bɛɛ jɛni. A ye Masaba daali Isirayɛlidenw ye, Masaba fana y'a ka daalili minɛ.