Sariya 7:9 - ALA KA KUMA

⁹ «Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.

Jula NT of Côte d’Ivoire

⁹ O ra, aw y’a lɔn ko Matigi Ala, aw ta Ala le ye Ala ye, Ala kankelentigi; mɔgɔ minw b’a kanu, k’a ta sariyaw sira tagama, a bɛ to a ta jɛnɲɔgɔnya* ra ni olugu ye, ka koɲuman kɛ o ye, k’a kɛ o ta denw ye, fɔ ka taga se o ta duruja waga kelennan ma.

Sariya 7:9 Iomraidhean Croise

Damina 17:7

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

Damina 28:15

Ne bena to i fɛ. Ne bena i tanga i ka taayɔrɔw bɛɛ la, ka kɔsegi ka na n'i ye jamana nin kɔnɔ. Ne ye min fɔ i ye, ne tena i bila ni ne m'o kɛ.»

Damina 9:15

ne hakili bena jigi an ka bɛɛn na, min be ne ni aw cɛ, ani nimanfɛn sifa bɛɛ cɛ. O saan tena kɛ jiba ye tugu ka na dugukolo kan ka nimanfɛnw bɛɛ halaki tugu abada.

Mas fɔlɔ 8:23

«Masaba, Isirayɛli ka Ala, batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka ɲumanya kɛ i ka baarakɛlaw ye, minw b'i sago kɛ.

Lok fɔlɔ 16:15

Aw hakili ka to a ka layidu la tuma bɛɛ. A ka kuma ye waati bɛɛ ta ye.

Lok 2nan 6:14

k'a fɔ ko: «Masaba, Isirayɛli ka Ala! Batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka makari i ka baarakɛlaw la, minw jigi b'i kan.

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Zaburu 103:18

A b'u kɛ a ka layidu batobagaw ye, ani minw b'u hakili to a ka fɔtaw la k'u bato.

Zaburu 105:8

A hakili b'a ka layidu la tuma bɛɛ, a ye kuma min fɔ waati caaman nata mɔgɔw kosɔn,

Zaburu 119:75

Ne y'a lɔn ko e ka kiti tilennin lo, Masaba. I ye ne ɲaa gwan, tiɲɛ tun b'i fɛ k'o kɛ.

Zaburu 146:6

Masaba le ye sankolo ni dugukolo dan. A ye kɔgɔji n'a kɔnɔfɛnw bɛɛ dan. Ale lo ye tiɲɛtigi ye kudayi.

Zaburu 36:6

Masaba, e ka ɲumanya ka bon i ko sankolo. E ka kantigiya be ye fɔɔ sankaba kɔnɔ.

Bɔri 20:6

Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Ezayi 49:7

Mɔgɔ min koo man di mɔgɔw ye, u be ale min lɛɛbu, ale min ye kuntigi farimanw ka jɔɔn ye, Masaba, Isirayɛli kunmabɔbaga n'u ka Ala y'a fɔ ale ye ko: «Masaw mana i ye, u be wili ka lɔ, jamana kuntigiw be biri. O bena kɛ ne Masaba barika la, ne min ye kantigi ye, o bena kɛ ne Isirayɛli ka Ala barika la, ne min y'i woloma.»

Yeremi 32:18

I be makari mɔgɔ caaman la. Nga i be faaw ka kojugu juru sara u deenw na fana. Ala, i ka bon, fanga b'i la, e tɔgɔ le ko Masaba, Setigi.

Kasikan 3:23

Loon o loon sɔgɔma, u be kɛ kokura ye. E ka ɲi kosɔbɛ.

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Rɔmukaw 8:28

An y'a lɔn ko Ala be baara kɛ ni fɛɛn bɛɛ ye a kanubagaw ka makoɲa kama, a y'o minw wele ka kɛɲɛ n'a ka koo latigɛnin ye.

Kor fɔlɔ 1:9

Ala ye kantigi ye. A y'aw wele ka kɛ a Dencɛ an Matigi Yezu Krista jɛnɲɔgɔnw ye.

Kor fɔlɔ 10:3

U bɛɛ fana ye dumuni kelen sɔrɔ ka bɔ Ala fɛ k'o dumu.

Kor fɔlɔ 8:3

Ala koo ka di mɔgɔ min ye, Ala b'o tigi lɔn.

Kor 2nan 1:18

Ala ye ne seere ye, an ye kuma min fɔ aw ye, o te ten.

Sariya 32:39

Aw k'a lɔn sisan ko ne kelen le ye Ala ye! Batofɛn wɛrɛ te yen ni ne tɛ. Ne le be nii don mɔgɔ la, ne le be nii minɛ. Ne le be mɔgɔ mandimi, ne le be mɔgɔ kɛnɛya. Mɔgɔ si te se ka mɔgɔ bɔsi ne bolo.

Sariya 32:4

Ale lo ye tangakabakuru ye, a ka koo dafanin lo, a ka koow bɛɛ tilennin lo. Ala ye kantigi ye, tilenbaliya t'a ka koo la. Ale lo ye tiɲɛtigi ye, a tilennin lo.

Sariya 4:35

«O koo nunu kɛra ka yira aw la waasa aw k'a lɔn ko Masaba kelen le ye Ala ye, ko dɔ wɛrɛ te yen n'ale kelen tɛ.

Sariya 4:39

«Aw k'a lɔn, ani ka miiri a la bii, ko Masaba ye Ala ye sankolo la ani dugukolo kan. Dɔ wɛrɛ te yen ale kɔ.

Sariya 5:10

Ne koo ka di minw ye, n'u be ne ka kumaw bato, n bena ɲumanya kɛ olu kɔmɔgɔw ye fɔɔ u *filankuru waa caaman.

Tes fɔlɔ 5:24

Ala min y'aw wele, ale ye kantigi ye, ale lo bena o kɛ.

Tes 2nan 3:3

Nga Matigi ye kantigi ye, a bena jagwɛlɛya d'aw ma ani k'aw tanga juguman ma.

Tim 2nan 2:13

N'an kɛra janfaciw ye, ale be to a ka kantigiya la, bari ale te se ka ban a yɛrɛ la.

Tite 1:2

O jigi nin be nii banbali kan, Ala tiɲɛtigi y'a daa di min na kabini diɲɛ ma dan fɔlɔ.

Heburuw 10:23

An ko jigi min b'an fɛ, an kana an fari faga o koo la. Bari Ala min y'a daa di, kantigi lo.

Heburuw 11:11

O lanaya kelen kosɔn, Sara fana sera ka deen sɔrɔ a n'a ka musokɔrɔninya bɛɛ. Bari a lar'a la ko Ala y'a daa di koo min na, ko a b'o kɛ.

Heburuw 6:18

O kobaba fila nunu na, Ala te se ka galon tigɛ an ye cogo si la. O kama, an minw jigi b'o kan, o ka kan ka barika don an na kosɔbɛ k'o koo minɛ ka ɲa.

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Zan fɔlɔ 1:9

Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.

Kititigɛbagaw 2:1

Masaba ka mɛlɛkɛ bɔra Giligali ka na Bokimu, k'a fɔ ko: «Ne y'aw bɔ Ezipiti jamana na. Ne tun ye jamana min layidu ta aw faaw ye ko n ben'a di u ma, ne nana n'aw ye o kɔnɔ. Ne tun y'a fɔ ko ne tena n ka bɛɛn cɛn ni aw ye tugu.

Kititigɛbagaw 5:31

Masaba, i juguw bɛɛ ka halaki ten! E koo ka di mɔgɔ minw ye, olu ka kɛ i ko tile, a gwantuma papapa.» O kɔ, jamana nin tora hɛrɛ la saan bi naani kɔnɔ.