Sariya 9:1 - ALA KA KUMA

¹ «Isirayɛlidenw, aw ye mɛnni kɛ. Aw bena Zurudɛn baji tigɛ bii ka taga siya dɔw ka jamana minɛ, olu minw ka ca n'aw ye, u barika ka bon n'aw ta ye fana. U ka duguw ka bonbon, u laminikogow ka janjan kosɔbɛ.

Jula NT of Côte d’Ivoire

¹ Izirayɛlimɔgɔw, aw ye lamɛnni kɛ! Aw bɛna Zuridɛn ba tigɛ bi. Siya minw ka ca ni aw ye, ani minw baraka ka bon ni aw ta ye, aw bɛna taga olugu ta jamanaw mina, ani o ta dugu barakaman minw lamininin bɛ ni kogojanw ye k’a wuri fɔ san fɛ.

Sariya 9:1 Iomraidhean Croise

Damina 11:4

U ko: «Aw ye na, an ka dugu sigi, ka sangasojan lɔ a kɔnɔ, a kuun ka se fɔɔ sankolo la, an ka tɔgɔba sɔrɔ, janko an kana jɛnsɛn dugukolo yɔrɔ bɛɛ la.»

Bɔri 32:1

Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Daniyɛli 4:11

A pɛrɛnna kosɔbɛ k'a fɔ ko: Aw ka yiri nin ben, k'a bolow tigɛ, k'a furaburu bɔ, k'a deenw yɛrɛkɛ! Kongosogow ka boli ka bɔ a kɔrɔ, kɔnɔw ka wili ka bɔ a kan!

Amɔsi 2:9

K'a sɔrɔ amoriw minw tun ka jan i ko sɛdiriyiriba, fanga tun be minw na i ko joyiri, ne y'olu halaki u ɲana. Ne y'u halaki, k'a ta u deenw ma fɔɔ ka ta'a bila u lili la.

Jateri 13:22

U tɛmɛna ka don jamana nin worodugu ɲafan na ka taga se Eburɔn, Anaki kɔmɔgɔ Ayiman ni Sesayi ni Talimayi siginin tun be yɔrɔ min na. Eburɔn dugu tun sigira, saan wolonwula, *Tanisi ka sɔrɔ ka sigi Ezipiti jamana na.

Jateri 33:51

«Kuma Isirayɛlidenw fɛ k'a fɔ u ye ko n'u ye Zurudɛn baji tigɛ ka don Kanaan jamana na tuma min na,

Sariya 1:28

Anw bena taga min? An balimaw y'an fari faga, u ko: ‹Mɔgɔ nunu barika ka bon n'an ta ye, u ka janjan n'an ye, u ka duguw ka bonbon, u laminikogow ka janjan kosɔbɛ. An yɛrɛ ye anaki dɔw ye yen.› »

Sariya 11:23

Masaba bena siya nunu bɛɛ gwɛn ka bɔ aw ɲa, ani siya minw ka ca n'aw ye, n'u barika ka bon n'aw ta ye, aw bena olu gwɛn, k'u ka jamana minɛ.

Sariya 11:31

«Aw bena Zurudɛn baji tigɛ ka taga jamana nin minɛ, Masaba aw ka Ala be min dira aw ma. Aw bena o kɛ aw ta ye, ka sigi a kɔnɔ.

Sariya 27:2

Masaba aw ka Ala be jamana min dira aw ma, n'aw ye Zurudɛn baji tigɛ ka don a kɔnɔ loon min na, aw ka kan ka kabakurubaba dɔw lɔ k'u gwɛ.

Sariya 3:18

O tuma na, ne y'a fɔ aw ye ko: «Sisan Masaba aw ka Ala ye mara nin d'aw ma. Nga cɛɛ minw be se kɛlɛ la, olu bɛɛ ka kan k'u ka kɛlɛkɛminanw ta ka Zurudɛn baji tigɛ aw balima Isirayɛlidenw ɲa.

Sariya 4:1

Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Sariya 4:38

Siya minw ka ca n'aw ye, n'u fanga ka bon n'aw ta ye, a ben'a kɛ olu be boli aw ɲa, k'a kɛ aw ka don u ka jamana kɔnɔ, k'u ka jamana di aw ma, i n'a fɔ a be kɛra cogo min na bii.

Sariya 6:10

«Masaba aw ka Ala tun ye jamana min layidu ta aw bɛma Ibrayima ni Isiyaka ani Yakuba ye, n'a y'a kɛ aw donna o kɔnɔ tuma min na, dugubaba ɲumamanw be min kɔnɔ aw ma minw lɔ,

Sariya 7:1

«Aw bena jamana min minɛ, ni Masaba aw ka Ala y'a kɛ aw donna o kɔnɔ, n'a ye siya caaman nunu gwɛn ka bɔ aw ɲa, olu minw ye itiw ye, ni girigasiw, ani amoriw, ni kanaanw, ani periziw, ni iviw, ani zebuziw ye. Siya wolonwula minw ka ca, fanga b'o la fana ka tɛmɛ aw kan.

Yosuwe 1:11

«Aw ye wili ka don jama cɛma k'a fɔ u ye ko u ka dumuni labɛn k'o kɛ ɲasigi ye, bari yanni tile saba u bena Zurudɛn baji nin tigɛ. Masaba u ka Ala ye jamana min di u ma janko a ka kɛ u ta ye, u be don o kɔnɔ.»

Yosuwe 1:15

fɔɔ ni Masaba ye lafiɲɛyɔrɔ di olu fana ma tuma min na i n'a fɔ aw, ani ka jamana nin sɔrɔ k'a kɛ u yɛrɛ ta ye, Masaba aw ka Ala be min di u ma. O kɔ, aw bena kɔsegi ka na sigi aw ka jamana kɔnɔ, Masaba ka baarakɛla Musa tun ye min di aw ma Zurudɛn baji kɔfɛ kɔrɔn fɛ.»

Yosuwe 14:12

O la, Masaba tun ye kuluyɔrɔ min koo fɔ o waati la, i ka o di ne ma, bari e yɛrɛ tun y'a mɛn k'o yɔrɔ ye anakiw sigiyɔrɔ ye, ani cɛfariduguw be o yɔrɔ la fana. N'a sɔrɔ Masaba bena fara ne kan, ne bena se k'u gwɛn i ko a tun y'a fɔ cogo min na.»

Yosuwe 3:14

O la, jama bɔra u ka sigiyɔrɔ la janko ka taga Zurudɛn baji tigɛ. Sarakalasebaga minw tun ye Ala ka layidu taamasiɲɛ kɛsu ta, olu bilara jama ɲafɛ.

Yosuwe 3:16

Jii min tun be bɔ sanfɛla la ka boli ka na, o lɔra yɔrɔ kelen fɔɔ yɔrɔjan na, Adami gɛrɛfɛ, dugu min be Saritan gɛrɛfɛ. Jii min tun be boli ka jigi *Kɔgɔji Fariman faan fɛ, o tigɛra pewu. Jama tɛmɛna baa kɔnɔ ka tilen ni Zeriko dugu ye.

Yosuwe 3:6

O kɔ, Zozuwe y'a fɔ sarakalasebagaw ye k'u ka Ala ka layidu taamasiɲɛ kɛsu ta, ka tɛmɛ ka bila jama ɲafɛ. U y'a ta ka tɛmɛ jama ɲafɛ.

Yosuwe 4:19

Jama tun ye Zurudɛn baji tigɛ saan kalo fɔlɔ tile tannan loon, ka na sigi Giligali, Zeriko kɔrɔn ɲafan fɛ.

Yosuwe 4:5

k'a fɔ u ye ko: «Aw ye tɛmɛ Masaba aw ka Ala ka layidu taamasiɲɛ kɛsu ɲafɛ Zurudɛn baji cɛmancɛ la, aw kelen kelen bɛɛ ka kabakuru ɲun k'a bila aw gaman kan ka kɛɲɛ ni Isirayɛlidenw ka sokalaw daa ye,