Sariya 9:12 - ALA KA KUMA

¹² O kɔfɛ, a sɔrɔla k'a fɔ ne ye ko: ‹Jigi ka bɔ yan yɔrɔ la joona joona, i bɔra ni jama min ye Ezipiti, u y'u yɛrɛ ɲagami. Ne ye sira min don u seen kɔrɔ, u y'o bila yewu ka joo dɔ dilan ni nigɛ ye.›

Jula NT of Côte d’Ivoire

¹² O tuma ra, Matigi Ala k’a fɔ ne ye ko: «Wuri ka bɔ yan, i ye jigi ka taga joona joona, sabu i bɔra ni i ta mɔgɔ minw ye Misiran, o ka kojuguba kɛ. Ne tun ka sira min yira o ra, o ka o yɛrɛ mabɔ o le ra yɔrɔnin kelen na ka ban. O ka sanin yeele ka o kɛ batofɛn dɔ ye.»

Sariya 9:12 Iomraidhean Croise

Zaburu 78:57

U kɛra janfaciw ye ka ban i ko u faaw. U kɛra i ko kala min ma ɲi.

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 32:1

Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Oze ta kitabu 6:4

«Ne bena mun le kɛ aw la sa, Efarayimu kɔmɔgɔw? Zuda mara mɔgɔw, ne bena mun kɛ aw la sa? Aw ka kanuya kɛra i ko sɔgɔma kabaforoko, i ko komiji min be tunu joona.

Galasikaw 1:6

Ala min y'aw wele Krista ka nɛɛma barika la, aw banna ale la joona joona, ka tugu kibaru diman wɛrɛ kɔ, o ye ne kabakoya kosɔbɛ.

Sariya 31:29

Bari ne b'a lɔn ko ne sanin kɔ, aw bena kɛ mɔgɔjuguw yɛrɛ yɛrɛ ye. Ne ye sira min yira aw la, aw bena aw yɔrɔ jaɲa o la. Kojugu bena aw sɔrɔ waati nata la bari aw bena kojugu kɛ Masaba aw ka Ala ɲakɔrɔ, k'a dusu dimi n'aw ka kɛwaliw ye.»

Sariya 32:5

U kɛra janfaciw ye a faan fɛ. Maloya ka kɛ u ta ye! U t'a deenw ye tugu. Mɔgɔjuguw lo, u tilennin tɛ.

Sariya 4:16

Aw kana kojugu kɛ, ka jaa lɛsɛ k'o kɛ joo ye k'a kɛ i n'a fɔ muso, walima cɛɛ jaa,

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.

Sariya 9:16

N nana aw sɔrɔ aw tun ye Masaba aw ka Ala hakɛ ta. Aw tun ye nigɛ yelen k'a kɛ misiden jaa ye, Masaba tun ye sira min don aw seen kɔrɔ, aw y'o bila yewu!

Sariya 9:26

Ne y'a daali ko: ‹Matigi, Masaba, kana i ka jama nin halaki, kana i ta halaki. I y'o min hɔrɔnya ka bɔ Ezipiti jamana na, i ka fangatigiya n'i ka sebagaya barika la.

Sariya 9:29

Masaba, i ka jama lo, e ta lo, ele lo bɔra n'u ye i ka fanga n'i ka sebagaya barika la.›

Zude 1:10

O mɔgɔ nunu te fɛɛn minw lɔn, u be olu le lɔgɔbɔ. Lɔnniya min b'u fɛ, o ye adamaden ta ye, o ni kongosogo bɛɛ ta ka kan, o le b'u bila halakili la.

Kititigɛbagaw 2:17

Nga u yɛrɛ ma sɔn ka mɛnni kɛ u ka cɛfariw fɛ, u tun tagara nɔrɔ joow la, ka to k'u kunbiri gwan u ɲafɛ. U faaw tun ye sira min ta, u y'o bila joona joona, u ma sɔn ka Masaba ka sariya bato i n'a fɔ u faaw y'a kɛ cogo min na.