Sariya 7:8 - ALA KA KUMA

⁸ Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Jula NT of Côte d’Ivoire

⁸ Nka Matigi Ala ka aw kanu le, ani a karira ka layiri min ta aw bɛmaw ye fɔlɔfɔlɔ, a tun b’a fɛ ka o dafa; o kosɔn a ka aw labɔ Misiran a ta sebagaya baraka ra, ka aw kisi ka bɔ o jɔnyaso ra, ka aw bɔsi ka bɔ Misiran masacɛ Farawona boro.

Sariya 7:8 Iomraidhean Croise

Damina 19:16

Lɔti tun te teliyara minkɛ, cɛɛ nunu y'a bolo minɛ, a n'a muso, n'a denmuso fila, ka bɔ n'u ye dugu kɔnɔ, bari Masaba tun makarila u la.

Damina 19:29

Ala ye kɔkɛnɛ dugu nunu halaki tuma min na, a y'a hakili to Ibrayima la, ka Lɔti kisi dugu nunu halakituma na, Lɔti tun siginin be yɔrɔ min na.

Sam 2nan 22:20

A ye ne bɔsi ka lafiya di ne ma. A ye ne bɔsi bari ne koo ka d'a ye.

Mas fɔlɔ 10:9

Masaba i ka Ala min sɔnna k'i kɛ masacɛ ye Isirayɛlidenw kunna, boɲa ka la ale kan. Isirayɛlidenw koo ka di Masaba ye tuma bɛɛ minkɛ, o le y'a to, a y'i kɛ masacɛ ye janko i ka to ka jama ka koow ɲanabɔ ni tilenninya ye.»

Lok fɔlɔ 16:16

A y'o layidu nin ta Ibrayima ye, ka n'a daa di Isiyaka ma.

Lok 2nan 9:8

Masaba i ka Ala min sɔnna k'i kɛ masa ye janko ka baara kɛ ale ye, ale ka tanu! Isirayɛlidenw koo ka di i ka Ala ye, ani a b'a fɛ k'u to nii na tuma bɛɛ minkɛ, o la, a y'i kɛ u ka masacɛ ye, janko i ka to ka jama ka koow ɲanabɔ ni tilenninya ye.»

Zaburu 105:42

Bari Masaba hakili b'a ka layidu la, a tun ye min ta a ka baarakɛla Ibrayima ye.

Zaburu 44:3

E ye siya wɛrɛw gwɛn, ka sigiyɔrɔ di an faaw ma! E ye siya wɛrɛw halaki, u ka sɔrɔ ka sigi ka yɛrɛkɛ.

Zaburu 44:4

An faaw ye jamana nin minɛ, nga o ma kɛ u ka murujan sababu ye, o fana ma se sɔrɔ u ka fanga sababu la. E yɛrɛ ka sebagaya n'i ka fangatigiya nɔɔ lo, bari e tun be n'u ye, e ka kanuya kama.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 20:2

«Ne ye Masaba ye, aw ka Ala, min y'aw bɔ Ezipiti jamana na, k'aw bɔ jɔnya la.

Bɔri 32:13

I hakili to i ka baarakɛlaw la: Ibrayima ni Isiyaka ani Isirayɛli, i ye layidu ta i yɛrɛ tɔgɔ la minw ye, ko i bena u kɔmɔgɔw caya i n'a fɔ lolow. Ko i kumana jamana min koo la, ko i bena o di u kɔmɔgɔw ma, a ka kɛ u ta ye kudayi.»

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Ezayi 43:4

Aw koo ka gwɛlɛ ne ma, aw ye fɛnba ye ne fɛ, aw koo ka di n ye fana. O la, ne be adamadenw di aw nɔɔ na, ne be mɔgɔw di, waasa k'aw kisi.

Ezayi 63:9

u ka tɔɔrɔwaatiw bɛɛ la. A ma mɔgɔ si ci ka na u kisi, ale yɛrɛ le y'u kisi. A b'u kanu, a be makari u la, o la, a y'u kunmabɔ. A y'u ɲun, a y'u ta fɔlɔfɔlɔ tilew bɛɛ la.

Yeremi 31:3

Masaba y'a yɛrɛ yira anw na yɔrɔjan na. A ko: «Aw koo ka di ne ye tuma bɛɛ, o kama, ne be janto aw la.

Ezekiyɛli 36:22

«O le kosɔn, a fɔ Isirayɛlidenw ye ko ne Matigi, Masaba ko: Isirayɛlidenw, ne tena nin kɛ aw kosɔn, ne ben'a kɛ n tɔgɔ senuman le kosɔn, aw ye min cɛn siya wɛrɛw cɛma aw taayɔrɔw la.

Mise 6:4

Ne y'aw bɔ Ezipiti jamana na minkɛ wa? Ne y'aw hɔrɔnya jɔnya jamana na minkɛ wa? Ne ye Musa ni Arɔn ani Miriyama di aw ma k'o kɛ aw ka ɲamɔgɔw ye minkɛ wa?

Mise 7:20

I bena i ka kantigiya yira Yakuba kɔmɔgɔw la, i bena i ka ɲumanya kɛ Ibrayima kɔmɔgɔw ye, i ko e tun y'i daa di an faaw ma cogo min na kabini fɔlɔfɔlɔ.

Sofoni 3:17

Masaba i ka Ala b'i fɛ. Kɛlɛmasaŋana lo, a be see d'i ma. A nisɔndiyanin lo i kosɔn kosɔbɛ. A ka kanuya kama, a tena foyi fɔ i ye. A bena dɔɔn kɛ ka nisɔndiya kosɔbɛ i kosɔn.»

Malaki 1:2

Masaba ko: «Aw koo ka di ne ye. Nga aw do b'a fɔ ko: ‹Mun le b'a yira ko anw koo ka di e ye?› Ezawu tun te Yakuba kɔrɔcɛ ye wa? Ne Masaba b'a fɔ aw ye ko, Yakuba koo diyara ne ye,

Matiyu 11:26

I y'a kɛ ten bari a diyara i ye tiɲɛ na.»

Luka 1:55

k'a hakili to a ka ɲumanya la Ibrayima n'a kɔmɔgɔw faan fɛ, i ko a tun y'a daa di an faaw ma cogo min na.»

Rɔmukaw 11:28

Kibaru diman faan fɛ, u kɛra Ala juguw ye, o kɛra aw siya wɛrɛw ka dagamu ye, nga Ala ka wolomani faan fɛ, u koo ka di Ala ye u faaw kosɔn,

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 10:15

Masaba tun be aw bɛmaw dama fɛ, olu koo diyar'a ye. Aw minw ye u kɔmɔgɔw ye, a y'aw woloma siyaw bɛɛ cɛma i n'a fɔ a be cogo min na bii.

Sariya 23:6

Nga Masaba aw ka Ala ma sɔn ka mɛnni kɛ Balamu fɛ, a ye danga yɛlɛma k'a kɛ duba ye, bari aw koo ka d'a ye.

Sariya 33:3

Isirayɛli jama koo ka di Masaba ye, a b'a ka mɔgɔw bɛɛ mara. U b'u kunbiri gwan a seen kɔrɔ, u be kalan sɔrɔ yen.

Sariya 4:20

Nga aw kɔni, Masaba y'aw ta k'aw bɔ tɔɔrɔba kɔnɔ Ezipiti, janko aw ka kɛ a ka jama ye i n'a fɔ aw be cogo min na bii.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Sariya 4:37

Aw bɛmaw koo diyara a ye minkɛ, aw minw ye u kɔmɔgɔw ye, a y'aw woloma, k'aw bɔ Ezipiti jamana kɔnɔ, a yɛrɛ ma a ka setigiya barika la.

Sariya 5:6

‹Ne ye Masaba aw ka Ala ye min y'aw bɔ Ezipiti jɔnya la.

Zan fɔlɔ 4:19

Anw kɔni, kanuya b'an na, bari Ala le kɔnna k'an kanu.

Sam fɔlɔ 12:22

Masaba tɔgɔ ka bon. O le kosɔn, a tena sɔn k'a ka jama fili, bari a y'a latigɛ k'aw kɛ a ka jama ye.