Sariya 8:19 - ALA KA KUMA

¹⁹ «N b'a fɔ aw ye bii k'a gwɛlɛya ko n'aw ɲinɛna Masaba aw ka Ala kɔ, k'aw jigi la batofɛn wɛrɛw kan ka to k'u bato ani k'aw kunbiri gwan u kɔrɔ, aw bena halaki pewu.

Jula NT of Côte d’Ivoire

¹⁹ Ni aw kɔni ka ɲina Matigi Ala, aw ta Ala kɔ, ka taga ala wɛrɛw kɔ, ka taga aw kinbiri gban olugu kɔrɔ, ka o bato, ne b’a fɔ aw ye bi k’a gbɛlɛya, ko ni aw ka o kɛ, aw bɛɛ bɛna halaki pewu.

Sariya 8:19 Iomraidhean Croise

Yeremi 25:6

Aw kana tugu batofɛn wɛrɛw kɔ k'u sɔn. Aw kana ale dusu dimi n'aw ka bolola dilanfɛnw ye. O la, a tena kojugu si kɛ aw la.›

Yeremi 7:6

n'aw te lonanw tɔɲɔ, ni falatɔw, ani firiyamusow, n'aw te mɔgɔ jalakibaliw faga yɔrɔ nin na, n'aw ye batofɛn wɛrɛw ye k'u to yen, min be bɔnɛ se aw ma,

Daniyɛli 9:2

ne Daniyɛli tun be kitabuw kɔnɔnakuma jatiminɛ na. Masaba tun ye Zeruzalɛmu halakiko min fɔ kira Zeremi ye, ko Zeruzalɛmu halakinin bena to saan bi wolonwula, ne y'o faamu.

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Sofoni 1:18

U ka wari wo, u ka sanu wo, o si tena se k'u kisi Masaba dimilon na. Dugukolo bɛɛ bena jɛni a ka dusugwankojugu fɛ. A bena kɛ loon juguman ye dɛ! Bari a bena dugukolo kan mɔgɔw bɛɛ sii tunu.»

Sofoni 3:6

Masaba ko: «Ne ye siya dɔw sii tunu, k'u ka mara yɔrɔ barikamanw cɛn. Ne y'u ka dugu kɔnɔ siraw to lakolon, mɔgɔ te yen minw be tɛmɛ u kan tugu! U ka duguw cira, mɔgɔ te yen tugu. Mɔgɔ si te yen tugu ka sigi u kɔnɔ!

Luka 13:3

Ne b'a fɔ aw ye ko tiɲɛ tɛ. Ni aw ma nimisa ka faran aw ka kojuguw la, aw bɛɛ bena halaki fana.

Luka 13:5

Ne b'a fɔ aw ye ko tiɲɛ tɛ. Ni aw ma nimisa ka faran aw ka kojuguw la, aw bɛɛ bena halaki fana.»

Sariya 11:16

«Aw k'aw yɛrɛ minɛ kosɔbɛ, aw kana jɛngɛ ka bɔ siratilennin kan, ka fɛɛn wɛrɛw bato, ani k'aw kunbiri gwan u kɔrɔ.

Sariya 31:20

Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Sariya 4:26

ne be sankolo ni dugukolo kɛ n seerew ye bii aw kama, aw bena Zurudɛn baji tigɛ ka jamana min minɛ k'a kɛ aw ta ye, aw bena sa ka tunu joona joona ka bɔ o kɔnɔ. Aw tena sijan sɔrɔ, aw bena halaki pewu ka bɔ o yɔrɔ la.

Yosuwe 23:13

aw k'a lɔn ko Masaba aw ka Ala tena to k'o siya nunu gwɛn aw ɲafɛ tugu. U bena kɛ juru ni jaanw ye k'aw minɛ ani ka kɛ golokami ye aw kɔɔ kan, ni ŋɔni ye k'aw ɲaa sɔgɔ, fɔɔ ka taga aw halaki ka ban jamanaɲuman nin kɔnɔ, Masaba aw ka Ala ye min di aw ma.

Sam fɔlɔ 12:25

Nga ni aw ye kojugu kɛ, aw ni aw ka masacɛ bena halaki.»