Sariya 7:6 - ALA KA KUMA

⁶ Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Jula NT of Côte d’Ivoire

⁶ sabu aw ye siya saninyanin le ye, siya min blara danna Matigi Ala, aw ta Ala ye. Matigi Ala, aw ta Ala ka aw ɲanawoloma dugukolo siya tɔw bɛɛ cɛ ra, janko aw ye kɛ ale ta siya ye, siya min ko ka gbɛlɛn a ma.

Sariya 7:6 Iomraidhean Croise

Mas fɔlɔ 3:8

I ka baarakɛla b'i ka jama cɛma i ye min woloma. Jama nin ka ca haali, a te se ka jati, a daa fana te se ka lɔn.

Ɛsidarasi 9:2

U n'u dencɛw y'o siya nunu denmusow furu. U ye siya saniyanin nin ɲagami ni jamana nin kɔnɔ siyaw ye. U ɲamɔgɔw ni kititigɛlaw, le kɔnna k'o ɲagamini kɛ.»

Zaburu 114:2

Zuda kɔmɔgɔw kɛra Ala ta ye, Isirayɛli jama kɛr'a niyɔrɔ ye.

Zaburu 135:4

Masaba ye Isirayɛlidenw woloma ka kɛ a yɛrɛ ta ye.

Zaburu 50:5

A ko: «Aw ka ne ka jama lajɛn, minw bɛnna ni ne ye saraka sababu la.»

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Ezayi 41:8

Aw Isirayɛlidenw, ne ka baarakɛlaw, ne ye aw minw woloma, ne tericɛ Ibrayima kɔmɔgɔw,

Ezayi 41:9

ne ye aw minw minɛ ka bɔ fɔɔ diɲɛ daan na, ne y'aw wele k'aw to a daan na. Ne y'a fɔ aw ye ko aw ye ne ka baarakɛlaw ye. Ne y'aw woloma, ne m'aw fili.

Ezayi 6:13

Hali ni jama nin tilan tannan kelen le tora, tasuma le bena olu jɛni, i ko joyiriba min tigɛra, a juu dama le be to yen. O juu nin le be segi ka kɛ fɛɛn ɲanaman ye Ala fɛ.

Ezayi 62:12

U bena u wele ko Siya senuman, Masaba ye minw kunmabɔ. U bena i wele ko Madiyadugu, Dugu min labilanin tɛ.

Yeremi 2:3

Isirayɛlidenw, aw tun kɛra ne Masaba ta ye, i ko sɛnɛfɛn deen fɔlɔw. Ni mɔgɔ o mɔgɔ tun y'o dumu, o tigi tun be jalaki, sɛgɛn tun be o tigilamɔgɔ sɔrɔ. Ne Masaba le ko ten.› »

Ezekiyɛli 20:5

«A fɔ u ye ko ne Matigi, Masaba ko: Ne ye Isirayɛli woloma loon min na, ne ye n daa di sɔbɛ la Yakuba kɔmɔgɔw ma, ka n yɛrɛ yira u la Ezipiti jamana na. Ne ye layidu ta u ye ko ne bena kɛ Masaba ye, u ka Ala.

Sarakalasebagaw 20:24

Ne y'a fɔ aw ye ko aw bena u ka jamana tigiya kɛ. Ne bena jamana nin di aw ma ka kɛ aw ta ye, nɔnɔ ni lii ka ca kosɔbɛ o yɔrɔ la, jamana diman lo. Ne le ye Masaba aw ka Ala ye. Ne y'aw kɛ danna siya tɔw la.

Sarakalasebagaw 20:26

«Aw ka kɛ mɔgɔɲumanw ye ne fɛ, bari ne Masaba ka ɲi. Ne ye aw faran ka bɔ siya tɔw la k'aw bila danna, janko aw ka kɛ ne taw ye.

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Malaki 3:17

Masaba, Setigi ko: «Ne be loon min labɛnna, u bena kɛ ne niyɔrɔ ye o loon na. Deen min be baara kɛ a faa ye, a faa be makari a la cogo min na, ne bena makari u la ten.

Kɛwalew 13:17

Ala y'an zuwifuw bɛmaw koo diya a yɛrɛ ye. A y'a kɛ u cayara Ezipiti jamana na. O kɔ, a y'a ka setigiya yira, a y'an bɛmaw bɔ o yɔrɔ la.

Rɔmukaw 9:4

olu minw ye Isirayɛlidenw ye. Ala ye olu minw minɛ k'o kɛ a ka deenw ye, k'a yɛrɛ yira u la, ka bɛn n'u ye siɲɛ caaman, ka sariya sigi u ye k'a yɛrɛ batocogo yira u la, k'a daa di u ma.

Sariya 14:2

bari aw ye siya ye min ye Masaba aw ka Ala ta ye. A y'aw woloma siya tɔw bɛɛ cɛma dugukolo kan, janko aw ka kɛ a yɛrɛ tɔgɔla jama ye.

Sariya 14:21

«Fɛɛn min sar'a yɛrɛ ma, aw man kan k'o sogo ɲimi. Lonan minw siginin be aw ka duguw la, aw k'a di olu ma, u k'a ɲimi, walima aw be se k'a feere lonan wɛrɛw ma. Aw ye Masaba an ka Ala ta ye. Aw man kan ka baden tobi a bamuso nɔnɔ na.

Sariya 26:18

«Masaba y'a fɔ bii ko aw ye a ka jama ye, ka kɛɲɛ n'a ka layidu tanin ye, ani ko aw ka kan k'a ka kuma bɛɛ mara,

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 28:9

N'aw ye Masaba aw ka Ala ka fɔtaw mara, k'a ka siraw taama, a bena aw kɛ a yɛrɛ tɔgɔla jama ye ka kɛɲɛ n'a ka layidu ye aw ye.

Sariya 33:3

Isirayɛli jama koo ka di Masaba ye, a b'a ka mɔgɔw bɛɛ mara. U b'u kunbiri gwan a seen kɔrɔ, u be kalan sɔrɔ yen.

Sariya 4:20

Nga aw kɔni, Masaba y'aw ta k'aw bɔ tɔɔrɔba kɔnɔ Ezipiti, janko aw ka kɛ a ka jama ye i n'a fɔ aw be cogo min na bii.

Sariya 4:37

Aw bɛmaw koo diyara a ye minkɛ, aw minw ye u kɔmɔgɔw ye, a y'aw woloma, k'aw bɔ Ezipiti jamana kɔnɔ, a yɛrɛ ma a ka setigiya barika la.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.

Piy 2nan 2:5

Ala ma hinɛ fɔlɔfɔlɔ mɔgɔw la fana. A ye jiba bila ka na Alaɲasiranbaliw bɛɛ halaki k'a tɔɔ to Nuhun, min tun be tilenninyako fɔ, ani mɔgɔ wolonwula.

Piy 2nan 2:9

O cogo kelen na, Matigi be se ka mɔgɔtilenninw kisi tɔɔrɔ ma ka mɔgɔjuguw mara kitilon kama.

Sam fɔlɔ 12:22

Masaba tɔgɔ ka bon. O le kosɔn, a tena sɔn k'a ka jama fili, bari a y'a latigɛ k'aw kɛ a ka jama ye.