Sariya 7:26 - ALA KA KUMA

²⁶ Fɛɛn minw nɔgɔninw lo, aw kana don ni olu si ye aw ka soo kɔnɔ, janko aw fana kana halaki i n'a fɔ olu. Aw ka kan k'o koo goya aw ye, u man kan ka diya aw ye fewu, bari u ka kan ka halaki le.

Jula NT of Côte d’Ivoire

²⁶ Aw man kan ka o fɛn haramuyanin si ladon aw ta so kɔnɔ, janko Matigi Ala kana na aw danga ka aw bla halakiri kama, i n’a fɔ o fɛnw blara halakiri kama cogo min na. Aw ka kan ka ɲigi o fɛnw na, ka o haramuya, sabu Ala ka o fɛnw danga ka o bla halakiri le kama.

Sariya 7:26 Iomraidhean Croise

Ezayi 2:20

O loon na, adamadenw bena u ka joow fili yɔrɔjan. U ye minw dilan ni warigwɛ ni sanu ye ka to k'u bato.

Ezayi 30:22

O tuma na, aw ka joo minw mɔnna ni warigwɛ ye, n'aw ka jaa minw mɔnna ni sanu ye, aw bena o jati fɛnnɔgɔnin ye. Aw bena u fili i ko fɛɛn nɔgɔnin, k'a fɔ u ma ko: «Aw ye tunu ka bɔ yan.»

Ezayi 41:24

Nga aw te foyi ye, aw ka kɛwaliw ye fuu ye. Aw ka koo man di. Mɔgɔ min be nɔrɔ aw la, o tigi ni aw ye kelen ye.

Ezekiyɛli 11:18

N'u kɔsegira jamana nin kɔnɔ tuma min na, aw bena u ka josɔnko n'u ka murutiko bɛɛ ban.

Ezekiyɛli 14:7

«Ni Isirayɛliden dɔ, walima lonan dɔ, min siginin be Isirayɛli jamana kɔnɔ, n'a banna ne la, ka joko don a dusu la, o k'a nigɛ k'a don kojugu la, n'o tigi tagara kira ɲininga janko ka ne sago lɔn, ne Masaba yɛrɛ ben'a jaabi.

Oze ta kitabu 14:8

Minw tun siginin be a suma kɔrɔ, olu bena segi ka na. U bena suman sɛnɛ, u bena yiriwa i ko *ɛrɛzɛnsun, u koo bena fɔ i ko Liban duvɛn.

Jakariya 5:4

Masaba, Setigi ko ale ye danga nin ci, waasa a ka don soonw fɛ, ani mɔgɔ minw be kali ne tɔgɔ la ka galon tigɛ. Ko a bena to u ka soo, k'a bɛɛ halaki, hali a kabakuruw n'a lɔgɔw bɛɛ.

Rɔmukaw 2:22

E min b'a fɔ k'u kana kakalaya kɛ, k'a sɔrɔ e yɛrɛ b'a kɛ! I ko joko man d'i ye fewu, e do be jobon kɔnɔfɛnw soɲa.

Sariya 13:16

aw b'o dugu nin mɔgɔw bɛɛ faga ni murujan ye. Aw ka dugu nin n'a kɔnɔnafɛnw bɛɛ halaki pewu ka kɛ Masaba ta ye, begɛn fara mɔgɔw kan.

Sariya 13:17

Aw k'o dugu nafolo bɛɛ cɛ k'o kɛ ɲɔgɔn kan forobayɔrɔ la k'a jɛni pepewu, ka dugu nin fana jɛni Masaba aw ka Ala ye. O yɔrɔ bena kɛ tomo ye, dugu nin tena sigi tugu abada.

Sariya 13:18

Fɛɛn minw ka kan ka halaki ka kɛ Masaba ta ye, aw man kan ka maga olu si la janko Masaba ka dimi fariman ka ban. A ben'a ka ɲumanya yira aw la, ka makari aw la, k'aw caya, i n'a fɔ a y'a layidu ta aw bɛmaw ye cogo min na.