Sariya 8:1 - ALA KA KUMA

¹ «Ne be koo minw fɔra aw ye bii, aw ka jija k'o bɛɛ kɛ, janko aw ka to nii na, ka caya, ani ka se ka don jamana nin kɔnɔ k'a minɛ. Masaba ye min layidu ta aw bɛmaw ye.

Jula NT of Côte d’Ivoire

¹ Ayiwa, ne bɛ nin kuma minw fɔra aw ye bi, aw ye jija ka o bɛɛ kɛ a cogo ra, janko aw ye si sɔrɔ, ka caya, ani janko Matigi Ala karira ko a bɛna jamana min di aw bɛmaw ma, aw ye taga don o jamana ra k’a kɛ aw ta ye.

Sariya 8:1 Iomraidhean Croise

Ezekiyɛli 20:19

Ne ye Masaba ye, aw ka Ala. Aw ka ne ka kolatigɛninw kɛ ka ne ka fɔtaw bato ka ɲa.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 4:1

Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Sariya 5:32

«Masaba aw ka Ala ye koo minw fɔ aw ye, aw ka jija k'olu bato, aw kana olu dabila fewu.

Sariya 5:33

Masaba aw ka Ala ye sira min yira aw la, aw k'o ta sɛbɛ la janko aw ka to nii na ka hɛrɛ ni sijan sɔrɔ, jamana nin kɔnɔ aw bena min minɛ.

Sariya 8:18

Nga aw k'aw hakili to Masaba aw ka Ala la, ale min be see d'aw ma, aw ka se ka nafolo sɔrɔ, janko a ye layidu min ta aw bɛmaw ye, a ka se k'a yira ko a bena o dafa i n'a fɔ a be cogo min na bii.